~~~~~~~~⊰❂ Unicode Version ❂⊱~~~~~~~~

ရှမ်းပြည်နယ်အရှေ့ပိုင်း၊ တာချီလိတ်မြို့ရှိ ရပ်ကွက်များအတွင်း ဌာန(၁၀)ခုပါဝင်သည့် ရွှေ့လျားဝရှမ်းပြည်နယ်အရှေ့ပိုင်း၊ တာချီလိတ်မြို့ရှိ ရပ်ကွက်များအတွင်း ဌာန(၁၀)ခုပါ၀င်သည့် ရွေ့လျားဝန်ဆောင်မူ (OSS)အနေဖြင့် မှတ်ပုံတင်ပျောက်ဆုံးပျက်စီးမှုများနှင့် ထုတ်ပေးရေးအတွက် လျှောက်လွှာများကို လက်ခံပေးသွားမည်ဖြစ်ပြီး အထွေထွေအုပ်ချုပ်ရေးဦးစီးဌာနတွင် လက်ခံထိန်းသိမ်းထားပြီး အစောင် (၅၀) အထက်ရရှိသည့် ရပ်ကွက်များကို လူဝင်မူကြီးကြပ်ရေးဦးစီးဌာနမှ ကွင်းဆင်းဆောင်ရွက်ပေးသွားမည်ဖြစ်ကြောင်း သိရသည်။

"မှတ်ပုံတင် ပျောက်တာ၊ ပျက်တာတွေလည်း လုပ်လို့ရတယ်။ အဓိကကတော့ မှတ်ပုံတင်ပေါ့။ သူကတစ်ထိုင်တည်း တစ်နေရာတည်းမှာလုပ်ပေးလို့မရတဲ့အတွက် အားနည်းချက်တော့ရှိတာပေါ့။ တိုင်းရင်းသားတော်တော်များများက မှတ်ပုံတင်ပေါ့။ ပျောက်တာတွေ၊ ပျက်တာတွေကို ပြန်လုပ်တာစိတ်ဝင်စားကြတာ။ အဲဒီဝန်ဆောင်မှုကို သက်ဆိုင်ရာ လဝက က မပေးနိုင်သေးဘူး။ ဒါကိုကျွန်တော်တို့က မွေးတိုးတို့ ဖွားသေတို့လုပ်ရင်းနဲ့ လျှောက်လွှာလျှောက်လို့ရတာပေါ့။ လျှောက်လွှာတွေကို အုပ်ချုပ်ရေးမှူးရုံးမှာထိန်းထားပြီးတော့ သီးခြားပေါ့။ လဝကတစ်ဖွဲ့လုံးကွင်းဆင်းပြီးတော့ လုပ်ဆောင်ပေးမယ့်စီမံချက်ရှိတာပေါ့။ သူကလက်ဗွေနှိပ်တာတို့။ ဘိုးဘွားစဉ်ဆက်ဇယားတို့ သွင်းရတာကိုး။ အဲဒီအခက်အခဲလေးတွေရှိတော့ လျှောက်လွှာတွေလက်ခံပြီးတော့ ကွင်းဆင်းဆောင်ရွက်ဖို့ အစီအစဉ်ရှိပါတယ်"ဟု တာချီလိတ် ဒုတိယမြို့နယ်အုပ်ချုပ်ရေးမှူး ဦးမင်းအောင်က တာချီလိတ်သတင်းအေဂျင်စီသို့ ပြောသည်။

ဒုတိယအကြိမ်မြောက် ရွေ့လျားဝန်ဆောင်မှုအဖြစ် ဝမ်ကောင်းရပ်ကွက်အတွင်း ၂၀၁၉ ခုနှစ် မေလ (၂၀)ရက်နေ့က ဆောင်ရွက်ပေးရာတွင် လူမှုဝင်ကြီးကြပ်ရေးဦးစီးဌာနမှ (၁၀)ခု၊ မြန်မာနိုင်ငံရဲတပ်ဖွဲ့က (၇)ခု၊ အထွေထွေအုပ်ချုပ်ရေးဦးစီးဌာနက (၁)ခု၊ စုစုပေါင်း (၁၈)ခု ဆောင်ရွက်ပေးနိုင်ခဲ့ကြောင်း နှင့် မေလ (၂၁)ရက်နေ့တွင် ပုန်းထွန်ရပ်ကွက်အတွင်း လူမှုဝင်ကြီးကြပ်ရေး ဦးစီးဌာနမှ (၂၅)ခု၊ ကျန်းမာရေးဦးစီးဌာနမှ (၃)ခု၊ အထွေထွေအုပ်ချုပ်ရေးဦးစီးဌာနက (၃)ခု၊ မြန်မာနိုင်ငံရဲတပ်ဖွဲ့က (၃)ခု စုစုပေါင်း (၃၄)ခု ဆောင်ရွက်ပေးနိုင်ခဲ့ကြောင်းအပြင် မေလ (၂၂) ရက်နေ့တွင် တာလော့ရပ်ကွက်အတွင်း လူမှုဝင်ကြီးကြပ်ရေး ဦးစီးဌာနမှ (၂) ခု၊ ကျန်းမာရေးဦးစီးဌာနမှ (၁) ခု စုစုပေါင်း (၃) ခုဆောင်ရွက်ပေးခဲ့ကြောင်း သိရသည်။

One Stop Shop(OSS) အဖွဲ့တွင် အထွေထွေအုပ်ချုပ်ရေးဦးစီးဌာန၊ မြန်မာနိုင်ငံရဲတပ်ဖွဲ့၊ မြန်မာနိုင်ငံ မီးသတ်တပ်ဖွဲ့၊ ပြည်တွင်းအခွန်များ ဦးစီးဌာန၊ ကြေးတိုင်နှင့်မြေစာရင်းဦးစီးဌာန၊ မြို့နယ်စည်ပင် သာယာရေး ကော်မတီ၊ ပြန်/ထူ၊ လျှပ်စစ်ဝန်ကြီးဌာန၊ လူဝင်မှုကြီးကြပ်ရေးနှင့် ပြည်သူ့အင်အား ဦးစီးဌာနနှင့် ကျန်းမာရေးဝန်ကြီးဌာနတို့ ပါ၀င်ကာ အဆိုပါ ဌာနများနှင့် သက်ဆိုင်သည့် ကိစ္စရပ်များကို ချက်ချင်း ဆောင်ရွက်ပေးခြင်းဖြစ်ပြီး ချက်ချင်းဆောင်ရွက်၍ မဖြစ်နိုင်သည့်လုပ်ငန်းများကို သက်ဆိုင်ရာ ဌာနများမှ လျှောက်လွှာများလက်ခံရယူပြီး ရုံးတွင် ပြုလုပ်ပေးကြောင်း သိရသည်။

သတင်း - ဟန်စိုးထိုက်
ဓာတ်ပုံ - ကျော်ဇင်ဟိန်း