~~~~~~~~⊰❂ unicode ❂⊱~~~~~~~~

ရှမ်းပြည်နယ်(အရှေ့ပိုင်း) တာချီလိတ်ခရို်င် တာလေနှင့် ကျိူင်းလပ်ရှိ ဧကတစ်သိန်းကျော်တွင် ကနေဒါ အခြေစိုက်ကုမ္ပဏီတစ်ခုက ရွှေနှင့် ကြေးနီသတ္တုသိုက် ရှာဖွေရေးလုပ်ဆောင်ရန် ဒေသခံများ ကွင်းဆင်းရှင်းလင်းခြင်းများကို ဧပြီလကုန်မှစ၍ လုပ်ဆောင်နေကြောင်း သိရသည်။

Locrian Resources INC မှ တာဝန်ရှိသူများသည် ဧပြီလ (၃၀)ရက်နေ့မှ စတင်၍ စမ်းသပ်တိုင်းတာမည့် ဒေသများမှ ဒေသခံများအား ကွင်းဆင်းရှင်းလင်းခြင်းများ လုပ်ဆောင်ခွင့်ကို သက်ဆိုင်ရာ အုပ်ချုပ်ရေးဌာနများတွင် ခွင့်ပြုချက်တောင်း၍ လုပ်ဆောင်နခြေင်းဖြစ်ကြောင်း သိရသည်။

“သူတို့လုပ်ရမယ့် တာဝန်လေးတွေရှိမှာပေါ့။ သူတို့က လက်ရှိ လျာထားတာပေါ့။ အခုလက်ရှိ ကုမ္ပဏီတွေ လျှောက်ထားတဲ့ နေရာတွေမပါ။ ကျန်တာတွေကတော့ ဒေသခံတွေ မြေနေရာ၊ စိုက်မြေတွေပါချင်ပါမယ်။ အဲဒီမှာ မြေသားဖောက်ယူပြီး သတ္တုသိုက်အရွယ်အစား ဘယ်လောက်ရှိသလဲဆိုတာ စမ်းသပ်မှာ။ အဲဒီထဲက မလိုအပ်တဲ့ နေရာတွေကို အစိုးရကိုပြန်အပ်ရမယ်ပေါ့”ဟု တာချီလိတ်ခရိုင်အုပ်ချုပ်ရေးမှူး ဦးတင်ဝင်းရွှေက တာချီလိတ်သတင်းအေဂျင်စီသို့ ပြောသည်။

ကနေဒါအခြေစိုက် Locrian Resources INC က တာလေ နှင့် ကျိုင်းလပ်မြို့တို့ရှိ နမ့်ခင်း၊ မိုင်းလင်းအရှေ့ကျေးရွာ အုပ်စု၊ မိုင်းလင်းအနောက်ကျေးရွာအုပ်စု၊ နားယောင်းကျေးရွာအုပ်စုနှင့် မိုင်းကိုးကျေးရွာ အုပ်စုများရှိ စုစုပေါင်း ဧက (၁၁၉,၇၅၅)တွင် သတ္တုသိုက်ရှာဖွေရေး စမ်းသပ် တိုင်းတာခြင်းများ လုပ်ဆောင်ခွင့်ရရန် ဒေသခံများအား လုပ်ငန်းအခြေအနေ ရှင်းလင်းခြင်းများ လုပ်ဆောင်နခြေင်းဖြစ်ကြောင်း သိရသည်။

အဆိုပါ ကုမ္ပဏီသည် လာအိုနှင့် မြန်မာနိုင်ငံတို့တွင် ဓာတ်သတ္တုရှာဖွေရေးလုပ်ဆောင်ရန် ကြိုးပမ်း နခြေင်းဖြစ်ပြီး ရှမ်းပြည်နယ်အတွင်း သတ္တုရှာဖွေရေးလုပ်ကို်င်ခွင့်အတွက် ၂၀၁၇ နှစ်ကုန်ပိုင်းတွင် ပြည်ထောင်စုအစိုးရက ခွင့်ပြုလိုက်ခြင်းဖြစ်ကာ ၂၀၁၈ ခုနှစ် ဧပြီလအတွင်းက ရှမ်းပြည်နယ်အစိုးရနှင့်အတူ စမ်းသပ်တိုင်းတာခြင်း လုပ်ငန်း ဆောင်ရွက်မည့်ဒေသများတွင် နယ်မြေကွင်းဆင်းခြင်း လုပ်ဆောင် ထားကြောင်း အဆိုပါကုမ္ပဏီ၏ ဝက်ဘ်ဆိုဒ်တွင် ဖော်ပြထားသည်။

