~~~~~~~~⊰❂ unicode ❂⊱~~~~~~~~

“တွေ့ဆုံပွဲကတော့ အားရစရာပါပဲ။ ရပ်ကွက်လူထုကလည်း တင်ပြချင်တာတွေ တင်ပြခွင့်ရကြတယ်။ ဌာနဆိုင်ရာ တွေကလည်း ဖြေရှင်းပေးကြတယ်။ လွှတ်တော်ကိုယ်စားလှယ်တွေကလည်း ဘာတွေ လုပ်ပေး နိုင်တယ်ဆိုတာ ရှင်းပြကြတယ်။ ဒီလိုလေးလုပ်ပေးခြင်းအားဖြင့် လူထုနဲ့ ဌာနဆိုင်ရာတွကြေားလည်း ပိုပြီး နားလည်မှု ရလာမယ်မျှော်လင့်ပါတယ်။ မကြာမကြာ လုပ်ပေးနိုင်ဖို့ ကြိုးစားရမှာပဲ”ဟု မယ်ခေါင်ရပ်ကွက်အုပ်ချုပ်ရေးမှူး ဦးစိုင်းအွတ်က တာချီလိတ်သတင်းအေဂျင်စီသို့ ပြောသည်။

အဆိုပါ တွေ့ဆုံပွဲ၌ တင်ပြ ဆွေးနွေးမှုများ အပြီးတွင် မြန်မာ - ထိုင်း ချစ်ကြည်ရေး တံတား(၂)ထိပ် မြန်မာဘက်ခြမ်းတွင် လုပ်ငန်းသုံး စွန့်ပစ်အမှိုက်များ လာပုံနေသည့် ကိစ္စကို အမှိုက်များရှင်းလင်းပြီး အမှိုက်စွန့်ပစ်သူကို ဖော်ထုတ်ရန်၊ မယ်ခေါင်ရပ်ကွက်မှ ရှမ်းသင်္ချိူင်းမြေနေရာအား သုဿန်အဖြစ်မှ ပယ်ဖျက်ခြင်း မပြုသေးဘဲ မီးသတ်ဦးစီးဌာနက ဝင်ရောက် ရှင်းလင်းနခြေင်းအား မြပြေင် ကွင်းဆင်း တိုင်းတာမှုများ လုပ်ဆောင်ရန်နှင့် လုပ်ထုံးလုပ်နည်းအရ ကျော်လွန်လုပ်ဆောင်ထားခြင်းရှိ မရှိကို ပြန်လည်စစ်ဆေးရန်၊ မြို့နယ်အထွေထွေအုပ်ချုပ်ရေးဦးစီးဌာနနှင့် ဆယ်အိမ်မှူးများ၊ ရပ်ကျေး အုပ်ချုပ်ရေးမှူးများ လစဉ်တွေ့ဆုံဆွေးနွေးရန်၊ ထိုင်းနိုင်ငံမှ တစ်ဆင့် ဝယ်ယူရောင်းချနေသည့် မီတာခ ဈေးနှုန်းကြီးမြင့်နေမှုကို တင်ပြပေးရန်၊ ရပ်ကွက်များ အတွင်းမှ လောင်းကစားဝိုင်းများ ဖွင့်လှစ်မှုကို ရပ်ကွက် ဒေသခံများက စောင့်ကြည့် သတင်းပေးပို့ကြရန်တို့ကို သက်ဆိုင်ရာဌာနအသီးသီးက လုပ်ဆောင်ကြရန် သဘောတူ ဆုံးဖြတ်ခဲ့ကြသည်။

လူထုတွေ့ဆုံပွဲသို့ မယ်ခေါင်ရပ်ကွက်မှ ရပ်ကွက်အုပ်ချုပ်ရေးမှူး၊ ဆယ်အိမ်မှူးများနှင့် ဒေသခံ (၃၀၀)ဝန်းကျင်၊အမျိုးသားလွှတ်တော်ကိုယ်စားလှယ် ဦးစိုင်းလုံစံခတ်၊ ပြည်သူ့လွှတ်တော်ကို်ယ်စားလှယ် ဦးဌေးဝင်း၊ ရှမ်းပြည်နယ်လွှတ်တော်ကိုယ်စားလှယ် ဦးခင်မောင်တင့်၊ တာချီလိတ်မြို့နယ် အထွေထွေအုပ်ချုပ်ရေးဦးစီးဌာန ဒုမြို့နယ်အုပ်ချုပ်ရေးမှူး ဦးမင်းအောင်၊ မြို့နယ်စည်ပင်သာယာရေးဌာန အမှုဆောင်အရာရှိ ဦးစိုင်းအောင်လင်း၊ မြို့နယ်မြေစာရင်းဦးစီးမှူး ဦးညီညီ၊ မြို့နယ်လူဝင်မှု ကြီးကြပ်ရေးဦးစီးဌာနတို့မှ တာဝန်ရှိသူများ တက်ရောက်ခဲ့ကြခြင်းဖြစ်သည်။

Tachileik News Agency