~~~~~~~~⊰❂ unicode ❂⊱~~~~~~~~

ပြည်ထောင်စုအစိုးရအဖွဲ့ရုံးဝန်ကြီး၊ အမျိုးသားလုံခြုံရေးဆိုင်ရာအကြံပေးပုဂ္ဂိုလ် ဦးသောင်းထွန်းအား ရင်းနှီးမြှုပ်နှံမှုနှင့်နိုင်ငံခြားစီးပွားဆက်သွယ်ရေးဝန်ကြီးဌာန၏ ပြည်ထောင်စုဝန်ကြီးအဖြစ် ပြောင်းလဲ တာဝန်ပေးအပ်လိုက်ကြောင်း ၂၀၁၈ခုနှစ် နိုဝင်ဘာလ(၁၉)ရက်နေ့ ရက်စွဲဖြင့် နိုင်ငံတော်သမ္မတရုံးက သတင်းထုတ်ပြန်လိုက်သည်။

ရင်းနှီးမြှုပ်နှံမှုနှင့်နိုင်ငံခြားစီးပွားဆက်သွယ်ရေးဝန်ကြီးဌာန (Ministry of Investment and Foreign Economic Relations)၏ ပြည်ထောင်စု ဝန်ကြီးအဖြစ် ပြောင်းလဲတာဝန်ပေးခြင်း ခံရသူ ဦးသောင်းထွန်းသည် လက်ရှိတွင် အသက်(၇၁)နှစ်အရွယ်ရှိပြီး Master in International Public Policy (MIPP)၊ မဟာဝိဇ္ဇာဘွဲ့ (Master in Public Policy) ရရှိထားကာ နိုင်ငံခြားရေးဝန်ကြီးဌာနမှး သံအမတ်ကြီး(ငြိမ်း)တစ်ဦး ဖြစ်ကြောင်း သိရသည်။

နိုင်ငံခြားရင်းနှီးမြှုပ်နှံမှုများ နှင့်အတူ စီးပွားရေးနှင့်ရင်းနှီးမြှုပ်နှံမှုများ မြှင့်တင်တိုးတက်လာစေရန် ရည်ရွယ်ကာ ရင်းနှီးမြှုပ်နှံမှုနှင့် နိုင်ငံခြားစီးပွား ဆက်သွယ်ရေးဝန်ကြီးဌာန (Ministry of Investment and Foreign Economic Relations)အား ဖွဲ့စည်းလိုက်ခြင်း ဖြစ်ကြောင်း သိရသည်။

Tachileik News Agency
ဓာတ်ပုံ - Myanmar President Office၊ AP