Locrian Resources INC မှ တာဝန်ရှိသူများက ဧပြီလ (၃၀)ရက်နေ့တွင် တာလမြေို့ နားယောင်း ကျေးရွာအုပ်စုတွင် ဒေသခံ (၂၀)ကျော်နှင့် တွေ့ဆုံ၍ သတ္တုစမ်းသပ်တိုင်းတာခြင်း ဆောင်ရွက်မည့် လုပ်ငန်းစဉ်များအား ရှင်းလင်းပြောပြခဲ့ကာ ကျန်ဒေသများတွင် ဆက်လက်ရှင်းလင်းခြင်းများ လုပ်ဆောင် နေကြောင်း သိရသည်။

“စမ်းသပ်တိုင်းတာရေးလုပ်ရာမှာ ချောင်းသဲနမူနာကောက်ရပါတယ်။ သဲတွေ၊ ကျောက်တွေထဲမှာ လိုချင်တဲ့ သတ္တုပါ မပါကို နိုင်ငံခြားဓာတ်ခွဲခန်းတွေမှာ ဓာတ်ခွဲရတာဖြစ်ပါတယ်။ ဘူမိဗေဒပညာရှင်တွေက ချောင်းထဲသွား အင်ဝိုင်းလှည့်ပြီး နမူနာယူပါတယ်။ ရွှေကျင်တာ မဟုတ်ပါဘူး။ ချောင်းတွေ မြောင်းတွေကနေ သဲကိုပဲ ယူမှာဖြစ်ပါတယ်။ သတ္တုသိုက်ရဲ့ပင်မကို အနီးစပ်ဆုံးကို ရှာရပါတယ်”ဟု Locrian Resources INC မှ တာဝန်ရှိသူက ဒေသခံများအား ရှင်းလင်းပြောကြားသည်။

စမ်းသပ်တိုင်းတာမည့် ဧရိယာအတွင်းရှိ မြစ်ချောင်းများမှ သဲနမူနာရယူခြင်း၊ သတ်မှတ်နေရာများတွင် (၅)လက်မ အကျယ်နှင့် (၃)ပေအနက် မြေတူးယူပြီး မြေသားနမူနာယူ ဓာတ်ခွဲခြင်းများအား ကနဦး လုပ်ဆောင်ရန် ဒေသခံများအား လာရောက်ရှင်းလင်း ဆွေးနွေးခြင်းဖြစ်ကြောင်း သိရသည်။

ယင်းကဲ့သို့ စမ်းသပ် တိုင်းတာခြင်းများအတွက် တစ်စတုရန်း ကီလိုမီတာကို လက်ရှိနည်းဥပဒေအရ နိုင်ငံတော်ကို မြေငှါးရမ်းခ ကျပ်ငါးသောင်းနှုန်း အခွန်ဆောင်ရပြီး စမ်းသပ်တိုင်းတာမည့်နေရာသည် ဒေသခံများ၏ စိုက်မြေ၊ အိမ်ခြံမြေများအတွင်းဖြစ်ပါက ပိုင်ရှင်များထံ ခွင့်ပြုချက်တောင်းယူ၍ မြေသားနမူနာယူခြင်း ဆောင်ရွက်မည်ဖြစ်ကြောင်း သိရသည်။

စမ်းသပ်တိုင်းတာသည့် ဧရိယာများအနက်မှ သတ္တုသိုက်ဆက်လက်ရှာဖွေမည့် ဧရိယာမှလွဲ၍ ကျန်မြေ နေရာများအား နိုင်ငံတော်ထံ ပြန်လည်ပေးအပ်ရပြီး သတ္တုသိုက်ရှာဖွေတွေ့ရှိသည့်နေရာတွင် ဒေသခံများ၏ မြေနေရာများပါဝင်ပါက လျော်ကြေးပေးဆောင်ပြီး လုပ်ဆောင်သွားရမည်ဖြစ်ကြောင်း သိရသည်။

