~~~~~~~~⊰❂ unicode ❂⊱~~~~~~~~

ရှမ်းပြည်နယ်(အရှေ့ပိုင်း) တာချီလိတ် - ကျိုင်းတုံလမ်းဖြစ်သည့် တာချီလိတ်စစ်ဗျူဟာကုန်းအနီး နှင့် ဟွေခိုက်ကျေးရွာအကွေ့လမ်းတို့တွင် ယာဉ်မတော် တဆမှု မကြာခဏဖြစ်ပွားလေ့ရှိသည့် အတွက် ဘေးအန္တရာယ်ကင်းရှင်းရေး သတိပေး အမှတ်အသားများ လုပ်ဆောင်နိုင်ရန် နှင့် ယာဉ်တိုက်မှုကြောင့် အသက်ဆုံးရှုံးမှုများ လျော့နည်းစေရန်အတွက် စစ်ဆေးမှုများကို ဧပြီလ (၄)ရက်နေ့က ပူးပေါင်းအဖွဲ့ဖြင့် လုပ်ဆောင်နေကြောင်း သိရသည်။

အဆိုပါ လမ်း၌ လမ်းညွှန်အမှတ်အသားထားရန်၊ အလယ်မျဉ်းဖြူရေးဆွဲရန်နှင့် ဗျူဟာကုန်းအဆင်းတွင် လျှပ်စစ်မီးလင်းရန်တို့ကို လုပ်ဆောင်သွားမည်ဖြစ်ကြောင်း သိရသည်။

တာချီလိတ် - ကျိုင်းတုံလမ်းပိုင်းမှ တာချီလိတ်စစ်ဗျူဟာကုန်းဆင်းအနီးနှင့် ဟွေခိုက်ကျေးရွာအနီးတို့တွင် ယာဉ်မတော်တဆမှု မကြာခဏဖြစ်ပွားသဖြင့် တာချီလိတ်ခရိုင်ကုန်းလမ်းပို့ဆောင်ရေး ညွှန်ကြားရေးမှူး ဦးစီးဌာနမှ ခရိုင်ဦးစီးမှူးဦးသောင်းမြင့်နှင့် ကုန်းလမ်းပို့ဆောင်ရေးညွှန်ကြားမှုဦးစီးဌာနမှ တာဝန်ရှိသူများ၊ အမှတ်(၁၁၇)ယာဉ်ထိန်းရဲတပ်ဖွဲ့စု(တာချီလိတ်)မှ ဒုရဲမှူး အောင်ကိုကိုနှင့် ယာဉ်ထိန်းရဲတပ်ဖွဲ့ဝင်များ၊ ဆောက်လုပ်ရေးမှ တာဝန်ရှိသူများ နှင့် သော်တာဝင်းကုမ္ပဏီမှ တာဝန်ရှိသူများ ပါဝင်သည့် ပူးပေါင်းအဖွဲ့က သွားရောက်ကြည့်ရှု စစ်ဆေးကြခြင်းဖြစ်ကြောင်း သိရသည်။

သတင်း/ဓာတ်ပုံ - ဇောင်းညီ