~~~~~~~~⊰❂ Unicode Version ❂⊱~~~~~~~~

ထိုင်းနိုင်ငံနှင့် နယ်စပ်မြို့ဖြစ်သည့် ရှမ်းပြည်နယ်အရှေ့ပိုင်း၊ တာချီလိတ်မြို့တွင် အမှိုက် စနစ်တကျစွန့်ပစ်တတ်ရန် အသိပညာပေးခြင်းနှင့် စည်းကမ်းမဲ့ စွန့်ပစ်ထားသည့် အမှိုက်များ ရှင်းလင်းခြင်းကို ဌာနဆိုင်ရာများ၊ လူမှုရေး အသင်းအဖွဲ့များနှင့် မြို့နေလူထုပူးပေါင်းအဖွဲ့ဖြင့် ၂၀၁၉ ခုနှစ် မတ်လ(၉)ရက်မှစတင်ကာ အပတ်စဉ် စနေနေ့တိုင်း ဆောင်ရွက်ကာ ထိထိရောက်ရောက် ဒဏ်ရိုက်ခြင်းကိုလည်း ဆောင်ရွက်တော့မည်ဖြစ်ကြောင်း သိရသည်။

လက်ရှိတွင် မြို့ဧရိယာအတွင်း စည်းကမ်းမဲ့ အမှိုက်စွန့်ပစ်မှုများကို အရေးယူထားခြင်း မရှိသေးဘဲ ပညာပေးကာလ (၃) လတာ ပြီးစီးချိန်မှစတင်ကာ စည်းကမ်းမဲ့ အမှိုက်စွန့်ပစ်သူများကို စည်ပင်သာယာရေးဥပဒဖြေင့် ဒဏ်ကြေးကောက်ခံ အရေးယူတော့မည်ဖြစ်ကြောင်း သိရသည်။

“ကျွန်တော်တို့ဌာနရဲ့ အားနည်းချက်ပေါ့။ ငဲ့ညှာပြီးတော့ ဒဏ်မရိုက်တာပါ။ ပထမ (၃) လပတ် အသိပညာပေးမှု လုပ်ပြီးသွားရင် စည်းကမ်းမဲ့အမှိုက်ပစ်တဲ့သူတွေကို အရေးယူသွားမှာပါ။ ကျွန်တော်တို့ မျက်စိမှိတ်ပြီး အရေးယူသွားရမှာပေါ့။ ကျွန်တော်တို့ကို ဓာတ်ပုံမှတ်တမ်းတွေနဲ့ ပေးပို့တိုင်ကြားရင် အကောင်းဆုံးပါပဲ။ ပထမ (၃) လပတ်ကိုတော့ ပညာပေးကာလသတ်မှတ်ပြီးတော့ ဒုတိယ (၃) လပတ်မှာ အရေးယူသွား မှာပါ”ဟု တာချီလိတ်မြို့စည်ပင်သာယာရေးကော်မတီ အမှုဆောင်အရာရှိ ဦးစိုင်းအောင်လင်းက တာချီလိတ်သတင်းအေဂျင်စီသို့ ပြောသည်။

တာချီလိတ်မြို့တွင်း အမှိုက်များစနစ်တကျစွန့်ပစ်ရေးနှင့် မြို့သန့်ရှင်းသာယာလှပရေးအတွက် ဌာနဆိုင်ရာများနှင့် လူမှုရေးအသင်းအဖွဲ့များ ၂၀၁၉ ခုနှစ်၊ ဖေဖော်ဝါရီလ (၂၈) ရက်နေ့က တွေ့ဆုံပြီး အပတ်စဉ် စနေနေ့တိုင်း အမှိုက် စနစ်တကျစွန့်ပစ်ရေးပညာပေးလုပ်ငန်းများ လုပ်ဆောင်ရန် စီစဉ်ကြခြင်းဖြစ်ကြောင်း သိရသည်။

