၂၀၁၃ခုနှစ် သြဂုတ်လ ၂၆ ရက်နေ့က ဖွဲ့စည်းခဲ့ပြီးသော"ထိုင်းနိုင်ငံ မယ်ဆိုင်မြို့ရောက် မြန်မာနိုင်ငံသားများအား ကူညီစောင့်ရှောက်ရေး ကော်မတီ"အနေဖြင့် ထိုင်းနိုင်ငံ မယ်ဆိုင်မြို့အတွင်း အခက်အခဲနှင့်ကြုံတွေ့နေသူ မြန်မာနိုင်ငံသားများအား အဆိုပါနေ့မှ စ၍ ကူညီမှုများပေးနေလျှက်ရှိရာ ယခုအခါမှာ မယ်ဆိုင်မြို့ နမ်းကျန်းရပ်ကွက်ရှိ အထည်ချုပ်စက်ရုံတွင် လုပ်အားခ ပုံမှန်မရသည့်အပြင် အလုပ်သမားအခွင့်အရေးနှင့် ဆုံးရှုံးနေသော မြန်မာအလုပ်သမား ၁၈၀ ကျော်အား ကူညီနိုင်ရန်အတွက် စက်တင်ဘာလ ၁၂ ရက်နေ့ ညနေ ၄နာရီအချိန်က တာချီလိတ်မြို့နယ် ထွေ/အုပ်ရုံး အစည်းအဝေးခန်းမတွင် ကော်မတီဝင်များနှင့် လွှတ်တော်ကိုယ်စားလှယ်များ၊ ရပ်မိရပ်ဖများ၊ ကျေးရွာအုပ်ချုပ်ရေးမှူးများအပါအ၀င် တွေ့ဆုံကာ အစည်းအဝေးပြုလုပ်ခဲ့ကြကြောင်း သိရသည်။

အစည်းအဝေးတွင် ပြီးခဲ့သောရက်က မြန်မာ - ထိုင်း နှစ်နိုင်ငံ အလွတ်သဘောအရ ဆွေးနွေးခဲ့သော အကြောင်းအရာများထဲမှ အချက်အလက်များကို တာချီလိတ်ခရိုင်လ၀ကမှူး ဦးကျော်စွာလွင် က ထိုင်းတာဝန်ရှိသူများမှ ထိုင်းရဲများအနေဖြင့် လမ်းကြိုလမ်းကြားများ၌ ရုတ်တရက် စစ်ဆေးသည့် ကိစ္စမှာ ထိုင်းနိုင်ငံ ဥပဒေတစ်ခုဖြစ်ကြောင်း နှင့် မြန်မာနှင့် ထိစပ်နေလျှက်ရှိသည့် မြို့လေးမြို့အား မူးယစ်ဆေးဝါး သံသယနယ်မြေအဖြစ် သတ်မှတ်ထားသည့်အတွက် ယခုလို စစ်ဆေးရတာဖြစ်ကြောင်း ပြောလာသည်ကို ပြန်လည်၍ ရှင်းပြသည်။

ယင်းနောက် မယ်ဆိုင်မြို့ရှိ အထည်ချုပ်စက်ရုံမှ မြန်မာအလုပ်သမား ၁၈၀ ကျော်ကိုယ်စား အလုပ်သမား ၄ ဦးမှ တက်ရောက်လာပြီး ၎င်းတို့အနေဖြင့် တွေ့ကြုံခံစားနေရသော အခက်အခဲများအား ပြောကြားတင်ပြသွားသည်။

ထိုင်းနိုင်ငံ မယ်ဆိုင်မြို့အတွင်းသို့ သွားလာရာတွင် ဖြစ်ပေါ်တတ်သော အခက်အခဲများအား အခမ်းအနားသို့ တက်ရောက်လာသူများမှ အပြန်အလှန် ဆွေးနွေးတင်ပြခဲ့ကြပြီးနောက် လက်ရှိအခြေအနေတွင် ၇ ရက် သို့မဟုတ် ၁၀ရက်ခန့် အထည်ချုပ်စက်ရုံ ပိတ်ထားမည်ဖြစ်သည့်အတွက် အခက်အခဲ ဖြစ်ပေါ်နေသော မြန်မာအလုပ်သမား ၁၈၀ ကျော်အတွက်  စားစရာများ ထောက်ပံ့နိုင်ရေးကို ဆွေးနွေးကြရာ စေတနာရှင်များက အောက်ပါစာရင်းအရ လှူဒါန်းသွားကြကြောင်း သိရသည်။

