ပြည်ထောင်စုသမ္မတမြန်မာနိုင်ငံတော်၊ ရှမ်းပြည်နယ်အစိုးရအဖွဲ့တွင် လစ်လပ်နေသော စည်ပင်သာယာရေးဝန်ကြီးနေရာအား နိုင်ငံတော်သမ္မတမှ မိုင်းပြင်းမြို့နယ် မဲဆန္ဒနယ် အမှတ်(၂)မှ ပြည်နယ်လွှတ်တော် ကိုယ်စားလှယ် ဦးစိုင်းလှဝင်းအား ရှမ်းပြည်နယ် စည်ပင်သာယာရေးဝန်ကြီးအဖြစ် စက်တင်ဘာလ ၁၆ရက် က ခန့်အပ်တာဝန်ပေးလိုက်ကြောင်း သိရသည်။
ပြည်ထောင်စုသမ္မတမြန်မာနိုင်ငံတော်၊ နိုင်ငံတော်သမ္မတရုံး Website တွင် အမိန့်အမှတ်၊ ၄၂ / ၂၀၁၃ ဖြင့် "ပြည်ထောင်စုသမ္မတမြန်မာနိုင်ငံတော်၊ ဖွဲ့စည်းပုံအခြေခံဥပဒေပုဒ်မ ၂၆၂၊ ပုဒ်မခွဲ(င)နှင့် ပုဒ်မခွဲ(စ)၊ ပုဒ်မ ၂၆၄၊ ပုဒ်မခွဲ(ဂ)၊ ပြည်ထောင်စုအစိုးရအဖွဲ့ ဥပဒေပုဒ်မ ၁၉၊ ပုဒ်မခွဲ(ဂ)၊ ပုဒ်မ ၈၂၊ ပုဒ်မခွဲ(ဂ)နှင့် တိုင်းဒေသကြီး သို့မဟုတ် ပြည်နယ်အစိုးရအဖွဲ့ ဥပဒေပုဒ်မ ၈၊ ပုဒ်မခွဲ(ဆ)၊ ပုဒ်မ ၅၆၊ ပုဒ်မခွဲ(က)တို့ပါ ပြဋ္ဌာန်းချက်များအရ မိုင်းပြင်းမြို့နယ် မဲဆန္ဒနယ် အမှတ်(၂)မှ ပြည်နယ်လွှတ်တော် ကိုယ်စားလှယ် ဦးစိုင်းလှဝင်းအား ရှမ်းပြည်နယ် စည်ပင်သာယာရေးဝန်ကြီးဌာန ဝန်ကြီးအဖြစ် ခန့်အပ် တာဝန် ပေးလိုက်သည်။"ဟု ဖော်ပြထားသည်။
ယခင်က ရှမ်းပြည်နယ် အစိုးရအဖွဲ့ ပြည်နယ်စည်ပင်သာယာရေးဝန်ကြီး အဖြစ် တာဝန်ထမ်းဆောင်ခဲ့သော ဦးတူးမောင် သည် ၂၀၁၃ခုနှစ် မေလ ၆ ရက်နေ့က ကွယ်လွန်သွားသည်ဖြစ်သည့် အတွက် ၎င်းနေရာတွင် လစ်လပ်နေခဲ့ရာ ၅လ အကြာ၌ ပြည်နယ်စည်ပင်သာယာရေးဝန်ကြီး အဖြစ် အသစ်ပြန်လည်၍ ၂၀၁၃ခုနှစ် စက်တင်ဘာလ ၁၆ရက်က ရွေးချယ်ခဲ့ကြခြင်း ဖြစ်ကြောင်း သိရှိရသည်။
Tachileik Online News
web: www.tachileik.net
Facebook: www.fb.com/TachileikNews
Youtube: www.youtube.com/
Email: [email protected]
▬▬▬▬▬▬▬▬▬▬▬▬▬▬▬▬▬▬