“လူမှုရေးအသင်းအဖွဲ့လိုက် ပူပေါင်းပါဝင်မယ့် စာရင်းတွေ ပေးထားကြတယ်။ ကျွန်တော်တို့အဖွဲ့ကလည်း (၁၀)ဦး စာရင်းပေးထားတယ်။ လိုတဲ့နေရာ ဝင်ရမှာပေါ့။ အားလုံးပါကြတယ်။ အဓိက စနစ်တကျ အမှိုက်ပစ်ကြဖို့လိုမယ်။ အမှိုက်ကားပုံမှန်လာဖို့လိုမယ်။ အမှိုက်ပုံးတွေ၊ အမှိုက်စွန့်ပစ်ရမယ့်နေရာတွေ သတ်မှတ်ပေးထားဖို့လိုမယ်။လူတိုင်းလူတိုင်းစည်ကမ်းရှိဖို့လိုမယ် ထင်တယ်ဗျ”ဟု မဇ္ဇျိမလူမှုကူညီရေးအသင်း ဥက္ကဌ ဦးတင့်ဆွေက ပြောသည်။

လက်ရှိတွင် တာချီလိတ်မြို့၌ အမှိုက်သိမ်းခြင်းလုပ်ငန်းကို စည်ပင်သာယာရေးဌာနထံမှ လုပ်ပိုင်ခွင့်ရထားသည့် ပုဂ္ဂလိကကုမ္ပဏီက ဆောင်ရွက်နေသော်လည်း ရပ်ကွက်များ၊ ဈေးများနှင့် ချောင်း၊မြောင်းများတွင် စည်းကမ်းမဲ့ အမှိုက်စွန့်ပစ်မှုများ ရှိနခြေင်းဖြစ်သည်။

စည်းကမ်းမဲ့အမှိုက်စွန့်ပစ်မှုများကို ရှမ်းပြည်နယ်စည်ပင်သာယာရေးဥပဒေ ပုဒ်မ (၇၇) အရ စီမံခန့်ခွဲရေးပြစ်ဒဏ်ကိုချမှတ်နိုင်ပြီး ငွေကျပ် (၅၀၀၀၀) အထိဒဏ်ငွေပေးဆောင်ရမည်ဖြစ်ကာ လက်ရှိတွင် ပြစ်မှုပြစ်ဒဏ်များကို တိုးမြှင့်နိုင်ရန်အတွက် တင်ပြထားကြောင်းသိရသည်။

သတင်း - ဟန်စိုးထိုက်ထိုင်းနိုင်ငံနှင့် နယ်စပ်မြို့ဖြစ်သည့် ရှမ်းပြည်နယ်အရှေ့ပိုင်း၊ တာချီလိတ်မြို့တွင် အမှိုက် စနစ်တကျစွန့်ပစ်တတ်ရန် အသိပညာပေးခြင်းနှင့် စည်းကမ်းမဲ့ စွန့်ပစ်ထားသည့် အမှိုက်များ ရှင်းလင်းခြင်းကို ဌာနဆိုင်ရာများ၊ လူမှုရေး အသင်းအဖွဲ့များနှင့် မြို့နေလူထုပူးပေါင်းအဖွဲ့ဖြင့် ၂၀၁၉ ခုနှစ် မတ်လ(၉)ရက်မှစတင်ကာ အပတ်စဉ် စနေနေ့တိုင်း ဆောင်ရွက်ကာ ထိထိရောက်ရောက် ဒဏ်ရိုက်ခြင်းကိုလည်း ဆောင်ရွက်တော့မည်ဖြစ်ကြောင်း သိရသည်။

လက်ရှိတွင် မြို့ဧရိယာအတွင်း စည်းကမ်းမဲ့ အမှိုက်စွန့်ပစ်မှုများကို အရေးယူထားခြင်း မရှိသေးဘဲ ပညာပေးကာလ (၃) လတာ ပြီးစီးချိန်မှစတင်ကာ စည်းကမ်းမဲ့ အမှိုက်စွန့်ပစ်သူများကို စည်ပင်သာယာရေးဥပဒဖြေင့် ဒဏ်ကြေးကောက်ခံ အရေးယူတော့မည်ဖြစ်ကြောင်း သိရသည်။