ကျပ်ငွေဖြင့်

• ၁) ဦးဝီလ်ဆင်မိုး ( အမျိုးသားလွှတ်တော်ကိုယ်စားလှယ် ) - ကျပ် ၅ သိန်း
• ၂) ဒေါ်တင်မေထွန်း ( ပြည်နယ်လွှတ်တော်ကိုယ်စားလှယ် ) - ကျပ် ၁ သိန်း
• ၃) ဦးကျော်စွာလွင် ( ခရိုင်လ၀ကမှူး ) - ကျပ် ၁ သိန်း
• ၄) ဦးရဲထူး( မြို့နယ်အုပ်ချုပ်ရေးမှူး ) - ကျပ် ၁ သိန်း
• ၅) ဦးကျော်နိုင် ( အကောက်ခွန်ဦးစီးမှူး ) - ကျပ် ၁ သိန်း
• ၆) ဦးကြည်မြင့် + ဒေါ်နန်းခမ်း ( တော်ဝင်မြန်မာမိသားစု ) - ကျပ် ၁ သိန်း

ဘတ်ငွေဖြင့်

• ၇ ) ဦးထွန်းနေဦး+ဒေါ်ခင်ချိုချို (ဟိန်းထက်အောင် ဆောက်လုပ်ရေးမိသားစု) - ၃၀၀၀၀ ဘတ်
• ၈ ) ဦးတင့်ဆွေ ( မဇ္ဈိမလူမှုကူညီရေးအသင်း ) - ၅၀၀၀ ဘတ်
• ၉ ) ကိုသောင်းထိုက် ဆန်ဆိုင်း(က) - ၅၀၀၀ ဘတ်
• ၁၀) ကိုမင်းထိုက် + မနန်းခမ်းမွန် ( မင်းထိုက် အီလက်ထရောနစ် ) - ၅၀၀ ဘတ်
• ၁၁) ရပ်ကွက်/ကျေးရွာ အုပ်ချုပ်ရေးမှူး ၁၁ ဦး - ၆၀၀၀ ဘတ်

ဆန်/ဆီ/ခေါက်ဆွဲခြောက်

• ၁၂ ) ဒေါ်စိုးဥမ္မာ ( တာချီလိတ်မြို့နယ် အမျိုးသားဒီမိုကရေစီအဖွဲ့ချုပ် ) - ဆန် ၃ အိတ် 
• ၁၃ ) ဦးစည်သူမောင် + ဒေါ်နန်းကြာဖြူ မိသာစု  - ဆန် ၂ အိတ်
• ၁၄ ) ကိုထွန်း မိသားစု (မယ်ဆိုင်) - ဆန် ၂ အိတ်
• ၁၅ ) ဦးအောင်ဖြိုးရှိန် + ဒေါ်နန်းနွတ်နွတ် မိသားစု ( သူရိယသင်္ကန်းတိုက် ) - ဆီ ၂ ပုံး
• ၁၆ ) ဦးစိုးထွန်းနိုင်+ဒေါ်မေငြိမ်းငြိမ်း၊ ကောင်းဆက်လင်း ဗီဒီယိုမိသားစု - ဆီ ၁ ပုံး
• ၁၇ ) တာချီလိတ်အွန်လိုင်းသတင်းဌာန - ခေါက်ဆွဲခြောက် - ၁၀ ဖာ

စုစုပေါင်းအနေဖြင့် ကျပ်ငွေ ၁၀ သိန်း၊ ဘတ်ငွေ ၄၆၅၀၀ ဘတ်၊ ဆန် ၇ အိတ်၊ ဆီ ၃ ပုံး နှင့် ခေါက်ဆွဲခြောက် ၁၀ ဖာ ရရှိသည်။

ကော်မတီအနေဖြင့် ယခုကောက်ခံ ရရှိသော အလှူငွေများအား ယခုဖြစ်ပေါ်နေသော ကိစ္စ တစ်ခုတည်းမှာပင် အကုန်သုံးစွဲမှာမဟုတ်ပဲ နောက်ဖြစ်ပေါ်လာမည့် ကိစ္စရပ်များတွင်လည်း အသုံးပြုနိုင်ရန်အတွက် စနစ်တကျ အသုံးပြုသွားမည်ဖြစ်ကြောင်းလည်း သိရှိရသည်။

ပုံများကိုကြည့်ရန်
မြန်မာအလုပ်သမား ၁၈၀ကျော်အားတာချီလိတ်ဘက်မှ စားစရာများ ထောက်ပံ့မည်