“ခြံမြေတွေထဲမှာ သတ္တု ရှာဖွေဖို့ဆိုရင်လည်း ကျွန်တော်တို့က ခွင့်တောင်းပြီး ဝင်ပြီးမှ မြေနမူနာပဲ ယူမှာပါ။ သုံးပေလောက် တူးလိုက်လို့ ပျက်စီးသွားရင် အဲဒီအတွက် လျော်ပေးတယ်။ သူ့မြေထဲက ဓာတ်သတ္တု ရှာတွေ့ရင် သူ့ကိုလည်း လျော်ကြေးပေးပါတယ်။ ချောင်းထဲကသဲနဲ့ သုံးပေလောက်မြေစမ်းသပ်လို့ ပြီးပြီဆိုရင် အစမ်းမြောင်းတူးပါတယ်။ ငါးပေလောက်အနက်က လေးပေလောက်အကျယ်တူးပြီး ကျောက်တွေကို ဓာတ်ခွဲစမ်းသပ်ဖို့ယူပါတယ်။ နမူနာကောက်ရင် အပေါ်ယံမြေဆီလွှာကို တစ်ဖက်မှာပုံပြီး အောက်က ကျောက်သားကို တစ်ဖက်ကို ပုံရပါတယ်။ ပြန်ဖုံးရာမှာ ကျောက်သားတွေ အောက်မှာထားပြီး မြေဆီလွှာတွေ အပေါ်မှာ ထားပါတယ်။ ဒီနောက် ရှာတွေ့ပြီဆိုရင် သတ္ထုသိုက် ပုံသဏ္ဍာန်၊ အနေအထားကို သိဖို့ လွန်တူးတဲ့စက်နဲ့ တူးပါတယ်။ ပေပေါင်း ၃၀၀၀ အထိဆင်းတဲ့ လွန်စက်နဲ့တူးပါတယ်။ စမ်းသပ် တိုင်းတာရေးနဲ့ တူးဖော် ထုတ်လုပ်ရေးဟာ မတူပါဘူးခင်ဗျ။ သူက မြကြေီးတွေကို အကုန်တူးလှန်မှာ မဟုတ်ဘဲ စီးပွားဖြစ်ထုတ်လို့ရမယ့် သတ္တုသိုက်ကို ရှာဖွေမှာဖြစ်ပါတယ်။ ရွှေ၊ကြေးနီကို အဓိက ရှာဖွေနေတာဖြစ်ပြီးတော့ ဒီရွှေ၊ကြေးနီသတ္တုသိုက်က နှစ်ပေါင်း (၃၀)၊ (၄၀) တန်ချိန်သန်းနဲ့ချီပြီး ထုတ်လို့ရတဲ့ သတ္တုသိုက် အရင်းအမြစ်ကို ရှာချင်တာဖြစ်ပါတယ်”ဟု အဆိုပါ ကုမ္ပဏီမှ တာဝန်ရှိသူက ဆိုသည်။

စမ်းသပ်တိုင်းတာသည့် ဧရိယာအတွင်း သဘာဝပတ်ဝန်းကျင်အနေအထားကို မတိုင်းတာမီတွင် မှတ်တမ်း တင်ထားရပြီး စမ်းသပ်တိုင်းတာမှုများပြီးဆုံး၍ ထုတ်လုပ်နိုင်သည့် ပမာဏမတွေ့သည့်တိုင် ဒေသ၏ သဘာဝပတ်ဝန်းကျင်အနေအထားကို မူလအတိုင်း ထားပေးရမည့် စည်းမျဉ်းစည်းကမ်းများအား လိုက်နာဆောင်ရွက်မည်ဖြစ်ကြောင်း အဆိုပါ ကုမ္ပဏီက ဆိုသည်။

ရှမ်းပြည်နယ်(အရှေ့ပိုင်း) တာချီလိတ်ခရိုင်အတွင်း မိုင်းဖြတ်မြို့နယ်တွင်လည်း နိုင်ငံခြားကုမ္ပဏီတစ်ခုက သတ္တုတူးဖော်ရေး စမ်းသပ်တိုင်းတာမှုများ ဆောင်ရွက်ရန် ဧက တစ်သိန်းခွဲ နီးပါး လျှောက်ထားခြင်းကို ဒေသခံများက ကန့်ကွက်ထားသဖြင့် သက်ဆိုင်ရာ တာဝန်ရှိသူများနှင့် ဒေသခံများ ၂၀၁၇ ခုနှစ် ဒီဇင်ဘာလ (၉)ရက်နေ့တွင် မိုင်းဖြတ်မြို့၌ တွေ့ဆုံ ဆွေးနွေးခဲ့ကြခြင်းဖြစ်သည်။