~~~~~~~~⊰❂ unicode ❂⊱~~~~~~~~

တာချီလိတ်မှ မွေးမြူရေးခြံတစ်ခြံတွင် မူးယစ်ဆေးရောင်းဝယ်ကြောင်းသတင်းအရ ဝင်ရောက်ရှာဖွေဖမ်းဆီး
*************
ရှမ်းပြည်နယ်(အရှေ့ပိုင်း) တာချီလိတ်မြို့နယ်၊ ဖန်မင်အုပ်စု၊ ဝမ်ကျောက်လုံ - ပန်စလိရွာသွားကားလမ်းဘေးရှိ မွေးမြူရေးခြံအား ဖေဖေါ်ဝါရီလ (၁၁)ရက်နေ့က မူးယစ်ဆေးဝါးသတင်းအရ ဝင်ရောက်ရှာဖွေရာ စိတ်ကြွဆေးပြား (၁၉၀၀)ပြား ဖမ်းဆီးရမိကြောင်း သိရသည်။

မူးယစ်တပ်ဖွဲ့စု (၃၀)မှ ရဲအုပ်ကျော်စွာထွန်း ဦးစီးအဖွဲ့၊ ဟောင်လိတ် ရဲကင်းစခန်းမှ ရဲအုပ်ချမ်းမြေ့အောင်၊ စရဖ(တသခ)စု-၂ မှ တကက ရဲလင်းထိုက်တို့ ပါဝင်သော ပူးပေါင်းအဖွဲ့သည် သက်သေများနှင့်အတူ ၂၀၁၈ ခုနှစ် ဖေဖေါ်ဝါရီလ (၁၁) ရက်နေ့ နေ့လယ် (၂)နာရီခွဲအချိန်တွင် ဝမ်ကျောက်လုံ - ပန်စလိရွာ သွားကားလမ်းဘေးရှိ မွေးမြူရေးခြံတွင် မူးယစ်ဆေးရောင်းဝယ်ကြောင်းသတင်းအရ ဝင်ရောက်ရှာဖွေရာ နေအိမ်ဧည့်ခန်းအတွင်း ရေခဲပုံးဖြင့်ထည့်ထားသည့် WY စာတမ်းပါ စိတ်ကြွဆေးပြား (၁၉၀၀)ပြားအား ရှာဖွေတွေ့ရှိရပြီး ဧည့်ခန်းနှင့် ကပ်လျက်ဘေးခန်းတွင် စိတ်ကြွဆေးပြား သုံးစွဲရာ၌ အသုံးပြုသည့် ဝါးပိုက်တပ်ထားသည့်ဗူး (၁)ဗူးအား သိမ်းဆည်းရမိကြောင်း သိရသည်။

အဆိုပါနေအိမ်တွင် တွေ့ရသည့် ခြံစောင့်ဖြစ်သူ မနားတီအား တာချီလိတ်မြို့မရဲစခန်းတွင် မယ(ပ)၁၁/၂၀၁၈၊ မူး/စိတ်ပုဒ်မ ၁၅/၁၉(က) အရ အမှုဖွင့်စစ်ဆေးနေကြောင်း သိရသည်။

သတင်း #စိုင်းဇေယျာ
ဓါတ်ပုံ #ရဲတပ်ဖွဲ့