ပြည်နယ်အဆင့် အားကစားသမားများ ထွက်ပေါ်လာရေးအတွက် အားကစားနှင့်ကာယပညာ ဦးစီးဌာန၊ တာချီလိတ် ကြက်တောင်ဆပ်ကော်မတီနှင့် ရိုးမရွှေတောင် ကုမ္ပဏီတို့မှ ဖိတ်ခေါ် ကြက်တောင်ပြိုင်ပွဲဖြစ်သည့် Tachileik Open 2014 ကို ၂၀၁၄ခုနှစ် မေလ(၂၀)ရက်နေ့မှ မေလ(၂၃)ရက်နေ့ထိ ညစဉ် ည(၆း၃၀)နာရီအချိန်မှ ည(၁၂)နာရီအချိန်ထိ တာချီလိတ်ခရိုင် အားကစားခန်းမတွင် ကြီးကျယ်ခန်းနားစွာ ကျင်းပလျှက်ရှိကြောင်း သိရှိရပြီး ပြိုင်ပွဲအတွက် ကုန်ကျစရိတ်မှာ ကျပ်သိန်း(၇၀)ခန့် ရှိကြောင်းလည်း သိရသည်။
ပြိုင်ပွဲသို့ တောင်ကြီး၊ ကျိုင်းတုံ၊ မိုင်းဖြတ်၊ မိုင်းဆတ်၊ တာချီလိတ်နှင့် ထိုင်းနိုင်ငံ မယ်ဆိုင်မြို့မှ အားကစားသမားများ စုစုပေါင်း (၇၀)ကျော် ပါဝင်ယှဉ်ပြိုင်လျှက်ရှိပြီး အတန်းတိုင်းအတွက် ငွေကြေး၊ တန်ဖိုးမြင့် ဆုဖလားများ ချီးမြှင့်ပေးသွားမည်ဖြစ်ပြီး ပြိုင်ပွဲအတွက် အဆင့်မြင့် ပိုက်၊ ကြက်တောင်များ အသုံးပြုသွားမည်ဖြစ်ပြီး ဆုပေးပွဲနှင့် ညစာစားပွဲကိုလည်း ခမ်းနားသိုက်မြိုက်စွာ ကျင်းပပေးမှာဖြစ်ကြောင်း သိရသည်။
ယခုကျင်းပသော ရိုးမရွှေတောင် Tachileik Open 2014 ပြိုင်ပွဲအတွက် လာရောက်ယှဉ်ပြိုင်သော နယ်ဝေး၊ နယ်နီးများမှာ အားကစားသမားများအား ခရီးစရိတ်များကိုပါ ထောက်ပံ့ပေးသွားမည်ဖြစ်ပြီး Sponsor အင်္ကျင်္ီများကိုလည်း ဂုဏ်ပြုချီးမြှင့်ပေးမည်ဖြစ်ကြောင်း သိရသည်။
အားကစားဝါသနာရှင်များအနေဖြင့် အဆိုပါ ပြိုင်ပွဲသို့ ကြည့်ရှုအားပေးလိုပါက ညစဉ် ည(၆း၃၀)နာရီမှ ည(၁၂)နာရီ အချိန်ထိ တာချီလိတ်ခရိုင် မိုးလုံလေလုံ အားကစားခန်းမတွင် အခမဲ့ကြည့်ရှု့ အားပေးနိုင်ကြောင်း သိရှိရသည်။
