~~~~~~~~⊰❂ unicode ❂⊱~~~~~~~~

တာချီလိတ်တွင် ကျင်းပသည့် မြန်မာနိုင်ငံလူကုန်ကူးမှုတိုက်ဖျက်ရေးနေ့အခမ်းအနားသို့ မြန်မာနှင့် ထိုင်းမှ လူဦးရေ (၆၀၀)ကျော်တက်ရောက်
***************
မြန်မာ - ထိုင်းနယ်စပ် ရှမ်းပြည်နယ်(အရှေ့ပိုင်း) တာချီလိတ်မြို့တွင် မြန်မာနိုင်ငံလူကုန်ကူးမှုတိုက်ဖျက်ရေးနေ့ အထိမ်းအမှတ်အခမ်းအနားကို ၂၀၁၈ ခုနှစ်၊ စက်တင်ဘာလ(၁၃)ရက်နေ့က ကျင်းပရာ ဒေသတွင်း သက်ဆိုင်ရာ ဌာနများ၊ အဖွဲ့အစည်းနှင့် ထိုင်းနိုင်ငံ မယ်ဆိုင်မြို့ဘက်မှ သက်ဆိုင်ရာအဖွဲ့များအပါအဝင် စုစုပေါင်း လူဦးရေ (၆၀၀)ကျော် တက်ရောက်ကြကြောင်း သိရသည်။

တာချီလိတ်မြို့ မကာဟိုခမ်းရပ်ကွက် ဟုတ်တက်ခမ်းမတွင် ကျင်းပသည့် အဆိုပါအခမ်းအနားတွင် လူကုန်ကူးမှုတိုက်ဖျက်ရေးအထိမ်းအမှတ်အဖြစ် တာချီလိတ်ခရိုင်အတွင်း အခြေခံပညာကျောင်းများတွင် ကျင်းပခဲ့သည့် ပြိုင်ပွဲများမှ ဆုရကျောင်းသား၊ ကျောင်းသူများကို ဆုချီးမြှင့်ခြင်း၊ ကျောင်းသားကျောင်းသူများက တေးသရုပ်ဖေါ်နှင့် တစ်ခန်းရပ်ပြဇာတ်ကပြခြင်းတို့ ပါဝင်ကြောင်း သိရသည်။

အဆိုပါအခမ်းအနားကို ခရိုင်လူကုန်ကူးမှု တားဆီးကာကွယ်ရေးအဖွဲ့ဥက္ကဌ ခရိုင်အုပ်ချုပ်ရေးမှူး ဦးမြင့်နိုင်၊ ဒုဥက္ကဌ (ခေတ္တ) ခရိုင်ရဲတပ်ဖွဲ့မှူး ရဲမှူး အုန်းလွင်၊ ခရိုင်/မြို့နယ်လူကုန်ကူးမှု တားဆီးကာကွယ်ရေးအဖွဲ့ဝင်များ၊ ဌာနဆိုင်ရာများ၊ တာချီလိတ်ရေကြောင်းရဲတပ်ဖွဲ့ (ဝမ်ပုံ) တပ်ဖွဲ့ခွဲမှူး ဒုရဲမှူးကြီး ရဲဝင့်နောင်နှင့် တပ်ဖွဲ့စုမှူး၊ တပ်ဖွဲ့စိတ်မှူးများ၊ မြန်မာ - ထိုင်းနယ်စပ်လူကုန်ကူးမှုပူးပေါင်းတိုက်ဖျက်ရေးဆိုင်ရာ ကော်မတီဝင်များ၊ ထိုင်းနိုင်ငံ မယ်ဆိုင်လဝကမှ တရားမဝင်ရွှေ့ပြောင်းအလုပ်သမားလွှဲပြောင်းရေးအဖွဲ့၊ မယ်ဆိုင်ရဲစခန်းမှူး၊ မယ်ဆိုင် လူကုန်ကူးမှုတားဆီးနှိမ်နှင်းရေးအဖွဲ့၊ မယ်ဆိုင် မူးယစ်အဖွဲ့၊ တာချီလိတ်မြို့ရှိ အခြေခံပညာကျောင်းများမှ ဆရာ/ဆရာမများနှင့် ကျောင်းသား/ကျောင်းသူများ၊ နိုင်ငံရေးပါတီများ၊ အရပ်ဖက်အဖွဲ့အစည်းများစသည်ဖြင့် စုစုပေါင်း လူဦးရေ (၆၆၀) တက်ရောက်ကြောင်း သိရသည်။

သတင်း #ကြည်စိုးလင်း
ဓါတ်ပုံ - အောင်ကျော်ဝင်းစိန်၊ ရဲတပ်ဖွဲ့