၂၀၁၅ခုနှစ် ဇန်န၀ါရီလ (၄)ရက်နေ့တွင် ကျရောက်မည်ဖြစ်သော (၆၇)နှစ်မြောက် လွတ်လပ်ရေးနေ့အား ကြိုဆိုဂုဏ်ပြုသော အထိမ်းအမှတ်အဖြစ် တာချီလိတ်မြို့၌ ရိုးရာအားကစားများဖြင့် မြို့မအားကစားကွင်းတွင် ဇန်န၀ါရီလ(၄)ရက် နံနက်(၇)နာရီမှစ၍ နေ့လယ်ပိုင်း အချိန်ထိ ကျင်းပပြုလုပ်မှာ ဖြစ်ကြောင်း သိရသည်။
ပြိုင်ပွဲတွင် ပြေးခုန်ပစ်ပြိုင်ပွဲများ၊ ခေါင်းအုံးရိုက်၊ လွန်ဆွဲ(ကျား/မ) (၁၀-ဦးတစ်ဖွဲ့) နှင့် ရိုးရာ အားကစားနည်းများဖြင့် ကျင်းပပြုလုပ်မှာဖြစ်ပြီး လွတ်လပ်ရေးနေ့ အကြိုအနေဖြင့်လည်း ဇန်န၀ါရီလ (၁)ရက်နေ့က စတင်၍ မြို့နယ်အားကစားရုံတွင် မြို့နယ်အုပ်ချုပ်ရေးမှူး ဖလား အလွတ်တန်း စစ်တုရင်ပြိုင်ပွဲကိုလည်း ဇန်န၀ါရီလ(၃)ရက်နေ့ထိ ကျင်းပပြုလုပ်လျက်ရှိကြောင်း သိရှိရသည်။
