~~~~~~~~⊰❂ Unicode Version ❂⊱~~~~~~~~

ဒီမိုကရက်ပါတီမှ အသက် (၈၀)အရွယ် ချွန်လိပိုင် ထိုင်းအောက်လွှတ်တော်ဥက္ကဌအဖြစ် ရွေးချယ်ခံရ
https://www.tachileik.net/2019/05/thaipolitics.html
**************
ထိုင်းအောက်လွှတ်တော်ဥက္ကဌအဖြစ် ဒီမိုကရက်ပါတီမှ ချွန်လိပိုင်က ဖွေထိုင်းပါတီမှ ဆမ်ဖွန်အမာဝိရတ်ကို  (၂၈၅)မဲ (၂၃၅)မဲဖြင့် အနိုင်ရရှိသွားကြောင်း သိရသည်။

ဘန်ကောက်တွင် ၂၀၁၉ ခုနှစ် မေလ (၂၅)ရက်နေ့ကကျင်းပသည့် မဲပေးရွေးချယ်မှုအတွင်း ဖွေထိုင်းပါတီ၏မဟာမိတ်ပါတီများမှ လွှတ်တော်ကိုယ်စားလှယ်အချို့၏ ဆန္ဒမဲကိုပါ ချွန်လိပိုင်က ရရှိသွားသည်ကိုတွေ့ရကြောင်း သိရသည်။

ဖလန်ဖရာချတ်ပါတီ(PPRP) နှင့်မဟာမိတ်ပါတီများ၏ အားပေးထောက်ခံမှုရထားသည့် အသက် (၈၀)အရွယ် ချွန်လိပိုင်သည် ၁၉၉၂ မှ ၁၉၉၅ ခုနှစ်အတွင်းနှင့် ၁၉၉၇ ခုနှစ်မှ ၂၀၀၁ ခုနှစ်များအတွင်း ဝန်ကြီးချုပ်အဖြစ် နှစ်ကြိမ်တိုင်တိုင် တာဝန်ထမ်းဆောင်ခဲ့သူဖြစ်သည်။

တရားရေး၊ ကူးသန်းရောင်းဝယ်ရေး၊ စိုက်ပျိုးရေး၊ ပညာရေးနှင့် ပြည်သူ့ကျန်းမာရေးဝန်ကြီးဌာနများတွင်လည်း ဝန်ကြီးအဖြစ် အသီးသီးတာဝန်ထမ်းဆောင်ခဲ့သည့် ချွန်လိပိုင်သည် ၁၉၉၁ ခုနှစ်ကတည်းက ဒီမိုကရက်ပါတီဦးဆောင်ခဲ့သူဖြစ်ပြီး လက်ရှိတွင် ပါတီအကြံပေးအဖြစ် ဆောင်ရွက်နေခြင်းဖြစ်သည်။

ရွေးချယ်ခံလွှတ်တော်ကိုယ်စားလှယ်များက လွှတ်တော် ဒုဥက္ကဌ (၂)ယောက်ကို မေလ (၂၆)ရက်နေ့တွင် ထပ်မံမဲပေးရွေးချယ်ကြမည်ဖြစ်သည်။

Tachileik News Agency
Ref: Bangkok Post