~~~~~~~~⊰❂ Unicode Version ❂⊱~~~~~~~~

တာချီလိတ်နှင့် မယ်ဆိုင်မြို့ကို ဆက်သွယ်ထားသည့် မြန်မာ - ထိုင်း ချစ်ကြည်ရေး အမှတ် (၁)တံတားတွင် ခင်းထားသည့် ကတ္တရာလမ်း ပျက်စီးယိုယွင်းမှုများကို မည်သည့်ဌာနနှင့် သက်ဆိုင်မှန်း ကွဲကွဲပြားပြား မသိရသော်လည်း တာချီလိတ်မြို့နယ်စည်ပင်သာယာရေးဌာနမှ မကြာမီ ပြုပြင်သွားရန် ပြင်ဆင် နေကြောင်း သိရသည်။

“အမှန်က တံတား(တံတားတွင် တာဝန်ယူထားသည့် အဖွဲ့)နဲ့ ဆိုင်တာဗျ။ ချိုင့်ခွက်တွေ ဘာတွဖြေစ်တဲ့ အခါကြတော့ ကျွန်တော်တို့က အများသူငါ သွားလာမှု ကောင်းစေရန်အလို့ငှါ ကျွန်တော်တို့က သွားသွား ပြင်ပေးနေတာ။ ပြင်တာက ဘယ်သူ့ကိုပြင်ခိုင်းရမှန်းမသိဘူး။ ဆောက်လုပ်ရေးလိုလို စည်ပင်လိုလို အဲလိုမျိုးပေါ့နော်။ တိတိကျကျ မရှိတဲ့အခါကြတော့။ နောက်ဆုံးကျတော့ လမ်းဘာညာ ပျက်တဲ့ အခါကျတော့ ကျွန်တော်တို့ပဲ သွားသွားပြင်ပေးရတာ”ဟု တာချီလိတ်မြို့နယ်စည်ပင်သာယာရေးဌာန၏ အမှုဆောင်အရာရှိ ဦးစိုင်းအောင်လင်းက တာချီလိတ်သတင်းအေဂျင်စီသို့ ဇန်နဝါရီလ(၂၈)ရက်နေ့က ပြောကြားထားသည်။

တံတားပေါ်တွင် ခင်းထားသည့်လမ်းမှာ မိုးတွင်းကာလတွင် တံတားအနီးရှိ ကုက္ကိုပင်များမှ ရေစက်များ ကျဆင်းပြီး ခင်းထားသည့် နိုင်လွန်ကတ္တရာ သက်တမ်းကုန်ဆုံးချိန်နှင့် တိုက်ဆိုင်ကာ ချိုင့်ခွက်များအမြဲတမ်း ဖြစ်ပေါ်တတ်သဖြင့် နှစ်စဉ် ဖာထေးပြုပြင်နေရကြောင်း သိရသည်။

မြန်မာဘက်ခြမ်းမှ တံတားပေါ်တွင် ထိုင်းဘက်အထွက် လူဝင်မှုကြီးကြပ်ရေးရုံးရှေ့ လမ်းပခုံးသား နေရာ၌ မညီညာမှုများ ရှိနပြေီး နိုင်ငံကူးလက်မှတ်တံဆိပ်ရိုက်နှိပ်ရန်အတွက် ဆိုင်ကယ်ရပ်ချိန်တွင် မကြာခန ဆိုင်ကယ်လဲကျမှုများဖြစ် ပေါ်တတ်ကြောင်း သိရသည်။

လက်ရှိတွင် ထိုင်းနိုင်ငံဘက်သို့ ထွက်ခွာသည့် လမ်းတွင်လည်း ချိုင့်ခွက်နှစ်ခုဖြစ်ပေါ်နေကာ ထိုင်းမှ မြန်မာဘက် အဝင် တံတားအဆင်းတွင် ချိုင့်ခွက်တစ်ခု ဖြစ်ပေါ်နေရာတွင် စည်ပင်သာယာရေးဌာနမှ တံတားချိုင့်ခွက်များ အကြိမ်ကြိမ်ဖာထေး ပြုပြင်နေသော်လည်း ကားဘီးများ၏ ယက်ထုတ်မှုများကြောင့် ချိုင့်ခွက်များ မကြာခဏဖြစ်ပေါ်တတ်ကြောင်း သိရသည်။

သတင်း/ဓာတ်ပုံ - ဟန်စိုးထိုက်