~~~~~~~~⊰❂ unicode ❂⊱~~~~~~~~

DOLE THAILAND မှ အလုပ်ထုတ်ခံရသူများ၏ မိသားစုဝင်များထဲမှ တစ်ပါတည်း ပြောင်းရွှေ့ လုပ်ကိုင်လိုသူများ ရှိပါကလည်း တစ်ပါတည်း လျှေက်ထားနိုင်မည်ဖြစ်ကြောင်း သိရသည်။

DOLE Thailand စက်ရုံက မြန်မာလုပ်သား(၁၀၀)ကို အလုပ်ထုတ်လိုက်သည့် အတွက် အဆိုပါ လုပ်သားများ အလုပ်အကိုင် ပြန်လည်ရရှိရေးအတွက် အလုပ်သမား သံအရာရှိရုံးက စီစဉ်ပေးထားသည့် Thai Tan Food International တွင် အလုပ်သမား (၃၇) ဦးအား အောက်တိုဘာလ (၁၂)ရက်နေ့က ပို့ဆောင်ပေးထားပြီး အောက်တိုဘာလ(၁၄)ရက်နေ့တွင် အလုပ်စတင်ဝင်ရောက်နပြေီဖြစ်ကြောင်း သိရသည်။

ထိုင်းနိုင်ငံတောင်ပိုင်း၊ ပကျွတ်ခရိုင်၊ DOLE Thailand စက်ရုံမှ အလုပ်ထုတ်ပစ်လိုက်သည့် မြန်မာလုပ်သား (၁၀၀) ကျော် အလုပ်ပြန်လည် ရရှိရေးနှင့် အလုပ်သမားအခွင့်အရေး ချိုးဖောက်သည့် အဆိုပါ စက်ရုံအား အမည်ပျက်စာရင်းသွင်းနိုင်ရေး အလုပ်သမားသံအရာရှိရုံးက ဆောင်ရွက်နေကြောင်း သိရသည်။

DOLE Thailand အလုပ်ရုံမှ မြန်မာလုပ်သား (၁၀၀)ကျော်ကို အလုပ်ထုတ်လိုက်ကာ အလုပ်ပြန်ဝင်လိုပါက တစ်ဦးလျှင် ဘတ်(၃၅၀၀) ပေးရန်တောင်းခံသဖြင့် မြန်မာလုပ်သားများက ၂၀၁၈ ခုနှစ် သြဂုတ်လ (၂၈)ရက်နေ့တွင် ထိုင်းနိုင်ငံရှိ အလုပ်သမားသံအရာရှိရုံးသို့ ဆက်သွယ်အကူအညီတောင်းခံခဲ့ခြင်းဖြစ်ကြောင်း သိရသည်။

အဆိုပါ ဖြစ်စဉ်နှင့် ပတ်သက်၍ အလုပ်သမားသံအရာရှိရုံးက သြဂုတ်လ (၂၉)ရက်နေ့ကတည်းက စက်ရုံတာဝန်ရှိသူများနှင့် ဆက်သွယ်ညှိနှိုင်းဆောင်ရွက်နေရာ အောက်တိုဘာလ (၂)ရက်နေ့တွင် ထိုင်းနိုင်ငံအလုပ်သမားဝန်ကြီးဌာနလက်အောက်ရှိ ခရိုင်အဆင့်တာဝန်ရှိသူများ၊ ဒေသအာဏာပိုင်များ၊ အလုပ်သမားသံအရာရှိနှင့် MOEAF မှ တာဝန်ရှိသူများ၊ စက်ရုံတာဝန်ရှိသူများနှင့် တွေ့ဆုံဆွေးနွေးမှုများ လုပ်ဆာင်ခဲ့ခြင်းဖြစ်ကြောင်း သိရသည်။

အဆိုပါ စက်ရုံတာဝန်ရှိသူက အလုပ်နားချိန်ခွင့်ပြန်သည့် အလုပ်သမားများအား ခွင့်ပြန် ( Reentry တုံး ထုပေးရမည့်အစား) ဆောင်ရွက်ပေးရမည့် အစား အလုပ်သမားများအား အလုပ်ထုတ်စာ (ဘိုင်ကျန့်အော်) ထုတ်ပေးလိုက်ပြီး ခွင့်ပြန်လာသည့်လုပ်သားများကို အလုပ်သစ်လျှောက်သည့်လုပ်ငန်းစဉ် ပြန်လည် ဆောင်ရွက်စေသဖြင့် အလုပ်သမားများမှာ ငွေကြေးထပ်မံပေးဆောင်ရမည့် အခက်အခဲဖြင့် ကြုံခဲ့ကြရခြင်းဖြစ်ကြောင်း သိရသည်။

အလုပ်သမား အခွင့်အရေးချိုးဖောက်သည့် အဆိုပါ စက်ရုံအား အမည်ပျက်စာရင်း ထည့်သွင်း ဆောင်ရွက်သွားရန် ထိုင်းနိုင်ငံရှိ အလုပ်သမားဝန်ကြီးဌာနမှ ဆက်လက်အရေးယူနိုင်ရေး အလုပ်သမား သံအရာရှိရုံးက ဆောင်ရွက်ထားပြီး အဆိုပါစက်ရုံမှ အလုပ်ထုတ်သည့် မြန်မာလုပ်သားများကို အခြား စက်ရုံများသို့ ရွှေ့ပြောင်းနိုင်ရေး လုပ်ဆောင်ပေးထားခြင်းဖြစ်ကြောင်း သိရသည်။

သတင်း - ဇွဲမြတ်
ဓာတ်ပုံ - MOEAUNGKH