ထိုင်းနိုင်ငံအတွင်း ယာယီ ပတ်စပို့ဖြင့် အလုပ် လုပ်ကိုင်နေထိုင်ကြသည့် မြန်မာနိုင်ငံသား အလုပ်သမားများ အနေဖြင့် ရက်ပေါင်း ၉၀ ပြည့်ပါက မည်သည့်နေရာတွင် မဆို သက်ဆိုင်ရာ မြို့နယ်လ၀ကရုံးများတွင် အလုပ်သမားများ ကိုယ်တိုင်သော်လည်းကောင်း၊ အလုပ်ရှင်၏ ကိုယ်စားလှယ်သော်လည်းကောင်း၊ အေးဂျင့်သော်လည်းကောင်း ပတ်စပို့များအား ယူဆောင်၍ သတင်းပို့ရသည်ဖြစ်ရာ ထိုင်းနိုင်ငံ မယ်ဆိုင်မြို့ရှိ Prove Garment ကုမ္ပဏီပိုင် အထည်ချုပ်စက်ရုံမှ အလုပ်သမားများ၏ ယာယီ ပတ်စပို့စာအုပ်များမှာ သတ်မှတ်ထားသည့် ရက်ထက် ကျော်လွန်နေသည့် အတွက် မြန်မာအလုပ်သမား ၁၈၀ကျော် အနက် ၁၂၆ ဦး၏ ယာယီ ပတ်စပို့ စာအုပ်များအား တစ်အုပ်လျှင် ဒဏ်ကြေးအဖြစ် ထိုင်းဘတ်ငွေ ၂၀၀၀ဘတ် စီ ကောက်ခံခြင်းမပြုပဲ ထိုင်းနိုင်ငံ မယ်ဆိုင်မြို့ရှိ ချင်းရိုင်းခရိုင် လ၀ကမှူးရုံးမှ လ၀ကခရိုင်မှူး ရဲမှူးကြီး စစ်စိလိကန်ကွန်း ဦးဆောင်သောအဖွဲ့သည် "ထိုင်းနိုင်ငံ မယ်ဆိုင်မြို့ရောက် မြန်မာနိုင်ငံသားများအား ကူညီစောင့်ရှောက်ရေးနှင့် စေ့စပ်ညှိနှိုင်းရေး ကော်မတီ"နှင့် ပထမဦးဆုံး လက်တွဲဆောင်ရွက်မှု သော်လည်းကောင်း၊ မြန်မာ-ထိုင်း နိုင်ငံ ချစ်ကြည်ရင်းနှီးမှုအား အလေးထားကာ အခမဲ့ သက်တမ်းတိုးပေးပြီး အောက်တိုဘာလ ၁၆ရက် နေ့လည်ပိုင်းတွင် တာချီလိတ် မကဖ(၈)သို့ ထိုင်းလ၀က တာဝန်ရှိသူများက အဆိုပါ စာအုပ်များအား လာရောက်အပ်နှံခဲ့ကြသည်။
ထိုသို့ ထိုင်းဘက်မှ ကူညီဆောင်ရွက်ပေးနိုင်ရန်အတွက် "ထိုင်းနိုင်ငံ မယ်ဆိုင်မြို့ရောက် မြန်မာနိုင်ငံသားများအား ကူညီစောင့်ရှောက်ရေးနှင့် စေ့စပ်ညှိနှိုင်းရေး ကော်မတီ"မှ အောက်တိုဘာလ ၁၄ ရက်နေ့ နံနက်ပိုင်းက ထိုင်းလ၀ကရုံးသို့ သွားရောက်ကာ ယာယီပတ်စပို့စာအုပ်များအား ပို့ဆောင်ရင်း ဆွေးနွေးခဲ့ကြပြီးနောက် အောက်တိုဘာလ ၁၆ နေ့မှာ သက်တမ်းတိုးပြီးသော ယာယီနိုင်ငံကူးစာအုပ် ၁၂၆ အုပ်အား ပြန်လည်ရရှိခြင်းဖြစ်သည်။
အဆိုပါစာအုပ်များအား နေ့လည် ၂နာရီချိန်တွင် ထိုင်းနိုင်ငံဘက်မှ လ၀က ဦးစီးမှူး စုမ်းဆတ်ပါကိရင် မှ မကဖ(၈) သို့ လာရောက် အပ်နှံခဲ့ကြသည်။ ဆက်လက်၍ အဆိုပါ စာအုပ်များအား မယ်ဆိုင်မြို့ရှိ မြန်မာအလုပ်သမားများ နေထိုင်သော အိမ်ယာသို့ အောက်တိုဘာလ ၁၈ ရက်နေ့တွင် ကော်မတီမှ တာဝန်ရှိသူများက သွားရောက် ပေးအပ်မှာဖြစ်ကြောင်း သိရှိရသည်။
Tachileik Online News
web: www.tachileik.net
Facebook: www.fb.com/TachileikNews
Youtube: www.youtube.com/
Email: [email protected]
▬▬▬▬▬▬▬▬▬▬▬▬▬▬▬▬▬▬
