~~~~~~~~⊰❂ Unicode Version ❂⊱~~~~~~~~

ကမ္ဘာတစ်လွှားအသုံးပြုသူများသည့် လူမှုကွန်ယက်စာမျက်နှာများ နှောင့်ယှက်ခံရမှုဖြစ်ပွား
**************
လူမှုကွန်ယက်စာမျက်နှာများဖြစ်ကြသည့် Facebook၊ Instagram၊ WhatsApp၊ Etsy, Twitter နှင့် အမေရိကန်ပြည်ထောင်စု၏ စာပို့လုပ်ငန်းအပါအဝင် ကမ္ဘာတစ်လွှား အသုံးပြုသူများသည့် ဝက်ဘ်ဆိုဒ်များမှာ ၂၀၁၉ ခုနှစ်၊ မတ်လ (၁၃)ရက်နေ့က ပုံမှန်အလုပ်လုပ်၍မရဘဲ ယာယီပြဿနာဖြစ်ပွားခဲ့သော်လည်း အကြောင်းရင်းကို မသိရသေးကြောင်း သိရသည်။

ယင်းကဲ့သို့ ဖြစ်ပွားရသည့်အကြောင်းရင်းကို ရှင်းလင်းစွာမသိရသေးသည့်အပြင် အဆိုပါ ဝက်ဘ်အားလုံးနှင့် မည်ကဲ့သို့ဆက်စပ်နေသည်ကိုလည်း သိရှိရခြင်းမရှိသေးကြောင်း သိရသည်။
အသုံးပြုသူများ ပုံမှန်အတိုင်းအသုံးပြု၍မရဘဲ အခက်အခဲဖြစ်ခဲ့ကြောင်းကို Facebook က သတိထားမိခဲ့ကြောင်း ဖေါ်ပြခဲ့သော်လည်း ပြဿနာဖြစ်ရသည့်အကြောင်းရင်းကို ထုတ်ဖေါ်ပြောကြားထားခြင်းမရှိသေးပါ။

“Facebook အသုံးပြုနေတဲ့သူတွေ အခုအခက်အခဲဖြစ်နေရတာကို သတိထားမိပါတယ်။ ဒီပြဿနာကို အမြန်ဆုံး ဖြေရှင်းနေကြပါတယ်”ဟု Facebook က Twitter တွင် ဖေါ်ပြခဲ့ခြင်းဖြစ်သည်။

၂၀၁၆ ခုနှစ်ကလည်း အလားတူတိုက်ခိုက်မှုမျိုး ဖြစ်ပွားခဲ့စဉ်က Reddit၊ Spotify နှင့် Twitter တို့ ယာယီအသုံးပြု၍မရဘဲဖြစ်ခဲ့သည်။ အဆိုပါအဖြစ်အပျက်မှာ အင်တာနက်ထုတ်လွှင့်သည့်စက်အရေအတွက် အတော်များများအား ခိုး၍ထိန်းချုပ်ထားသည့် botnet က offline ဖြစ်သွားစေရန်ုလုပ်ဆောင်ခဲ့ကြောင်း သိရှိခဲ့ရခြင်းဖြစ်သည်။

Tachileik News Agency
Ref:Independent