ကျိုင်းတုံ ၊ မေလ (၁၈) ရက်
ရှမ်းပြည်နယ်အရှေ့ပိုင်း ကျိုင်းတုံမြို့တွင် ယာဉ်တစ်စီးက အရှိန်မထိန်းနိုင်ဘဲ ဆက်သွယ်ရေးကွန်ကရစ်တိုင် အား ဝင်တိုက်မိသဖြင့် ယာဉ်မောင်းဖြစ်သူအား တရားစွဲထားကြောင်း အမှတ် (၁၁၆) ယာဉ်ထိန်း ရဲတပ်ဖွဲ့စုမှူးရုံး (ကျိုင်းတုံ) မှ သတင်းရရှိသည်။
" ကားကတော့ တော်တော် ပျက်စီးသွားပြီးတော့ လူဘာမှ မဖြစ်တာကံကောင်းတယ်။ ဆက်သွယ်ရေးနဲ့ ဆက်သွယ်ပြီး အမှုဖွင့်တဲ့ ကိစ္စပြုလုပ်ခဲ့တယ်" ဟု အဆိုပါရုံးမှ တာဝန်ကျ ရဲတပ်ဖွဲ့ဝင်တစ်ဦးက ပြောသည်။
အဆိုပါယာဉ်မှာ မေလ (၁၆) ရက်နေ့က ကျိုင်းတုံလေယာဉ်ကွင်းလမ်းမှ နောင်ခမ်းလမ်းအတိုင်း လွိုင်မွေလမ်းဘက်သို့ မောင်းနှင်လာခဲ့ရာ အမှတ် (၃) ရပ်ကွက် နောင်ခမ်းရပ်၏ လမ်းတစ်နေရာ အရောက်တွင် အရှိန်မထိန်းနိုင်ဘဲ လမ်းယာဘက်ဘေးရှိ ပလက်ဖောင်းနှင့် ဆက်သွယ်ရေး ကွန်ကရစ်တိုင်အား ဝင်တိုက်မိပြီးနောက် လူနေအိမ်အုတ်တံတိုင်းအား ဆက်လက်တိုက်မိခဲ့ခြင်းဖြစ်သည်။
ယာဉ်တိုက်မှုကြောင့် ပြည်သူပိုင်ပစ္စည်းနှင့် ကားပစ္စည်း ပျက်စီးမှု တန်ဖိုးငွေ စုစုပေါင်း ကျပ် (၂၇၈၀၀၀၀) ခန့်ရှိပြီး ယာဉ်မောင်းတွင် ယာဘက်လက်ညိုးပွန်းခြစ်ဒဏ်ရာတစ်ခုသာ ရရှိခဲ့ကြောင်း သတင်းရရှိသည်။
မော်တော်ယာဉ်အား မဆင်မခြင်မောင်းနှင်သူ အသက် (၃၀) နှစ်အရွယ် ဦးဖိုးချိုဆိုသူအား ကျိုင်းတုံမြို့မ ရဲစခန်းမှ (ပ) ၁၉ /၂၀၁၆၊ ရာဇသတ်ကြီးပုဒ်မ ၂၇၉/၃၃၇/၄၂၇ ဖြင့် အရေးယူဆောင်ရွက်ထားကြောင်း သတင်းရရှိသည်။
သတင်း။ ။ ဇင်အောင်
..............
