~~~~~~~~⊰❂ unicode ❂⊱~~~~~~~~

အဆိုပါ Mobile Tablet များတွင် အခြေခံ ကျန်းမာရေးဝန်ထမ်းများနှင့် သက်ဆိုင်သည့် စာအုပ်၊ စာတမ်းပေါင်း (၁၂၀)ကျော် ထည့်သွင်းထားပြီး ဆရာဝန်များ အတွက် စာအုပ်၊စာတမ်းပေါင်း (၄၀၀)ကျော် ထည့်သွင်း ထားခြင်းဖြစ်ကာ တစ်နိုင်ငံလုံးရှိ ကျန်းမာရေးဝန်ထမ်းများအပြင် မြို့နှင့် တိုက်နယ် ဆရာဝန်များကိုလည်း ဖြန့်ဝေပေးသွားမည်ဖြစ်ကာ ကယားပြည်နယ်တွင် စတင်ဖြန့်ဝေ လိုက်ခြင်းဖြစ်ကြောင်း သိရသည်။

ကယားပြည်နယ်တွင်းရှိ တိုက်နယ်ဆရာဝန်များ၊ မြို့နယ်ပြည်သူ့ကျန်းမာရေးဦးစီးဌာနမှူးများနှင့် အခြေခံ ကျန်းမာရေးဝန်ထမ်းများ အတွက် စုစုပေါင်း Mobile Tablet (၄၉၃)လုံးကို ပြည်ထောင်စုဝန်ကြီး ဒေါက်တာမြင့်ထွေးနှင့် တာဝန်ရှိသူများကပေးအပ်ခဲ့ပြီး ပြည်နယ်သူနာပြုနှင့် သားဖွားသင်တန်းကျောင်း အတွက် လိုအပ်သည့် ပရိဘောဂများဝယ်ယူနိုင်ရန် ငွေကျပ် (၁၅၀)သိန်းကိုလည်း ပေးအပ်ခဲ့ကြောင်း သိရသည်။

လွိုင်ကော်မြို့တွင် ကျင်းပသည့် အခမ်းအနားသို့ ကျန်းမာရေးနှင့် အားကစားဝန်ကြီးဌာန ပြည်ထောင်စုဝန်ကြီး ဒေါက်တာမြင့်ထွေး၊ ကယားပြည်နယ်အစိုးရအဖွဲ့ ဝန်ကြီးချုပ် ဦးအယ်လ်ဖောင်းရှိုနှင့် သက်ဆိုင်ရာဌာနတာဝန်ရှိသူများ တက်ရောက်ကြပြီး စစ်ကိုင်းတိုင်းဒေသကြီး ကျန်းမာရေး သံတမန် မာရီကိုးလ်နှင့် ရန်ကုန်တိုင်းဒေသကြီး ကျန်းမာရေးသံတမန် ဒေါက်တာ ညီညီထွန်းတို့က ပြည်သူ့ကျန်းမာရေး အကျိုးပြု Mobile Tablet ကို သရုပ်ပြမိတ်ဆက်ကြောင်း သိရသည်။

သတင်း - ဇွဲမြတ်
ဓာတ်ပုံ - ကယားပြည်နယ်အစိုးရ