ရှမ်းပြည်နယ်(တောင်ပိုင်း) တောင်ကြီးမြို့တွင် ၂၀၁၈ ခုနှစ်၊ နိုဝင်ဘာလ (၁၅)ရက်နေ့၌ စတင်ကျင်းပမည့် တောင်ကြီးတန်ဆောင်တိုင်ပွဲတော်ကို နှစ်စဉ်ကျင်းပသည်ထက် (၁)ရက်လျှော့၍ (၉)ရက်တာ ကျင်းပမည် ဖြစ်ကြောင်း သိရသည်။

“ဒီနှစ်ပွဲကျင်းပမယ့်ရက်က (၉) ရက်ပဲ ကျင်းပမှာဖြစ်ပါတယ်။ နိုဝင်ဘာလ (၁၅) ရက်နေ့ကနေ (၂၃) ရက်နေ့အထိ ကျင်းပမှာဖြစ်ပါတယ်။ (၈)ရက်ကပြိုင်ပွဲဝင်မယ် နောက်တစ်ရက်က ဆုပေးပွဲကျင်းပမှာပါ။ အရင်နှစ်ကတော့ (၁၀) ရက်ကျင်းပတာပါ။ ရက်လျော့သွားတာက ပြိုင်ပွဲဝင်နည်းတာလည်း မဟုတ်ဘူး။ အလုံးရေနည်းတာလည်း မဟုတ်ပါဘူး။ ပွဲဦးစီးကော်မတီက သတ်မှတ်ထားလို့ပါ” ဟု တောင်ကြီး တန်ဆောင်တိုင်ပွဲတော် မီးပုံးပျံပွဲကျင်းပရေးဦးစီးကော်မတီဝင် ပွဲကျင်းပရေး ဆပ်ကော်မတီ တွဲဘက် အတွင်းရေးမှူး ဒေါက်တာသန်းဝင်းက တာချီလိတ်သတင်းအေဂျင်စီသို့ ပြောသည်။

ရိုးရာမီးပုံးပျံပွဲတော်ကို တောင်ကြီးမြို့ အဝေရာမီးပုံးပျံကွင်းကြီးတွင် နိုဝင်ဘာလ (၁၅) ရက်နေ့မှ (၂၂) ရက်နေ့အထိ ကျင်းပမည်ဖြစ်ပြီး (၂၃)ရက်နေ့တွင် ဆုပေးပွဲအခမ်းအနား ကျင်းပမည်ဖြစ်ကြောင်း သိရသည်။

မီးပုံးပျံပွဲတော်အတွက် ပြိုင်ပွဲဝင်မီးပုံးပျံစာရင်းများကို အောက်တိုဘာလ (၁)ရက်နေ့မှ နိုဝင်ဘာလ(၁)ရက်နေ့အထိ စာရင်းကောက်ခံသွားမည်ဖြစ်ကြောင်း သိရသည်။

ယခုနှစ်တွင် တောင်ကြီးခရိုင်အတွင်းမှ မီးပုံးပျံပြိုင်ပွဲဝင်များ သာမက ကယားပြည်နယ်မှလည်း လာရောက်ယှဉ်ပြိုင်မည်ဖြစ်ကြောင်း သိရသည်။

သတင်း -  နိုနို
ဓါတ်ပုံ - ရှမ်းပြည်နယ်ရိုးရာမီးပုံးပျံပညာရှင်များအသင်း

~~~~~~~~⊰❂ unicode ❂⊱~~~~~~~~

⊰❂ #TachileikNewsAgency #TNA #TachileikOnlineNews  #တာချီလိတ်သတင်းအေဂျင်စီ www.tachileik.net  ❂⊱

~~~~~~~~~~~~~~~~~~ ကြော်ငြာ ~~~~~~~~~~~~~~~~~~~~

~~~~~~~~~~~~~~~~~~ ကြော်ငြာ ~~~~~~~~~~~~~~~~~~~~