“တရားခံဖမ္းဆီး ရမိေရးအတြက္ တပ္ဖြဲ႕ဝင္ေတြအားလံုး ႀကိဳးစား လုပ္ေဆာင္ခဲ့ပါတယ္။ ဒီႏွစ္ေယာက္ကေတာ့ ေနာက္ဆံုး လြတ္ေျမာက္ေနတဲ့ တရားခံဖမ္းဆီးရာမွာ ခက္ခက္ခဲခဲ လံုးေထြး သတ္ပုတ္ ဖမ္းဆီးခဲ့ၾကတဲ့သူေတြျဖစ္လို႔ ဂုဏ္ျပဳခ်ီးျမႇင့္တာပါ။ အခုလို ဂုဏ္ျပဳတာက မႈခင္းႏွိမ္ႏွင္းေရးေတြ လုပ္ေဆာင္ေနတဲ့ ရဲတပ္ဖြဲ႔ဝင္ေတြ စိတ္ဓါတ္ခြန္အားရိွေအာင္ အသိအမွတ္ျပဳ ဂုဏ္ျပဳရျခင္းျဖစ္ပါတယ္”ဟု တာခ်ီလိတ္ခရိုင္ရဲတပ္ဖြဲ႕မွဴး ဒုရဲမွဴးႀကီးထိန္ဝင္းက တာခ်ီလိတ္သတင္းေအဂ်င္စီသို႔ ေျပာသည္။
ဂုဏ္ျပဳခ်ီးျမႇင့္ခံရသည့္ ရဲတပ္ဖြဲ႕ဝင္ႏွစ္ဦးမွာ ခရိုင္ရဲတပ္ဖြဲ႕မွ ရဲအုပ္ျမင့္ႏုိင္ႏွင့္ ရဲတပ္သား ေဖသက္ဟန္တုိ႔ ျဖစ္ၾကၿပီး ေထာင္ေဖါက္ထြက္ေျပးသူမ်ားအနက္ ေနာက္ဆံုးလြတ္ေျမာက္က်န္ေနသည့္ မူးယစ္ေဆးဝါးမႈျဖင့္ ေထာင္ဒဏ္ (၁၆)ႏွစ္ က်ခံေနရသူအား လံုးေထြးသတ္ပုတ္ဖမ္းဆီးခဲ့သူမ်ားျဖစ္ေၾကာင္း သိရသည္။
တာခ်ီလိတ္ ၿမိဳ႕မရဲစခန္း၏ အခ်ဳပ္ေထာင္တြင္ အခ်ဳပ္တရားခံ အမ်ဳိးသား (၁၀၁)ဦးႏွင့္ အမ်ိဳးသမီး (၁၂)ဦး ရိွသည့္အနက္ အခ်ဳပ္တရားခံ အမ်ိဳးသား (၃၂)ဦးထားရိွသည့္ အခ်ဳပ္ခန္းအမွတ္ (၃)၏ အမိုးသံတန္းအား ျဖတ္၍ သက္ငယ္မုဒိန္းမႈျဖင့္ ေထာင္ဒဏ္ (၂၂)ႏွစ္ ခ်မွတ္ခံထားရသည့္ ေနလင္း (ခ) ေနမင္း၊ ေထာင္ဒဏ္ (၁၆)ႏွစ္ က်ခံေနရသည့္ မူးယစ္တရားခံ ကုိသက္(ခ)ျမဝင္း၊ ခိုးမႈတရားခံမ်ားျဖစ္သည့္ ေစာမ်ိဳးေအာင္ႏွင့္ စုိင္းမင္းသူ၊ မူးယစ္တရားခံ ဥာဏ္လင္း(ခ)ဥာဏ္ဝင္းတို႔ ဇန္နဝါရီလ (၆)ရက္ေန႔တြင္ ထြက္ေျပးသြားခဲ့ၾကရာ နာရီ (၅၀)အတြင္း ရဲတပ္ဖြဲ႕က အဆိုပါထြက္ေျပးသူ (၅)ဦးႏွင့္အတူ ကူညီသူမ်ားကိုပါ ဖမ္းဆီးရမိခဲ့ျခင္းျဖစ္ေၾကာင္း သိရသည္။
သတင္း - ခ်ယ္ရီထိုက္
ဓါတ္ပံု - ST
~~~~~~~~⊰❂ unicode ❂⊱~~~~~~~~
