~~~~~~~~⊰❂ Unicode Version ❂⊱~~~~~~~~

အော်ရန်အူတန်ကို ခရီးဆောင်အိတ်အတွင်းဝှက်၍ သယ်ရန်ကြိုးစားသည့် လူငယ်တစ်ဦး အင်ဒိုနီးရှားတွင် ထောင်ဒဏ် (၅)နှစ်နှင့် ဒဏ်ငွေဒေါ်လာ (၇၀၀၀)ကျခံရဖွယ်ရှိနေ
************
အော်ရန်အူတန်မျောက်ဝံအား ခရီးဆောင်အိတ်အတွင်းဝှက်၍ သယ်ယူရန်ကြိုးစားသည့် ရုရှားလူငယ်တစ်ဦး အင်ဒိုနီးရှားနိုင်ငံ၊ ဘာလီတွင်ဖမ်းဆီးခံရကြောင်း သိရသည်။

ဘာလီကျွန်းမှ အသက်(၂)နှစ်အရွယ် အော်ရန်အူတန်လေးအား ခရီးဆောင်အိတ်အတွင်း ထည့်သယ်လာသည်ကို X-Ray စက်ဖြင့်ဖြတ်စဉ် စစ်ဆေးတွေ့ရှိရသဖြင့် အသက် (၂၇)နှစ်အရွယ် ရုရှားခရီးသွားလူငယ်ကို သဘာဝသယံဇာတထိန်းသိမ်းရေးဥပဒေဖြင့် ဖမ်းဆီးလိုက်ခြင်းဖြစ်ကြောင်း သိရသည်။

အော်ရန်အူတန်လေးအား (၃)နာရီခန့်မေ့မျောနေရန် နွားနို့နှင့်ရော၍ ဆေးတိုက်ကျွေးထားကာ သယ်ဆောင်ခြင်းဖြစ်ကြောင်း သိရသည်။

ဘာလီတွင် လမ်းဘေးဈေးအတွင်း ဈေးဝယ်စဉ် ဈေးသည်က အဆိုပါ မျောက်ဝံအား လက်ဆောင်ပေးလိုက်ခြင်းဖြစ်ကြောင်း သိရသည်။

တောရိုင်းတိရစ္ဆာန်အား ခွင့်ပြုချက်မရှိဘဲသယ်ဆောင်မှုဖြင့် ထောင်ဒဏ် (၅)နှစ်နှင့် ငွေဒဏ် အမေရိကန်ဒေါ်လာ (၇၀၀၀)ချမှတ်ခံရနိုင်ဖွယ်ရှိကြောင်း သိရသည်။

အော်ရန်အူတန်များသည် မျိုးတုန်းပျောက်ကွယ်မည့်အန္တရာယ်နှင့် ကြုံတွေ့နေရသည့်မျိုးစိတ်ဖြစ်သဖြင့် အထူးထိန်းသိမ်းရန်လိုအပ်နေပြီး ကမ္ဘာတွင် အကောင်ရေ တစ်သိန်းခန့်သာရှိတော့မည်ဟု နိုင်ငံတကာပတ်ဝန်းကျင်ထိန်းသိမ်းရေးအဖွဲ့က ယုံကြည်ထားသည်။

ဘာလီကျွန်းအလည်အပတ်လာသည့် ခရီးသွားများသည် တောရိုင်းတိရစ္ဆာန်လေးများအား သယ်ယူရန်ကြိုးစားတတ်သဖြင့် မကြာခဏထိန်းသိမ်းခံရလေ့ရှိကြောင်းသ ိရသည်။

Tachileik News Agency
Source: Straitstimes, New York Post