~~~~~~~~⊰❂ Unicode Version ❂⊱~~~~~~~~

“လောလောဆယ် (၃) ခုဗျ။ အခုတင်ဒါလုပ်ပြီးတာက BRP (၃၉၇၊ ၃၉၅)၊ BRP (၃၃၉) စွတ်ဆိုင်၊ BRP (၃၁၂)ေဝဟေလန်ပေါ့။ လက်ရှိလုပ်ငန်းဆောင်ရွက်နေတာ။ လုပ်ငန်းအားလုံးကို ဇွန်လအကုန် ခန့်မှန်း ထားတယ်”ဟု မြေထိန်းနံရံ တည်ဆောက်ရေးလုပ်ငန်းတာဝန်ခံ ရှမ်းပြည်နယ်ရေအရင်းအမြစ်နှင့် မြစ်ချောင်းများ ဖွံ့ဖြိုးတိုးတက်ရေးဦးစီးဌာနမှ လက်ထောက်ညွှန်ကြားရေးမှူး ဦးညီညီက တာချီလိတ်သတင်း အေဂျင်စီသို့ ပြောသည်။

တာချီလိတ်မြို့နယ်၊ ရန်အောင်မြေရပ်ကွက်အတွင်းရှိ BRP (၃၉၇၊ ၃၉၅) ငှက်ပျောဆိပ် မယ်ဆိုင်ချောင်း ကမ်းပြိုကာကွယ် ရေးလုပ်ငန်း ပေ (၆၀၀) အတွက် ခွင့်ပြုငွေကျပ်သန်း (၂၂၁.၃၉၀)၊ စွပ်ဆိုင်လမ်းဆုံ BRP(339) အနီး မယ်ဟောက်ချောင်း ကမ်းပြိုကာကွယ်ရေးလုပ်ငန်း ပေ (၁၂၀၀) အတွက် ခွင့်ပြုငွေ ကျပ်သန်းပေါင်း (၄၄၂.၄၂၀)၊ BPR (၃၁၂)ေဝလေလန်ရွာအနီး မယ်ဟောက်ချောင်း ကမ်းပြိုကာကွယ်ရေး လုပ်ငန်း ပေ (၇၀၀) အတွက် ခွင့်ပြုရန်ပုံငွေကျပ်သန်း (၂၅၈.၁၁၀)တို့ဖြင့် ဆောင်ရွက်နပြေီး ၂၀၁၈-၁၉ ဘဏ္ဍာရေးနှစ် ပြည်နယ်အစိုးရ ရန်ပုံငွဖြေင့် လုပ်ငန်းများဆောင်ရွက် နခြေင်းဖြစ်ကြောင်း သိရသည်။

နိုင်ငံနယ်နိမိတ်များတိုင်းတာ သတ်မှတ်ရာတွင် နှစ်နိုင်ငံကြားရှိ မြစ်၊ ချောင်းများမှ ရေစီးကြောင်း အလယ်ကိုယူကာ နယ်နိမိတ်သတ်မှတ်ခြင်းဖြစ်ရာတွင် ကမ်းပါးပြိုမှုကိုကာကွယ်နိုင်ခြင်းမရှိပါက နိုင်ငံပိုင်မြေများဆုံးရှုံးမည်ဖြစ်သဖြင့် နယ်နမိတ် မြစ်၊ ချောင်းကမ်းပါးများ ထိန်းသိမ်းကာကွယ်ရေးမှာ အရေးကြီးသောကိစ္စတစ်ခုဖြစ်ပြီး နှစ်နိုင်ငံဆက်ဆံရေးမထိခိုက်စေရေး ညှိနှိုင်းဆောင်ရွက်မှုများလည်း လုပ်ဆောင်နေရကြောင်း ပို့ဆောင်ရေးနှင့် ဆက်သွယ်ရေးဝန်ကြီးဌာန ပြည်ထောင်စုဝန်ကြီး ဦးသန့်စင်မောင်က ဖေဖော်ဝါရီ (၂၄) ရက်နေ့ တာချီလိတ်မြို့ ခရီးစဉ်တွင် ပြောကြားသည်။

သတင်း - ဟန်စိုးထိုက်
ဓာတ်ပုံ - ကျော်ဇင်ဟိန်း