“တရားခံဖမ်းဆီး ရမိရေးအတွက် တပ်ဖွဲ့ဝင်တွေအားလုံး ကြိုးစား လုပ်ဆောင်ခဲ့ပါတယ်။ ဒီနှစ်ယောက်ကတော့ နောက်ဆုံး လွတ်မြောက်နေတဲ့ တရားခံဖမ်းဆီးရာမှာ ခက်ခက်ခဲခဲ လုံးထွေး သတ်ပုတ် ဖမ်းဆီးခဲ့ကြတဲ့သူတွဖြေစ်လို့ ဂုဏ်ပြုချီးမြှင့်တာပါ။ အခုလို ဂုဏ်ပြုတာက မှုခင်းနှိမ်နှင်းရေးတွေ လုပ်ဆောင်နေတဲ့ ရဲတပ်ဖွဲ့ဝင်တွေ စိတ်ဓာတ်ခွန်အားရှိအောင် အသိအမှတ်ပြု ဂုဏ်ပြုရခြင်းဖြစ်ပါတယ်”ဟု တာချီလိတ်ခရိုင်ရဲတပ်ဖွဲ့မှူး ဒုရဲမှူးကြီးထိန်ဝင်းက တာချီလိတ်သတင်းအေဂျင်စီသို့ ပြောသည်။
ဂုဏ်ပြုချီးမြှင့်ခံရသည့် ရဲတပ်ဖွဲ့ဝင်နှစ်ဦးမှာ ခရိုင်ရဲတပ်ဖွဲ့မှ ရဲအုပ်မြင့်နိုင်နှင့် ရဲတပ်သား ဖေသက်ဟန်တို့ ဖြစ်ကြပြီး ထောင်ဖောက်ထွက်ပြေးသူများအနက် နောက်ဆုံးလွတ်မြောက်ကျန်နေသည့် မူးယစ်ဆေးဝါးမှုဖြင့် ထောင်ဒဏ် (၁၆)နှစ် ကျခံနေရသူအား လုံးထွေးသတ်ပုတ်ဖမ်းဆီးခဲ့သူများဖြစ်ကြောင်း သိရသည်။
တာချီလိတ် မြို့မရဲစခန်း၏ အချုပ်ထောင်တွင် အချုပ်တရားခံ အမျိုးသား (၁၀၁)ဦးနှင့် အမျိုးသမီး (၁၂)ဦး ရှိသည့်အနက် အချုပ်တရားခံ အမျိုးသား (၃၂)ဦးထားရှိသည့် အချုပ်ခန်းအမှတ် (၃)၏ အမိုးသံတန်းအား ဖြတ်၍ သက်ငယ်မုဒိန်းမှုဖြင့် ထောင်ဒဏ် (၂၂)နှစ် ချမှတ်ခံထားရသည့် နေလင်း (ခ) နေမင်း၊ ထောင်ဒဏ် (၁၆)နှစ် ကျခံနေရသည့် မူးယစ်တရားခံ ကိုသက်(ခ)မြဝင်း၊ ခိုးမှုတရားခံများဖြစ်သည့် စောမျိုးအောင်နှင့် စိုင်းမင်းသူ၊ မူးယစ်တရားခံ ဉါဏ်လင်း(ခ)ဉါဏ်ဝင်းတို့ ဇန်နဝါရီလ (၆)ရက်နေ့တွင် ထွက်ပြေးသွားခဲ့ကြရာ နာရီ (၅၀)အတွင်း ရဲတပ်ဖွဲ့က အဆိုပါထွက်ပြေးသူ (၅)ဦးနှင့်အတူ ကူညီသူများကိုပါ ဖမ်းဆီးရမိခဲ့ခြင်းဖြစ်ကြောင်း သိရသည်။
သတင်း - ချယ်ရီထိုက်
ဓာတ်ပုံ - ST
