တာချီလိတ်မြို့တွင် လောင်စာဆီဈေးကွက်အတွင်း လောင်စာဆီဈေးနှုန်းများ အတက်အကျဖြစ်ပေါ်မှုသည် ထိုင်းနိုင်ငံ လောင်စာဆီဈေးကွက်ပေါ် မူတည်ကြောင်း သိရသည်။
"ထိုင်းနိုင်ငံက လောင်စာဆီဈေး အတက်အကျနဲ့ အခွန်ဆောင်ထားတဲ့ နှုန်းထားတွေပေါင်းပြီး ဆီပန့် လုပ်ငန်းရှင်များ အသင်းက အမှုဆောင်အဖွဲ့အနေနဲ့ အစည်းအဝေးထိုင်ပြီး ဈေးနှုန်းကို ချိန်ကိုက်ပြီး ကိုက်မယ့်ဈေးနှုန်းကို လုပ်ငန်းရှင်တွေအားလုံး နစ်နာမှုမရှိအောင်နဲ့ ဈေးနှုန်းကွာခြားမှု မကြီးမားသွားအောင် သတ်မှတ်ရောင်းချတာပါ.."ဟု ဆီပန့်လုပ်ငန်းရှင်များအသင်းမှ ဥက္ကဌ ဦးကြည်မြင့်က ပြောသည်။
ရှမ်းပြည်နယ်အရှေ့ပိုင်းဒေသတွင် ထိုင်းနိုင်ငံမှ လောင်စာဆီများ တင်သွင်းရခြင်းဖြစ်ကြောင်း၊ တစ်လလျှင် လီတာပေါင်း (၁)သိန်းကျော်ခန့် တင်သွင်းရကြောင်း၊ လောင်စာဆီများအား ပုဂ္ဂလိကလုပ်ငန်းရှင်များနှင့် MPPE တို့မှ တင်သွင်းခြင်းဖြစ်ကြောင်း၊ လောင်စာဆီ အရောင်းဆိုင်များမှာ တာချီလိတ်မြို့တွင် (၁၂)ဆိုင်၊ ကျိုင်းတုံတွင် (၈)ဆိုင်၊ မိုင်းပျင်းတွင် (၂)ဆိုင်ရှိပြီး ဆီဈေးအတက်အကျအား လောင်စာဆီ အရောင်းဆိုင် လုပ်ငန်းရှင်များအသင်းမှ အမှုဆောင်များသည် (၂)ပတ်တစ်ကြိမ်ခန့် အစည်းအဝေးထိုင်၍ ဈေးနှုန်းချိန်ကိုက် ပေးရကြောင်း၊ ဖေဖော်ဝါရီလအတွင်း၌ ပန့်ဖြည့်ဈေးအဖြစ် ဒီဇယ်တစ်လီတာ (၂၅)ဘတ်၊ ဓါတ်ဆီတစ်လီတာ (၂၄)ဘတ်ရှိကြောင်း နှင့် တဆင့်ပြန်လည်ရောင်းချသူများနှင့် လုပ်ငန်းသုံးရန် အများအပြား ၀ယ်ယူသူများအား ဈေးအနည်းငယ်လျှော့၍ ဆီပန့်များမှ ပြန်လည်ရောင်းချပေးကြောင်း ဆီပန့်လုပ်ငန်းရှင်များအသင်းမှ သိရသည်။
"တာချီလိတ်မှာ အရင်ကထက်စာရင်တော့ ဆီဈေးတွေကျလာပါတယ်၊ အတက်အကျ ပုံမှန်လောက်ပါဘဲ အရမ်းကြီး ဈေးတက်သွားတာတို့ ကျသွားတာတို့မရှိပါဘူး၊ ဆီ(၁)လီတာကို ဆီပန့်မှာသွားဝယ်ရတာ (၂၄)ဘတ်၊ ကျွန်တော်တို့ လမ်းဘေးဆိုင်တွေဆိုတော့ တစ်လီတာ (၂၈/၃၀)၀န်းကျင်လောက်နဲ့ ပြန်ရောင်းတာပေါ့၊ တစ်နေ့လစ်(၃၀)၀င် ပုံးတစ်ပုံး လောက်ကုန်တယ်.."ဟု ကွမ်းယာဆိုင်နှင့် လောင်စာဆီရောင်းချသူ ကိုစိုးမှပြောသည်။
ဆီဈေးတွေ ကျလာတာကောင်းပါတယ်၊ ကျွန်တော်တို့ ကယ်ရီသမားတွေအတွက် ပိုပြီး နေ့တွက်ကိုက်တာပေါ့ အရင်က ဓါတ်ဆီ ဘတ်(၅၀)ဖိုးထည့်ရင် သုံးခေါက်လောက်ဆွဲရင် ကုန်ပြီ အခု အခေါက်ရေ ပိုဆွဲလို့ရတယ်လေ၊ အများအားဖြင့် ဆီပန့်တွေမှာ သွားထည့်တယ်"ဟု ဆိုင်ကယ် Taxi ပြေးဆွဲသူ ကိုသန်းနိုင်မှ ပြောသည်။
