လူငယ္(၁၃)ဦး ပိတ္မိေနသည့္ ထိုင္းႏုိင္ငံ၊ မယ္ဆုိင္ၿမိဳ႕ရိွ လွဳိဏ္ဂူ၏ ထြက္ေပါက္မွာ အိမ္နီးခ်င္း ျမန္မာႏုိင္ငံ တာခ်ီလိတ္ခရိုင္အတြင္းရိွသည္ဟု ယူဆရသျဖင့္ ျမန္မာႏုိင္ငံဘက္ျခမ္းတြင္ ကူညီရွာေဖြမႈမ်ား လုပ္ေဆာင္ေပးရန္ ထုိင္းႏုိင္ငံတာဝန္ရိွသူမ်ားက ၂၀၁၈ ခုႏွစ္၊ဇြန္လ (၂၈)ရက္ေန႔တြင္ ဆက္သြယ္ အကူအညီ ေတာင္းခံမႈေၾကာင့္ ျမန္မာႏုိင္ငံဘက္ျခမ္းမွ တာဝန္ရိွသူမ်ားက ရွာေဖြမႈမ်ား စတင္ေနၿပီ ျဖစ္သည္။
"ကြ်န္ေတာ္တုိ႔ ႏုိင္ငံအေနနဲ႔ ပူးေပါင္းကူညီဖို႔ အဆင္သင့္ရိွေၾကာင္း ထုိင္းႏုိင္ငံဘက္ကို ႏွစ္ႏုိင္ငံနယ္ျခား ေကာ္မတီ (TBC) ခ်င္း ခ်ိတ္ဆက္ၿပီး ေဆာင္ရြက္ခဲ့ရာမွာ အခုပဲ ထုိင္းဘက္ကေန ကၽြန္ေတာ္တို႔ဘက္ကို ဆက္သြယ္ အေၾကာင္းၾကားလာတာပါ။ သူတို႔ေျပာတာက ဒီတာခ်ီလိတ္ဘက္မွာ အခုေက်ာင္းသားေတြ ပိတ္မိေနတဲ့ဂူရဲ႕ထြက္ေပါက္ရိွတယ္လို႔ ၾကားတယ္ေပါ့။ ဒီေတာ့ ျမန္မာဘက္က တာဝန္ရိွသူေတြအေနနဲ႔ ျမန္မာဘက္ျခမ္းကို သူတုိ႔ေတြ ေရာက္လာသလားဆိုတာ ကူညီရွာေဖြေပးဖို႔ပါ။ ကၽြန္ေတာ္တို႔ ဒီဘက္က ဌာနဆိုင္ရာ တာဝန္ရိွသူေတြ၊ ဒီေဒသအေၾကာင္းသိတဲ့ ေဒသခံေတြနဲ႔ ပူးေပါင္းၿပီး ရွာေဖြေပးဖို႔ ေဆာင္ရြက္ေနပါၿပီ”ဟု တာခ်ီလိတ္ခရိုင္၏ ဒုတိယခရိုင္အုပ္ခ်ဳပ္ေရးမွဴး ဦးေဇာ္ဝင္းေဌးက တာခ်ီလိတ္သတင္းေအဂ်င္စီသုိ႔ ေျပာသည္။
ဇြန္လ (၂၈)ရက္ေန႔ ညေနပိုင္းတြင္ တာခ်ီလိတ္ခရိုင္၏ ဒုတိယခရိုင္အုပ္ခ်ဳပ္ေရးမွဴး ဦးေဇာ္၀င္းေဌး၊ တာခ်ီလိတ္ၿမိဳ႕နယ္အုပ္ခ်ဳပ္ေရးမွဴး ဦးထြန္း၀င္းေအာင္၊ တာခ်ီလိတ္ခရိုင္မီးသတ္ဦးစီးဌာနမွ ဦးစီးဌာနမွဴး ဦးေက်ာ္ကိုကို၊ ၿမဳိ႕နယ္မီးသတ္ဦးစီးဌာနမွဴး ဦးေအာင္ေဇာ္လင္းႏွင့္ တပ္ဖြဲ႕ဝင္မ်ား၊ ခရိုင္ၾကက္ေျခနီႀကီးၾကပ္မႈေကာ္မတီ ဥကၠ႒ ဦးၾကည္ျမင့္ ႏွင့္ ခရုိင္ၾကက္ေျခနီတပ္ဖြဲ႕မွဴး ဦးဘမိုးျမင့္ ႏွင့္ ၾကက္ေျခနီတပ္ဖြဲ႕ဝင္ အပါအ၀င္မ်ား၊ ပုန္းထြန္ရပ္ကြက္အုပ္ခ်ဳပ္ေရးမွဴးအဖြဲ႔ ႏွင့္ အလင္းေရာင္ပရဟိတအသင္း၊ တာခ်ီလိတ္နာေရးကူညီမႈအသင္း ႏွင့္ လူမႈကူညီေရး အဖြဲ႕မ်ားျဖင့္ တာခ်ီလိတ္ၿမိဳ႕၊ ပုန္းထြန္ရပ္ကြက္အတြင္းရိွ ေငြေစတီကုန္း၏ လွဳိဏ္ဂူတြင္ ရွာေဖြမႈမ်ားကို စတင္ေနၿပီျဖစ္သည္။
မယ္ဆိုင္ဂူအတြင္း ပိတ္မိေနသည့္ လူငယ္(၁၃)ဦးကို (၆)ရက္ေျမာက္ေန႔အျဖစ္ ထုိင္းႏုိင္ငံအတြင္းမွ တာဝန္ရိွသူမ်ားႏွင့္ ႏုိင္ငံတကာမွ ကူညီသူမ်ားပူးေပါင္းၿပီး နည္းလမ္းမ်ိဳးစံုျဖင့္ ေဆာင္ရြက္ေနၿပီး အိမ္နီးခ်င္း ျမန္မာႏုိင္ငံဘက္ျခမ္းတြင္ ရွာေဖြေရးကိုလည္း ယေန႔စတင္လုိက္ျခင္းျဖစ္သည္။
သတင္း - #ခ်ယ္ရီထုိက္
ဓါတ္ပံု - #ေဇာင္းညီ
~~~~~~~~⊰❂ unicode ❂⊱~~~~~~~~
လူငယ်(၁၃)ဦး ပိတ်မိနေသည့် ထိုင်းနိုင်ငံ၊ မယ်ဆိုင်မြို့ရှိ လှိုဏ်ဂူ၏ ထွက်ပေါက်မှာ အိမ်နီးချင်း မြန်မာနိုင်ငံ တာချီလိတ်ခရိုင်အတွင်းရှိသည်ဟု ယူဆရသဖြင့် မြန်မာနိုင်ငံဘက်ခြမ်းတွင် ကူညီရှာဖွေမှုများ လုပ်ဆောင်ပေးရန် ထိုင်းနိုင်ငံတာဝန်ရှိသူများက ၂၀၁၈ ခုနှစ်၊ဇွန်လ (၂၈)ရက်နေ့တွင် ဆက်သွယ် အကူအညီ တောင်းခံမှုကြောင့် မြန်မာနိုင်ငံဘက်ခြမ်းမှ တာဝန်ရှိသူများက ရှာဖွေမှုများ စတင်နပြေီ ဖြစ်သည်။
"ကျွန်တော်တို့ နိုင်ငံအနေနဲ့ ပူးပေါင်းကူညီဖို့ အဆင်သင့်ရှိကြောင်း ထိုင်းနိုင်ငံဘက်ကို နှစ်နိုင်ငံနယ်ခြား ကော်မတီ (TBC) ချင်း ချိတ်ဆက်ပြီး ဆောင်ရွက်ခဲ့ရာမှာ အခုပဲ ထိုင်းဘက်ကနေ ကျွန်တော်တို့ဘက်ကို ဆက်သွယ် အကြောင်းကြားလာတာပါ။ သူတို့ပြောတာက ဒီတာချီလိတ်ဘက်မှာ အခုကျောင်းသားတွေ ပိတ်မိနေတဲ့ဂူရဲ့ထွက်ပေါက်ရှိတယ်လို့ ကြားတယ်ပေါ့။ ဒီတော့ မြန်မာဘက်က တာဝန်ရှိသူတွေအနေနဲ့ မြန်မာဘက်ခြမ်းကို သူတို့တွေ ရောက်လာသလားဆိုတာ ကူညီရှာဖွေပေးဖို့ပါ။ ကျွန်တော်တို့ ဒီဘက်က ဌာနဆိုင်ရာ တာဝန်ရှိသူတွေ၊ ဒီဒေသအကြောင်းသိတဲ့ ဒေသခံတွေနဲ့ ပူးပေါင်းပြီး ရှာဖွေပေးဖို့ ဆောင်ရွက်နေပါပြီ”ဟု တာချီလိတ်ခရိုင်၏ ဒုတိယခရိုင်အုပ်ချုပ်ရေးမှူး ဦးဇော်ဝင်းဌေးက တာချီလိတ်သတင်းအေဂျင်စီသို့ ပြောသည်။
ဇွန်လ (၂၈)ရက်နေ့ ညနေပိုင်းတွင် တာချီလိတ်ခရိုင်၏ ဒုတိယခရိုင်အုပ်ချုပ်ရေးမှူး ဦးဇော်ဝင်းဌေး၊ တာချီလိတ်မြို့နယ်အုပ်ချုပ်ရေးမှူး ဦးထွန်းဝင်းအောင်၊ တာချီလိတ်ခရိုင်မီးသတ်ဦးစီးဌာနမှ ဦးစီးဌာနမှူး ဦးကျော်ကိုကို၊ မြို့နယ်မီးသတ်ဦးစီးဌာနမှူး ဦးအောင်ဇော်လင်းနှင့် တပ်ဖွဲ့ဝင်များ၊ ခရိုင်ကြက်ခြေနီကြီးကြပ်မှုကော်မတီ ဥက္ကဋ္ဌ ဦးကြည်မြင့် နှင့် ခရိုင်ကြက်ခြေနီတပ်ဖွဲ့မှူး ဦးဘမိုးမြင့် နှင့် ကြက်ခြေနီတပ်ဖွဲ့ဝင် အပါအဝင်များ၊ ပုန်းထွန်ရပ်ကွက်အုပ်ချုပ်ရေးမှူးအဖွဲ့ နှင့် အလင်းရောင်ပရဟိတအသင်း၊ တာချီလိတ်နာရေးကူညီမှုအသင်း နှင့် လူမှုကူညီရေး အဖွဲ့များဖြင့် တာချီလိတ်မြို့၊ ပုန်းထွန်ရပ်ကွက်အတွင်းရှိ ငွေစေတီကုန်း၏ လှိုဏ်ဂူတွင် ရှာဖွေမှုများကို စတင်နပြေီဖြစ်သည်။
မယ်ဆိုင်ဂူအတွင်း ပိတ်မိနေသည့် လူငယ်(၁၃)ဦးကို (၆)ရက်မြောက်နေ့အဖြစ် ထိုင်းနိုင်ငံအတွင်းမှ တာဝန်ရှိသူများနှင့် နိုင်ငံတကာမှ ကူညီသူများပူးပေါင်းပြီး နည်းလမ်းမျိုးစုံဖြင့် ဆောင်ရွက်နပြေီး အိမ်နီးချင်း မြန်မာနိုင်ငံဘက်ခြမ်းတွင် ရှာဖွေရေးကိုလည်း ယနေ့စတင်လိုက်ခြင်းဖြစ်သည်။
သတင်း - #ချယ်ရီထိုက်
ဓာတ်ပုံ - #ဇောင်းညီ
~~~~~~~~~~~~~~~~~~ ေၾကာ္ျငာ ~~~~~~~~~~~~~~~~~~~~
