မြန်မာနိုင်ငံက အချိုးကျပူးတွဲပိုင်ဆိုင်မည့် MyanmarSat - 2 ဂြိုဟ်တုကို ၂၀၁၉ ခုနှစ်၊ ဇွန်လတွင် အာကာသသို့ လွှတ်တင်မည်ဖြစ်ပြီး စက်တင်ဘာလလယ်ခန့်တွင် စတင်အသုံးပြုနိုင်မည်ဖြစ်ကြောင်း သိရသည်။

အဖွဲ့ဝင် (၁၃)ဦးပါဝင်သည့် မြန်မာနိုင်ငံပိုင် ဂြိုဟ်တုစနစ်တည်ထောင်ရေး ဦးဆောင်ကော်မတီကို နိုင်ငံတော်သမ္မတရုံး၏ ၂၀၁၇ ခုနှစ်၊ ဇန်နဝါရီလ (၂၅) ရက်နေ့ ရက်စွဲပါ အမိန့်ကြော်ငြာစာအမှတ်၊ ၁၇/၂၀၁၇ ဖြင့် ဖွဲ့စည်းဆောင်ရွက်နေရာ ပထမအဆင့်အနေဖြင့် အခြားနိုင်ငံကပိုင်သည့် ဂြိုဟ်တုထရန်စပွန်ဒါကို ငှားရမ်းကာ ငွေပေးချေသည့်စနစ်ဖြင့် MyanmarSat-1 ကို ငှားရမ်းအသုံးပြုခဲ့ကာ ဒုတိယအဆင့်အနေဖြင့် အချိုးကျပူးတွဲပိုင်ဆိုင်မည့်ဂြိုလ်တုလွှတ်တင်ရေးကို ထပ်မံဆောင်ရွက်နေခြင်းဖြစ်ကြောင်း သိရသည်။

အချိုးကျပူးတွဲပိုင်ဆိုင်သည့်စနစ်ဖြစ်ပြီး ၎င်းစနစ်ကို အကောင်အထည်ဖော်နိုင်ရေးအတွက် ၂၀၁၈ ခုနှစ်၊ ဇွန်လ (၁) ရက်နေ့တွင် ပို့ဆောင်ရေးနှင့် ဆက်သွယ်ရေးဝန်ကြီးဌာနလက်အောက်ရှိ သတင်းအချက်အလက် နည်းပညာနှင့် ဆိုက်ဘာလုံခြုံရေးဦးစီးဌာနနှင့် Intelsat Global Sales & Marketing Limited တို့ သဘောတူစာချုပ် လက်မှတ်ရေးထိုးခဲ့ခြင်းဖြစ်ကြောင်း သိရသည်။

အချိုးကျပူးတွဲပိုင်ဆိုင်မည့် MyanmarSat - 2 ဂြိုဟ်တုအတွက် စုစုပေါင်းအမေရိကန် ဒေါ်လာ ၁၅၅ ဒသမ ၇ သန်း မြန်မာကပေးချေရမည်ဖြစ်သည့်အနက် ၂၀၁၈ ခုနှစ်၊ (၆)လ ဘတ်ဂျက်တွင် (၃၀) ရာခိုင်နှုန်း၊ ၂၀၁၈-၂၀၁၉ ဘဏ္ဍာရေးနှစ်တွင် (၅၀) ရာခိုင်နှုန်းပေးချေထားပြီး ၂၀၁၉-၂၀၂၀ ဘဏ္ဍာရေးနှစ်တွင် ကျန် (၂၀)ရာခိုင်နှုန်း ပေးချေရမည်ဖြစ်ကြောင်း သိရသည်။

MyanmarSat-2 လွှင့်တင်ပြီး လက်ရှိအသုံးပြုနေသည့် MyanmarSat-1 မှ လိုင်းအင်အားများကို ပြောင်းရွှေ့ပြီးပါက MyanmarSat-1 အတွက် ငှားရမ်းခ ပေးချေရန်မလိုတော့ကြောင်း သိရသည်။

မြန်မာနိုင်ငံပိုင်ဂြိုဟ်တုစနစ် တည်ထောင်ရေး ဦးဆောင်ကော်မတီတွင် မြန်မာနိုင်ငံပိုင်ဂြိုဟ်တုစနစ်တည်ထောင်ရေး လုပ်ငန်းကော်မတီတစ်ခုနှင့် ဆပ်ကော်မတီ(၄)ခု ကို ဖွဲ့စည်းဆောင်ရွက်နေပြီး Space Agency ထူထောင်နိုင်ရေးနှင့် Space Law များ စုဆောင်းပြင်ဆင်ရေးတို့အပြင် ကိုယ်ပိုင်ဂြိုလ်တုလွှတ်တင်နိုင်ရေးကိုလည်း လုပ်ဆောင်နေကြောင်း သိရသည်။

Tachileik News Agency
ဓါတ်ပုံ - နိုင်ငံတော်သမ္မတရုံး

~~~~~~~~⊰❂ Unicode Version ❂⊱~~~~~~~~