~~~~~~~~⊰❂ unicode ❂⊱~~~~~~~~

ရှမ်းပြည်နယ်(အရှေ့ပိုင်း) တာချီလိတ်ခရိုင်၊ ကျိုင်းလပ်မြို့၊ နမ့်ခင်းကျေးရွာအုပ်စု၊ ပူကာကျေးရွာ၏ မြောက်ဘက်ရှိ ဖားခေါ်ကြောတောင် ခေါ် ယားပါအဲတောင်တွင် ထော်လာဂျီ(အီတန်)တိမ်းမှောက်ရာမှ အမျိုးသား တစ်ဦး သေဆုံးမှု ဒီဇင်ဘာလ(၂၄)ရက်နေ့ နံနက်ပိုင်းက ဖြစ်ပွားခဲ့ပြီး ယာဉ်မောင်းမှာ ထွက်ပြေး တိမ်းရှောင်နေကြောင်း သိရသည်။

ကျိုင်းလပ်မြို့၊ နမ့်ခင်းကျေးရွာအုပ်စု၊ ပူကာကျေးရွာမြောက်ဘက်ရှိ ဖားခေါ်ကြောတောင် ခေါ် ယားပါအဲတောင်၏ တောင်ကြောပေါ်တွင် ဒီဇင်ဘာလ(၂၄)ရက်နေ့ နံနက်ပိုင်းက ထော်လာဂျီ(အီတန်)တိမ်းမှောက်ရာမှ အမျိုးသားတစ်ဦး သေဆုံးနေကြောင်း သတင်းရရှိ၍သက်ဆိုင်ရာရဲတပ်ဖွဲ့နှင့် ကျေးရွာသူကြီးတို့မှ သွားရောက်စစ်ဆေးရာ သေဆုံးနေသူမှာ ပူကာကျေးရွာနေ ဦးအားမဲ ဖြစ်နေကြောင်း သိရသည်။

ယာဉ်တိမ်းမှောက်မှု ဖြစ်ပွားစဉ်တွင် ယာဉ်မောင်းဖြစ်သူ အသက် (၂၅)နှစ်ရှိ အားဒေါင်မှာ ယာဉ်တိမ်းမှောက်မှုကြောင့် ထွက်ပြေး တိမ်းရှောင်နေကြောင်း သိရသည်။

အဆိုပါ ဖြစ်စဉ်နှင့် ပတ်သက်၍ မိုင်းပါလျှိုးနယ်မြေရဲစခန်းတွင် ရာဇသတ်ကြီးဥပဒေပုဒ်မ ၃၀၄-ကဖြင့် အမှုဖွင့်ထားရှိပြီး ယာဉ်တိမ်းမှောက်မှုကြောင့် ထွက်ပြေးတိမ်းရှောင်နေသူအား ဖမ်းဆီးရမိရေးအတွက် ကြိုးပမ်းနေကြောင်း သိရှိရသည်။

သတင်း - စိုင်းဇေယျာ