~~~~~~~~⊰❂ unicode ❂⊱~~~~~~~~

မိုုင်းယုမြို့မှ နှစ်ပေါင်း တစ်ထောင်ကျော်သက်တမ်းရှိ စေတီတော်အား ဉာဏ်တော်မြှင့်တင်ပြီး ဌာပနာထည့်သွင်းပူဇော်ပွဲကျင်းပ
***********
ရှမ်းပြည်နယ် (အရှေ့ပိုင်း) တာချီလိတ်ခရိုင်၊ မိုင်းယုမြို့ ဝမ်တာကြန့်ကျေးရွာအုပ်စု၊ ဝမ်တာကြန့်ကျေးရွာအနီး  နှစ်ပေါင်း (၁၁၀၂)သက်တမ်းရှိ ထပ်ပူခမ်း(ခ)ရွှေဂဏန်းစေတီတော်မြတ်ကြီးအား ဉာဏ်တော်မြှင့်တင်နေပြီး ဒီဇင်ဘာလ (၁) ရက်နေ့က ဘုရားဌာပနာ ထည့်သွင်းပူဇော်ပွဲ ကျင်းပသည်။

နှစ်ပေါင်း (၁၁၀၂)ကျော် သက်တမ်းရှိ ထပ်ပူခမ်း(ခ)ရွှေဂဏန်းဆံတော်ရှင်စေတီတော်မြတ်ကြီးအား ခုံပလ္လင် အကျယ် ၃၆ ပေ၊ ပလ္လင်တော်အကျယ် ၁၆ ပေ၊ ဉာဏ်တော်အမြင့် ၃၆ ပေရှိသည့် စေတီတော်သစ်အဖြစ် မူလစေတီအား ငုံ၍တည်ထားနေခြင်းဖြစ်ပြီး အနယ်နယ်အရပ်ရပ်မှ လှူဒါန်းလိုသူများ ကုသိုလ်ပါဝင်နိုင်ရန်  မိုင်းယောင်းမြို့နယ်ရှိ ထေရဝါဒဗုဒ္ဓသာသနာပြု( ရပ်ကွက်-၂ )ကျောင်းတိုက် ဆရာတော်နှင့် မိုင်းယုမြို့ မြို့မရပ်ကွက်ရှိ ထေရဝါဒဗုဒ္ဓသာသနာပြု(ဝပ်လုံကြွမ်တောင်း) ကျောင်းတိုက်ဆရာတော်တို့က ဦးဆောင်၍  စေတီတော်မြတ်ကြီး၏ ဘုရားဌာပနာထည့်သွင်းပူဇော်ပွဲကို ကျင်းပခြင်းဖြစ်ကြောင်း သိရသည်။

ဌာပနာထည့်သွင်းပူဇော်ပွဲတွင် မိုင်းယောင်းမြို့နယ်မှ ထေရဝါဒဗုဒ္ဓသာသနာပြု( ရပ်ကွက်-၂ )ကျောင်းတိုက် ဆရာတော် နှင့် မိုင်းယုမြို့ မြို့မရပ်ကွက်ရှိ ထေရဝါဒဗုဒ္ဓသာသနာပြု(ဝပ်လုံကြွမ်တောင်း) ကျောင်းတိုက်ဆရာတော်တို့၏ ကြီးကြပ်မှုဖြင့် ကျင်းပခြင်းဖြစ်ကြောင်း သိရပြီး မိုင်းယောင်းမြို့ အုပ်ချုပ်ရေးမှူးနှင့် ဌာနဆိုင်ရာများမှ အလှူရှင်များလည်း တက်ရောက်ကြကြောင်း သိရသည်။

သတင်း၊ဓါတ်ပုံ #ကိုနိုင်(MYu)