ထိုင်းနိုင်ငံတွင် မှတ်ပုံတင်ထားခြင်း မရှိသည့် ရွှေ့ပြောင်းလုပ်သား ခြောက်သောင်းနီးပါးအတွက်၎င်းတို့၏ အလုပ်ရှင်များအား အရေးယူသွားမည် ဖြစ်ကြောင်း ထိုင်းနိုင်ငံ အလုပ်သမားဝန်ကြီးဌာနက သတိပေးထားကြောင်း ထိုင်းနိုင်ငံ အလုပ်သမား သံအရာရှိရုံးမှ သိရသည်။

ထိုင်းနိုင်ငံတွင် အလုပ်သမားဝန်ကြီးဌာနက နောက်ဆုံး သတိပေးထားသည့် ၂၀၁၈ ခုနှစ် မတ်လ (၃၀)ရက်နေ့ ညသန်းခေါင်အထိ ကမ္ဘောဒီးယား၊ လာအိုနှင့် မြန်မာနိုင်ငံတို့မှ အလုပ်သမားပေါင်း (၁,၃၂၀,ဝ၃၅)ဦးက မှတ်ပုံတင်ခဲ့ကြရာ စာရွက်စာတမ်း မှတ်တမ်းအရ အလုပ်သမား (၉၆၁,၉၄၆)ဦးမှာ မှတ်ပုံတင် လုပ်ငန်း အပြည့်အဝ ပြီးဆုံးပြီး (၁၂၇,၄၂၉)ဦးတို့မှာ တစ်စိတ်တစ်ပို်င်း ပြီးစီးသည့် အခြေအနေတွင် ရှိနေရာ၎င်းတို့အား အပြည့်အဝ မှတ်ပုံတင်ခြင်းကို ထိထိရောက်ရောက် လုပ်ဆောင်ပေးမည်ဖြစ်ကြောင်း ထုတ်ပြန်ထားသည်။

လုံးဝ မှတ်ပုံတင်ထားခြင်း မရှိသည့် ရွှေ့ပြောင်းလုပ်သားများ အနဖြေင့် နေရပ်ပြန်ပြီး သက်ဆိုင်ရာ နိုင်ငံအလိုက် တရားဝင် နည်းလမ်းဖြင့် ပြန်လည် ဝင်ရောက်ရန် လိုအပ်ကြောင်း သတိပေးထားသည်။

ထိုင်းနိုင်ငံ၏ ရွှေ့ပြောင်းအလုပ်သမားဥပဒေသစ်အရ အလုပ်ရှင်များသည် တရားမဝင် အလုပ်သမားတစ်ဦးစီ အတွက် ဒဏ်ငွေအဖြစ် ဘတ်လေးသိန်းမှ ရှစ်သိန်းအထိ ပေးဆောင်ရမည့်အပြင် အလုပ်သမား အနဖြေင့် ထောင်ဒဏ် ငါးနှစ် ကျခံရမည်ဖြစ်သည်။

အဆိုပါ ဥပဒေအား လျှော့ပေါ့ပြစ်ဒဏ်များဖြင့် ပြင်ဆင်ထားသော်လည်း သက်ဝင်မှုမရှိသေးကြောင်း ထိုင်းနိုင်ငံ အလုပ်သမားဝန်ကြီးက သတိပေးထားသည်။