~~~~~~~~⊰❂ Unicode Version ❂⊱~~~~~~~~

ကာစီနိုလောင်းကစားဝိုင်းများ အကန့်အသတ်ဖြင့် ခွင့်ပြုနိုင်ရေး အပါအဝင် ခေတ်ကာလနှင့်လျော်ညီသည့် ဥပဒေ ဖြစ်စေရန် ရေးဆွဲနေသည့် ၂၀၁၈ ခုနှစ်လောင်းကစားဥပဒကြေမ်းကို ၂၀၁၈ ခုနှစ်၊ စက်တင်ဘာလ (၁၂)ရက်နေ့တွင် ပြည်သူ့လွှတ်တော်တွင် အတည်ပြုနိုင်ခဲ့ပြီး အမျိုးသားလွှတ်တော်သို့ ပေးပို့နိုင်ခဲ့ခြင်း ဖြစ်သည်။

အဆိုပါ ဥပဒကြေမ်းနှင့် ပတ်သက်၍ အမျိုးသားလွှတ်တော်က သဘောထားကွဲလွဲချက်များနှင့်အတူ နိုဝင်ဘာလ (၃၀)ရက်နေ့၌ ပြည်သူ့လွှတ်တော်သို့ ပြန်လည်ပေးပို့ခဲ့သည့်အတွက် လွှတ်တော်နှစ်ရပ် သဘောထား ကွဲလွဲချက်များကို ပြည်ထောင်စုလွှတ်တော်တွင် ဆွေးနွေးနိုင်ရန် ၂၀၁၉ ခုနှစ်၊ ဇန်နဝါရီလ (၃၁)ရက်နေ့က ဆွေးနွေးခဲ့ပြီးနောက် ဥပဒကြေမ်းပူးပေါင်းကော်မတီအနဖြေင့် လေ့လာသုံးသပ်ပေးရန် တာဝန် ပေးအပ်ခဲ့ခြင်းဖြစ်သည်။

အဆိုပါ တာဝန်ပေးချက်အရ ပြည်သူ့လွှတ်တော် ပြည်သူ့ရေးရာစီမံခန့်ခွဲမှုကော်မတီ၊ ပြည်ထောင်စု လွှတ်တော် ဥပဒေရေးရာနှင့် အထူးကိစ္စရပ်များ လေ့လာဆန်းစစ်သုံးသပ်ရေးကော်မရှင်၊ ပြည်ထောင်စု တရားလွှတ်တော်ချုပ်ရုံး၊ ပြည်ထဲရေးဝန်ကြီးဌာန၊ ပြည်ထောင်စုအစိုးရအဖွဲ့ရုံးဝန်ကြီးဌာန၊ ပို့ဆောင်ရေးနှင့် ဆက်သွယ်ရေးဝန်ကြီးဌာန၊ ပြည်ထောင်စုရှေ့နေချုပ်ရုံးတို့ဖြင့် ၂၀၁၉ ခုနှစ်၊ ဖေဖော်ဝါရီလ (၇)ရက်နေ့တွင် အစည်းအဝေး ကျင်းပပြီး ဥပဒကြေမ်းပါ သဘောထားကွဲလွဲချက်များကို စိစစ်ခဲ့ကြခြင်းဖြစ်ကြောင်း သိရသည်။

ဥပဒကြေမ်းပူးပေါင်းကော် မတီအနဖြေင့် လေ့လာတွေ့ရှိချက်နှင့် သဘောထားမှတ်ချက်အစီရင်ခံစာကို ဒုတိယအကြိမ် ပြည်ထောင်စုလွှတ်တော်(၁၁)ကြိမ်မြောက်ပုံမှန်အစည်းအဝေး အဋ္ဌမနေ့ဖြစ်သည့် ၂၀၁၉ ခုနှစ်၊ ဖေဖော်ဝါရီလ (၁၉)ရက်နေ့တွင် တင်သွင်းခဲ့ခြင်းဖြစ်သည်။

Tachileik News Agency

ဓာတ်ပုံ - ပြည်ထောင်စုလွှတ်တော်