~~~~~~~~⊰❂ Unicode Version ❂⊱~~~~~~~~

ဂျပန်နိုင်ငံတွင် ကလေးငယ်များအား ကိုယ်ထိလက်ရောက်ဆုံးမခြင်းကို ဥပဒေအရ တားမြစ်မည်
*******
ဂျပန်နိုင်ငံတွင် ကလေးငယ်တစ်ဦးအား ဖခင်ဖြစ်သူက ရိုက်နှက်ဆုံးမရာမှ သေဆုံးမှုဖြစ်ပွားခဲ့ပြီးနောက် ကလေးငယ်များအား ကိုယ်ထိလက်ရောက်ရိုက်နှက်ခြင်း၊ ဒဏ်ပေးဆုံးမခြင်းတို့မှ အကာအကွယ်ပေးမည့် ဥပဒေကိုပြဌာန်းနိုင်ရန် ပြင်ဆင်နေပြီဖြစ်ကြောင်း သိရသည်။

ကလေးများကို မိဘများ၊ အုပ်ထိန်းသူများအနေဖြင့် ကိုယ်ထိလက်ရောက် ရိုက်နှက်၊ ဒဏ်ပေးဆုံးမပါက လူမှုစောင့်ရှောက်ရေးဌာနက ထိထိရောက်ရောက် ကာကွယ်စောင့်ရှောက်နိုင်ရန် လုပ်ဆောင်သွားမည့်အပြင် မိဘများအပြင် ကလေးသူငယ်စောင့်ရှောက်သူများ၊ အုပ်ထိန်းသူများအားလုံးအနေဖြင့် ကလေးငယ်များအား ရိုက်နှက်ခြင်း၊ ညှင်းပန်းခြင်း မပြုလုပ်ရန် ကာကွယ်ပေးထားမည့် အဆိုပါဥပဒေကို ၂၀၁၉ ခုနှစ်၊ မတ်လလယ်တွင် အတည်ပြုနိုင်မည်ဟု ဝန်ကြီးချုပ် ရှင်ဇိုအာဘေးက မျှော်လင့်ထားကြောင်း သိရသည်။

ဂျပန်နိုင်ငံတွင် ၂၀၁၈ ခုနှစ်က အသက် (၅)နှစ်အရွယ်သမီးငယ်အား ဖခင်ဖြစ်သူက ရိုက်နှက်ဆုံးမသဖြင့် သေဆုံးသွားရာ ဖခင်ဖြစ်သူကို ဖမ်းဆီးအရေးယူခဲ့ရသည့်အပြင် (၁၀)နှစ်အရွယ် မိန်းကလေးတစ်ဦးမှာလည်း ဖခင်ဖြစ်သူက နာရီပေါင်းများစွာ မတ်တပ်ရပ်စေပြီး အပြစ်ပေးခံခဲ့ရချိန်တွင် လူမှုစောင့်ရှောက်ရေးဌာနနှင့် ကျောင်းတို့ကို အကြိမ်ကြိမ်ဖုန်းခေါ်ခဲ့သော်လည်း အရေးတယူဆောင်ရွက်ပေးမှု နှေးကွေးလွန်းသည့်ဖြစ်ရပ်များ ဖြစ်ပွားခဲ့ကြောင်း သိရသည်။

ယင်းအဖြစ်အပျက်များ ဖြစ်ပွားပြီးနောက် ကလေးသူငယ်များအား ကိုယ်ထိလက်ရောက် ညှင်းပန်းနှိပ်စက် အပြစ်ပေးခြင်း၊ ဒဏ်ပေးခြင်းအား ဥပဒေအရ ထိထိရောက်ရောက် အကာကွယ်ပေးနိုင်ရန် အစိုးရက ကြိုးပမ်းလာခြင်းဖြစ်ကြောင်း သိရသည်။

ဥပဒေအရ မည်သည့်အပြုအမူများက ကလေးသူငယ်များအပေါ် ညှင်းပန်းနှိပ်စက်ခြင်းမြောက်စေကြောင်းကို ရှင်းလင်းစွာ ဖေါ်ပြထားမည်ဖြစ်ကြောင်း သိရသည်။

Source:Japantoday⊰❂ #TachileikNewsAgency #TNA #TachileikOnlineNews  #တာခ်ီလိတ္သတင္းေအဂ်င္စီ www.tachileik.net  ❂⊱