“ကျွန်တော်တို့ဌာနရဲ့ အားနည်းချက်ပေါ့။ ငဲ့ညှာပြီးတော့ ဒဏ်မရိုက်တာပါ။ ပထမ (၃) လပတ် အသိပညာပေးမှု လုပ်ပြီးသွားရင် စည်းကမ်းမဲ့အမှိုက်ပစ်တဲ့သူတွေကို အရေးယူသွားမှာပါ။ ကျွန်တော်တို့ မျက်စိမှိတ်ပြီး အရေးယူသွားရမှာပေါ့။ ကျွန်တော်တို့ကို ဓာတ်ပုံမှတ်တမ်းတွေနဲ့ ပေးပို့တိုင်ကြားရင် အကောင်းဆုံးပါပဲ။ ပထမ (၃) လပတ်ကိုတော့ ပညာပေးကာလသတ်မှတ်ပြီးတော့ ဒုတိယ (၃) လပတ်မှာ အရေးယူသွား မှာပါ”ဟု တာချီလိတ်မြို့စည်ပင်သာယာရေးကော်မတီ အမှုဆောင်အရာရှိ ဦးစိုင်းအောင်လင်းက တာချီလိတ်သတင်းအေဂျင်စီသို့ ပြောသည်။

တာချီလိတ်မြို့တွင်း အမှိုက်များစနစ်တကျစွန့်ပစ်ရေးနှင့် မြို့သန့်ရှင်းသာယာလှပရေးအတွက် ဌာနဆိုင်ရာများနှင့် လူမှုရေးအသင်းအဖွဲ့များ ၂၀၁၉ ခုနှစ်၊ ဖေဖော်ဝါရီလ (၂၈) ရက်နေ့က တွေ့ဆုံပြီး အပတ်စဉ် စနေနေ့တိုင်း အမှိုက် စနစ်တကျစွန့်ပစ်ရေးပညာပေးလုပ်ငန်းများ လုပ်ဆောင်ရန် စီစဉ်ကြခြင်းဖြစ်ကြောင်း သိရသည်။

“လူမှုရေးအသင်းအဖွဲ့လိုက် ပူပေါင်းပါဝင်မယ့် စာရင်းတွေ ပေးထားကြတယ်။ ကျွန်တော်တို့အဖွဲ့ကလည်း (၁၀)ဦး စာရင်းပေးထားတယ်။ လိုတဲ့နေရာ ဝင်ရမှာပေါ့။ အားလုံးပါကြတယ်။ အဓိက စနစ်တကျ အမှိုက်ပစ်ကြဖို့လိုမယ်။ အမှိုက်ကားပုံမှန်လာဖို့လိုမယ်။ အမှိုက်ပုံးတွေ၊ အမှိုက်စွန့်ပစ်ရမယ့်နေရာတွေ သတ်မှတ်ပေးထားဖို့လိုမယ်။လူတိုင်းလူတိုင်းစည်ကမ်းရှိဖို့လိုမယ် ထင်တယ်ဗျ”ဟု မဇ္ဇျိမလူမှုကူညီရေးအသင်း ဥက္ကဌ ဦးတင့်ဆွေက ပြောသည်။

လက်ရှိတွင် တာချီလိတ်မြို့၌ အမှိုက်သိမ်းခြင်းလုပ်ငန်းကို စည်ပင်သာယာရေးဌာနထံမှ လုပ်ပိုင်ခွင့်ရထားသည့် ပုဂ္ဂလိကကုမ္ပဏီက ဆောင်ရွက်နေသော်လည်း ရပ်ကွက်များ၊ ဈေးများနှင့် ချောင်း၊မြောင်းများတွင် စည်းကမ်းမဲ့ အမှိုက်စွန့်ပစ်မှုများ ရှိနခြေင်းဖြစ်သည်။

စည်းကမ်းမဲ့အမှိုက်စွန့်ပစ်မှုများကို ရှမ်းပြည်နယ်စည်ပင်သာယာရေးဥပဒေ ပုဒ်မ (၇၇) အရ စီမံခန့်ခွဲရေးပြစ်ဒဏ်ကိုချမှတ်နိုင်ပြီး ငွေကျပ် (၅၀၀၀၀) အထိဒဏ်ငွေပေးဆောင်ရမည်ဖြစ်ကာ လက်ရှိတွင် ပြစ်မှုပြစ်ဒဏ်များကို တိုးမြှင့်နိုင်ရန်အတွက် တင်ပြထားကြောင်းသိရသည်။

သတင်း - ဟန်စိုးထိုက်