နိုဝင်ဘာလ (၈)ရက်နေ့တွင် ရွေးကောက်ပွဲနှင့် ပတ်သက်၍ တာဝန်ထမ်းဆောင်ရမှာဖြစ်သည့် ၀န်ထမ်းများအနေဖြင့် ကြိုတင်ဆန္ဒမဲများကို စတင်၍ ထည့်နေကြသည်ဖြစ်ရာ ယနေ့ နိုဝင်ဘာလ(၂)ရက်နေ့တွင် တာချီလိတ်မြို့ရှိ ၀န်ထမ်း(၆၅)ဦးမှ ကြိုတင်ဆန္ဒမဲကို တာချီလိတ်မြို့ ၀မ်ကောင်းရပ်ကွက်ရှိ မဲရုံ(၁)တွင် ထည့်ခဲ့ကြောင်း သိရသည်။
ထိုသို့ ကြိုတင်ဆန္ဒမဲများ ထည့်ရာတွင် တာချီလိတ်မြို့နယ်အထွေထွေအုပ်ချုပ်ရေးဦးစီးဌာနမှ ၀န်ထမ်း (၁၀)ဦး၊ မြန်မာနိုင်ငံရဲတပ်ဖွဲ့မှ (၅၀)ဦး၊ အထူးရဲ (၂)ဦး၊ ခရိုင်ရွေးကောက်ပွဲကော်မရှင်အဖွဲ့ခွဲမှ (၁)ဦး၊ ခရိုင် စာရင်းစစ်မှ (၁)ဦး နှင့် ခရိုင်ဥပဒေမှ (၁)ဦး စုစုပေါင်း (၆၅)ဦး ရှိကြောင်း သိရသည်။
တာချီလိတ်မြို့နယ်တွင် ကြိုတင်မဲထည့်ခြင်းကို အောက်တိုဘာလ (၂၉)ရက်နေ့က စတင်ခဲ့တာဖြစ်ပြီး အောက်တိုဘာ လ(၂၉)ရက်နေ့က (၁၀)ဦး နှင့် အောက်တိုဘာလ (၃၀)ရက်နေ့က (၁)ဦး စုစုပေါင်း (၁၁)ဦးရှိခဲ့ကြောင်း သိရသည်။
ဆက်လက်၍ နိုဝင်ဘာလအတွင်း၌ နိုဝင်ဘာလ(၁)ရက်နေ့က တာချီလိတ်မြို့နယ် မဲဆန္ဒနယ် အမှတ်(၂)ဖြစ်သည့် မိုင်းဖုန်း(က)ကျေးရွာအုပ်စုတွင် ၀မ်ပုံရေကြောင်းတပ်ဖွဲ့မှ အရာရှိ (၁၀)ဦး၊ အခြားအဆင့် (၁၉)ဦး စုစုပေါင်း (၂၉)ဦး ရှိပြီး အထူးရဲ (၂)ဦး၊ ၀မ်ပုံနယ်မြေရဲစခန်းမှ တပ်ဖွဲ့ဝင် အရာရှိ (၂)ဦး၊ အခြားအဆင့် (၁၄)ဦး စုစုပေါင်း (၁၆)ဦးရှိရာ ၀မ်ပုံ၌ စုစုပေါင်း (၄၇)ဦးက ကြိုတင်ဆန္ဒမဲပေးခဲ့ကြသည်ဖြစ်ရာ အောက်တိုဘာလ(၂၉)ရက်နေ့မှ ယနေ့ နိုဝင်ဘာလ(၂)ရက်နေ့အထိ ဆန္ဒမဲပေးကြသူများမှာ စုစုပေါင်း (၁၂၃)ဦးရှိပြီဖြစ်ကြောင်း သိရသည်။
