ကျိုင်းတုံသို့ သယ်ယူပို့ဆောင်မည့် ထိုင်းနိုင်ငံထုတ် CP အမှတ်တံဆိပ် အေးခဲကြက်သားများကို တာချီလိတ် Mobile Team မှ ဒီဇင်ဘာလ (၇)ရက်နေ့က ဖမ်းဆီးသိမ်းဆည်းရမိပြီး မီးရှို့ဖျက်ဆီးလိုက်ကြောင်း Mobile Team အဖွဲ့မှ သိရသည်။
"အေးခဲအသားတွေကို တာလေမြို့နဲ့ တိုးဂိတ်အကြားမှာ ကားတစ်စီးပေါ် တင်နေကြောင်းကို သတင်းရရှိတဲ့ အတွက် သွားရောက် စစ်ဆေးတဲ့အခါမှာ တစ်ဖက် ထိုင်းနိုင်ငံက ထုတ်တဲ့ CP အမှတ်တံဆိပ် အေးခဲကြက်သား စုစုပေါင်း (၅၂၄)ကီလိုခန့်ကို သိမ်းဆည်းရမိခဲ့တာပါ.."ဟု တာချီလိတ် Mobile Team အဖွဲ့ဝင် တစ်ဦးမှ ပြောသည်။
ဖမ်းဆီးရမိသည့် အဆိုပါ အေးခဲကြက်သားများကို အကောက်ခွန် အမှုတွဲဖွင့်လှစ်ပြီး လုပ်ထုံးလုပ်နည်းနှင့် အညီ အဖွဲ့စုံဖြင့် မီးရှို့ဖျက်ဆီးခဲ့ရာ အေးခဲကြက်သား စုစုပေါင်း (၅၂၄)ကီလို၏ တန်ဖိုးမှာ ကျပ်(၁,၅၇၂,၀၀၀)ရှိကြောင်း သိရသည်။
"မိုင်းဆတ်၊ ကျိုင်းတုံ နဲ့ တာချီလိတ်က လူတွေအားလုံးဟာ ထိုင်းဘက်က လာတဲ့ CP အေးခဲကြက်သား တစ်ခုတည်းကို အားပြုနေကြရတာ၊ ဒီလိုဖမ်းပြီး မီးရှို့တော့ ဘာထူးမှာလဲဗျာ၊ အခွန်ဆောင်ဖို့ အတွက်ကြတော့ မြန်မြန်ဆန်ဆန် မလုပ်ပေးဘူး၊ လိုင်စင် လုပ်ထားတာ (၆)လရှိပြီ၊ မကျလာသေးလို့ သွားမေးတော့လည်း နေပြည်တော်ကို တင်ထားတာ (၉၀)ရာခိုင်နှုန်းလောက်တော့ ပြီးနေပြီလို့ ပြောတယ်.."ဟု အေးခဲကြက်သား ရောင်းချသူ ကိုအောင်ညွှန့် ဆိုသည်။
"ဒဏ်ငွေဆောင် စနစ်မဟုတ်ဘဲ၊ သိမ်းဆည်းပြီး မီးရှို့ဖျက်ဆီးလိုက်တော့ အလဟဿ ဖြစ်ရောပဲ၊ ဒီလိုလုပ်တာ ဘယ်သူ့အတွက်မှ အကျိုးအမြတ် မရှိဘူး၊ စားသုံးသူအတွက် ဈေးနှုန်းမြင့်လာတာပဲ ရှိတယ်၊ ဒီမှာဆိုရင် ပိုသိသာတယ်၊ တာချီလိတ်က ဖမ်းလိုက်ပြီဆိုတာနဲ့ ဈေးက တက်ရော.."ဟု ကျိုင်းတုံ၌ အေးခဲကြက်သား ပြန်လည်ဝယ်ယူ ရောင်းချသူ ဒေါ်နန်းခမ်းတစ် က ပြောသည်။
