~~~~~~~~⊰❂ unicode ❂⊱~~~~~~~~

ကယ်ဆယ်ရေးတွင် ပါဝင်သူများ၏ စည်းလုံးညီညွတ်စွာ တပေါင်းတစည်းတည်း ဆောင်ရွက်နိုင်ခဲ့မှုကို ဖော်ညွန်းရန် United As One ဟု အဆိုပါ ပွဲအား ခေါင်းစဉ်တပ်ထားသည်ဟု ဝန်ကြီးကဆိုသည်။

အဆိုပါပွဲကို ထိုင်းဘုရင်၏ ခွင့်ပြုချက်ခြင့် ဒူးဆစ်နန်းတော်တွင် ညနေ (၆)နာရီမှ (၉)နာရီထိ ကျင်းပမည်ဖြစ်ပြီး အခမ်းအနား အတွက် စားသောက်ဖွယ်ရာကိုလည်း ဘုရင်က ပံ့ပိုးပေးထားကြောင်း သိရသည်။

အဆိုပါ အခမ်းအနားသို့ ဧည့်သည်ပေါင်း တစ်သောင်းဝန်းကျင် တက်ရောက်မည်ဟု မျှော်မှန်းထားပြီး ထိုင်းဝန်ကြီးချုပ် ပရာယွတ်ချောင်အိုချာနှင့် ဝန်ကြီးအဖွဲ့၊ ဌာနဆိုင်ရာအကြီးအကဲများ၊ ကယ်ဆယ်ရေးတွင် ပါဝင်လှူဒါန်းကြသည့် ပုဂ္ဂလိကအေဂျင်စီများလည်း တက်ရောက်ကြမည်ဖြစ်ကြောင်း သိရသည်။

အခမ်းအနား တက်ရောက်ရန် အတွက် ထိုင်းနိုင်ငံမှ အစိုးရနှင့် ပုဂ္ဂလိကကဏ္ဍတို့မှ ကယ်ဆယ်ရေးတွင် ပါဝင် ဆောင်ရွက်ခဲ့သူများ၊ ကယ်ဆယ်ရေးတွင် ပါဝင်ဆောင်ရွက်သည့် နိုင်ငံတကာမှ ကူညီသူများ၊ ကူညီထောက်ပံ့ခဲ့သည့် နိုင်ငံများမှ သံအမတ်များ၊ စစ်သံမှူးများ၊ ကယ်ဆယ်ရေးတွင် သတင်းရယူခဲ့သည့် ထိုင်းနှင့် နိုင်ငံတကာမှ သတင်းမီဒီယာများ၊ အနီးဝန်းကျင်မှ လယ်မြေများရေနစ်မြုပ်ပျက်စီးသွားရသည့် လယ်သမားများ၊ ကယ်ဆယ်ရေး သမားများအား အခမဲ့ အဝတ်လျှော်ပေးခဲ့သူများ၊ အနှိပ်ပညာရှင်များ အပါအဝင် ကယ်ဆယ်ရေးအား နည်းလမ်းမျိုးစုံဖြင့် ကူညီခဲ့ကြသူများကိုလည်း ဖိတ်ကြား သွားမည်ဖြစ်ကြောင်း သိရသည်။

အဆိုပါ ဖိတ်ကြားခံရသူများ ပွဲလာတက်ရန် လိုအပ်သည့် ခရီးစရိတ်နှင့် နေထိုင် စားသောက် စရိတ် တို့ကိုလည်း ကျခံ ပေးသွားမည်ဖြစ်ကြောင်း သိရသည်။

Tachileik News Agency
Ref; ThaiPBS