~~~~~~~~⊰❂ unicode ❂⊱~~~~~~~~

မိုင်းဆတ်မြို့တွင် ယာဉ်စည်းကမ်း၊ လမ်းစည်းကမ်းနှင့် မော်တော်ယာဉ်စီးနင်းမောင်းနှင်သူများ ဘေးအန္တရာယ်ကင်းရေး ပညာပေးဆောင်ရွက်
***********
ရှမ်းပြည်နယ်(အရှေ့ပိုင်း) မိုင်းဆတ်မြို့တွင် ယာဉ်စည်းကမ်း၊ လမ်းစည်းကမ်း အသိပညာပေးနှင့် ဆိုင်ကယ်စီးဦးထုပ် အခမဲ့ဖြန့်ဝေပေးခြင်းကို လမ်းဦးစီးဌာန၊ ယာဉ်ထိန်းရဲတပ်ဖွဲ့နှင့် ဌာနဆိုင်ရာများပူးပေါင်း၍ ၂၀၁၈ ခုနှစ်၊ သြဂုတ်လ (၁၉) ရက်နေ့က လုပ်ဆောင်ကြသည်ကို တွေ့ရသည်။

မော်တော်ယာဉ် စီးနင်းမောင်းနှင်သူများ ဘေးအန္တရာယ်ကင်းရှင်းစေရေးအတွက် ဆိုင်ကယ်မောင်းလျှင် ဆိုင်ကယ်စီး ဦးထုပ်ဆောင်းရန် အသိပညာပေးပြီး ဆိုင်ကယ်စီးဦးထုပ်များအခမဲ့ဖြန့်ဝေပေးခြင်း၊ ယာဉ်မောင်းနေစဉ် ထိုင်ခုံခါးပတ် ပတ်ရန်နှင့် လက်ကိုင်ဖုန်းအသုံးမပြုရန်၊ အရက်သေစာ သောက်စား၍ ယာဉ်မောင်းနှင်ခြင်းမပြုလုပ်ရန်၊ မြို့တွင်း မြို့ပြင်သတ်မှတ်မိုင်နှုန်းများထက် ပိုမမောင်းရန်၊ တန်ပိုယာဉ်များ တင်ဆောင်ဖြတ်သန်းခြင်း မပြုလုပ်ရန်တို့ကို အသိပညာပေးခြင်းအပြင် ယာဉ်အန္တရာယ်လမ်းအန္တရာယ်ကင်းရှင်းရေး အသိပညာပေးလက်ကမ်းစာစောင်နှင့် လမ်းမကြီးများ ဥပဒေအသိပညာပေးလက်ကမ်းစာစောင်များ ဖြန့်ဝေပေးကြောင်း သိရသည်။

သတင်း၊ဓါတ်ပုံ #သန်းဇော်