~~~~~~~~⊰❂ unicode ❂⊱~~~~~~~~

ရှမ်းပြည်နယ်(အရှေ့ပိုင်း) တာချီလိတ်မြို့နယ် ဖန်မင်ကျေးရွာအုပ်စု ကော့မကိန်ရွာတွင် ဇန်နဝါရီလ(၂၉)ရက်နေ့ နေ့လည်ပိုင်းက မယ်ယန်းရွာဘက်မှ ကော့မတိန်ရွာဘက်သို့ နံပါတ်မပါ ဆိုင်ကယ်တစ်စီး မောင်းနှင်လာသည့် အမျိုးသားတစ်ဦးအား မသင်္ကာဖွယ်တွေ့ရသဖြင့် ရဲစခန်းတွင် စစ်ဆေးနေကြောင်း သိရသည်။

“ဒီလိုအမှုတွေက ဆိုင်ကယ်စီးလာသူကို မေးလိုက်တဲ့အခါ သူစီးလာတဲ့ဆိုင်ကယ်နဲ့ပတ်သက်လို့ ဘာမှမပြောနိုင်တာမျိုးပေါ့။ တစ်ချို့ဆို သူစီးတဲ့ ဆိုင်ကယ်အမျိုးအစား၊ နံပါတ်တို့စတာတွေ မပြောနိုင်ကြဘူး။ ပိုင်ဆိုင်ကြောင်း အထောက်အထား ဘာမှမပြောနိုင်တာ၊ မပြနိုင်တာမျိုးပေါ့။ ဒီလိုမျိုးမှာ ဆိုရင် ခိုးလာတာလားဆိုတာ စစ်ဆေးရတယ်။ သူခိုးလာတဲ့နေရာ သိတယ်ဆိုရင်တော့ ပိုင်ရှင် ပြန်တွေ့တယ်။ အကယ်၍ ပိုင်ရှင်လည်း မတွေ့ဘူးဆိုရင်တော့ တရားရုံးကို ပိုင်ရှင်မဲ့နဲ့ တင်တဲ့အခါမှာ နိုင်ငံတော်ပိုင်အဖြစ် ဆုံးဖြတ်လေ့ရှိပါတယ်။ ဒီလိုပိုင်ရှင်မဲ့ ဆိုင်ကယ်ဖြစ်သွားတာ ၂၀၁၇ အတွင်းမှာတော့ သုံးစီး၊ လေးစီးတွေ့တယ်။ အများအားဖြင့်တော့ ပိုင်ရှင် ပြန်တွေ့ပါတယ်။ တစ်ချို့ကျတော့လည်း ပိုင်ရှင်တွေက လိုင်စင်မဲ့ဖြစ်နေတော့ သူတို့စိုးရိမ်ကြတာတွေလည်းရှိပါတယ်။ ဒီနှစ်တော့ ပိုင်ရှင်မဲ့ဖြစ်တာ မတွေ့သေးပါဘူး”ဟု တာချီလိတ်မြို့မရဲစခန်းမှ စခန်းမှူး ဒုရဲမှူးကြည်စိုးက တာချီလိတ်သတင်းအေဂျင်စီသို့ ပြောသည်။

Honda PCX-150 အမျိုးအစားဆိုင်ကယ်အား မောင်းနှင်လာသည့် အသက်(၃၂)နှစ်အရွယ်ရှိ စောမောင်သည်၎င်းစီးနင်းလာသည့် ဆိုင်ကယ်နှင့် ပတ်သက်၍ တစ်စုံတစ်ရာ ပြောဆို ပြသနိုင်ခြင်း မရှိသဖြင့် စစ်ဆေးရာ ခိုးယူလာသည်ဟု ယူဆရသဖြင့် တာချီလိတ်မြို့မရဲစခန်းတွင် စစ်ဆေးဆောင်ရွက်နခြေင်းဖြစ်ကြောင်း သိရသည်။

ဓာတ်ပုံ - ရဲစခန်း