~~~~~~~~⊰❂ unicode ❂⊱~~~~~~~~

ရှမ်းပြည်နယ်(အရှေ့ပိုင်း)တာချီလိတ်ခရိုင်၊ မိုင်းယောင်းမြို့နယ်၊ မုန်းလိုက်အုပ်စု၊ မိုင်းဟမ်ကျေးရွာရှိ ဓမ္မဂမ္ဘီရသာသနာ့ လှိုဏ်ဂူတော်ကြီး (စွမ်းဟိန်းဂူ)၊ ဓမ္မာရုံအနီးရှိ နားနေဆောင်တွင် ကြိုးဆွဲချ သေဆုံး နေသည့် ဒုလ္လဘတစ်ပါးအား ဧပြီလ (၂၉)ရက်နေ့ နံနက် (၇)နာရီက တွေ့ရှိရကြောင်း သိရသည်။

မိုင်းဟစ်ကျေးရွာသူကြီး ဦးအိုက်ရှဲန်က သတင်းပေးပို့လာသဖြင့် မိုင်းယောင်းမြို့မရဲစခန်းမှ စခန်းမှူး ဒုရဲမှူး စံလင်း ဦးစီးသည့် အဖွဲ့က သက်သေများနှင့် အတူ အခင်းဖြစ်နေရာအား သွားရောက်စစ်ဆေးရာ အသက် (၄၈)နှစ်အရွယ် လူအမည် အိုက်ရှဲန်ဆိုသူမှာ ပြင်ပဒဏ်ရာမရှိဘဲ ခါးစည်းပဝါဖြင့် ကြိုးဆွဲချသေဆုံးနေသည့် ရဟန်းအား တွေ့ရသဖြင့် ရင်ခွဲစစ်ဆေးနိုင်ရန် မိုင်းယောင်းပြည်သူ့ဆေးရုံသို့ ပို့ဆောင်ထားကြောင်း သိရသည်။

အဆိုပါ ဒုလ္လဘမှာ ရဟန်းဘဝဖြင့် (၅)ရက်သာ ရှိသေးပြီး မသေဆုံးမီညက၎င်းကို အခြားသူများက လာရောက် ခေါ်ဆောင်ကာ သတ်တော့မည်ဖြစ်ကြောင်း အတူနေသူကို ကယောင်ကတန်းဖြင့် ပြောဆို နေခဲ့ကြောင်း သိရသည်။

အဆိုပါ ဒုလ္လဘရဟန်းသေဆုံးမှုအား ဓမ္မတာအတိုင်း သေဆုံးခြင်း ဟုတ် မဟုတ် စစ်ဆေးနပြေီး မိုင်းယောင်းမြို့မ ရဲစခန်းတွင် သေမှုသေခင်းအမှတ်စဉ် (၃/၂၀၁၈)ဖြင့် အမှုဖွင့်စစ်ဆေးနေကြောင်း သိရသည်။