****************

စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးကျော်ဝင်းကို ၎င်း၏ သဘောဆန္ဒအရ ရာထူးမှ နှုတ်ထွက်ခွင့်ပြုလိုက်ကြောင်း ၂၀၁၈ ခုနှစ် မေလ (၂၅)ရက်နေ့တွင် နိုင်ငံတော်သမ္မတရုံး၏ အမိန့်အမှတ် ၂၄/၂၀၁၈ ဖြင့် ထုတ်ပြန်ကြေညာထားသည်။

အဆိုပါဝန်ကြီး၏နေအိမ်သို့ အဂတိလိုက်စားမှု တိုက်ဖျက်ရေးကော်မရှင်က ၂၀၁၈ ခုနှစ် မေလ (၁၂)ရက်နေ့တွင် ဝင်ရောက်စစ်ဆေးမှုများ ပြုလုပ်ခဲ့သည်ဟု သတင်းထွက်ပေါ်ခဲ့သော်လည်း ကော်မရှင်က အဆိုပါကိစ္စအား လက်ရှိအချိန်ထိ အတည်ပြုထားခြင်းမရှိသည်ကို တွေ့ရသည်။

ဦးကျော်ဝင်းသည် ၂၀၁၅ ခုနှစ် ရွေးကောက်ပွဲကို ဒဂုံဆိပ်ကမ်းမြို့နယ်၊ ပြည်သူ့လွှတ်တော် မဲဆန္ဒနယ်မှဝင်ရောက် ယှဉ်ပြိုင် အနိုင်ရရှိခဲ့ပြီးနောက် ပြည်ထောင်စုအစိုးရအဖွဲ့တွင် စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီးအဖြစ် တာဝန်ပေးအပ်ခြင်းခံခဲ့ရသည်။

သတင်း #ဇာနှင်း