~~~~~~~~⊰❂ Unicode Version ❂⊱~~~~~~~~

ထိုင်းနိုင်ငံ ကာကွယ်တောများတွင် မူလဒေသခံများအား ဆက်လက်နေထိုင်ခွင့်နှင့် ပြည့်ဖြိုးမြဲ သစ်တောထွက်ပစ္စည်းများ အသုံးပြုခွင့်ပေးသည့် ဥပဒေသစ်ပြဌာန်း
**********
ထိုင်းနိုင်ငံတွင် ကာကွယ်တောများအဖြစ် သတ်မှတ်လိုက်သည့် သစ်တောဧရိယာအတွင်းမှ မူလဒေသခံများကို ဆက်လက်နေထိုင်ခွင့်နှင့် ပြန်လည်ပြည့်ဖြိုးနိုင်သည့် သစ်တောထွက်ပစ္စည်းများကို အသုံးပြုခွင့်ပေးသည့် ကာကွယ်တောများနှင့်ပတ်သက်သည့် ဥပဒေသစ်ကို ပြဌာန်းပေးလိုက်ပြီဖြစ်ကြောင်း The Nation သတင်းတွင် ဖေါ်ပြထားသည်။

အဆိုပါဥပဒေမှာ ကာကွယ်တောများအဖြစ် မသတ်မှတ်မီကတည်းက အဆိုပါသစ်တောများတွင် ဘိုးစဉ်ဘောင်ဆက်နေထိုင်လာသည့် ဒေသခံများ၏ လူမှုဘဝအခက်အခဲမဖြစ်စေရန်နှင့် သစ်တောများ ဆက်လက်ထိန်းသိမ်းနိုင်ရေးအတွက် ကတ်ဘိနက်က အတည်ပြုပေးလိုက်ခြင်းဖြစ်ကြောင်း သိရသည်။

ဥပဒေသစ်အရ ခွင့်ပြုပေးလိုက်သော်လည်း ဒေသခံများက ဥပဒေပါ သစ်တောထွက်ပစ္စည်းများအား ရယူအသုံးပြုခြင်းနှင့်ပတ်သက်၍ ပြင်းထန်သည့်ပြစ်ဒဏ်များနှင့် ရင်ဆိုင်ရမည်ကို စိုးရိမ်နေကြဆဲဖြစ်ကြောင်း သိရသည်။

အမျိုးသားသစ်တောဧရိယာအဖြစ် မသတ်မှတ်မီကတည်းက အဆိုပါသစ်တောများကို အမှီပြုနေထိုင်ခဲ့ကြသည့် ဒေသခံများမှာ မိရိုးဖလာအလုပ်အကိုင်ဖြစ်သည့် မှိုကဲ့သို့ ပြန်လည်ပြည့်ဖြိုးမြဲ သစ်တောထွက်ပစ္စည်းများ ရှာဖွေရောင်းချခွင့်ရကြမည်ဖြစ်ကြောင်း သိရသည်။

ယင်းကဲ့သို့အတည်မပြုမီ အမျိုးသားသစ်တောဧရိယာအတွင်း ကွင်းဆင်းသုတေသနလုပ်ငန်းကို ဆောင်ရွက်ခဲ့ပြီး သစ်တောများအတွင်း ဂေဟစနစ်မပျက်ယွင်းစေဘဲ ဒေသခံများကို အသုံးပြုခွင့်ပေးနိုင်သည့် သဘာဝတောထွက်ပစ္စည်းများရှိကြောင်းကို လေ့လာတွေ့ရှိချက်အရ အတည်ပြုပေးခြင်းဖြစ်သည်ဟု သိရသည်။

Tachileik News Agency
Ref: The Nation

[ဓါတ်ပုံ - သစ်တောများအတွင်း ဒေသအသီးသီးမှ မှိုလာရှာသူများဖြစ်ပြီး ယင်းကဲ့သို့လုပ်ဆောင်ခြင်းများကို (၆)လအကြာတွင် သက်ဝင်မည့် ဥပဒေသစ်တွင် တားမြစ်ခံရမည်ဖြစ်သည်]