တာချီလိတ်မြို့နယ်၊ ပုန်းထွန်ရပ်ကွက်၊ ၀မ်မိုင်ကျေးရွာရှိ နေအိမ်တစ်အိမ်တွင် အသက် ၁၂နှစ်ဝန်းကျင်ရှိ ၅တန်း ကျောင်းသားလေးတစ်ဦးသည် နေအိမ်ထဲရှိ သရက်ပင်၌ ကြိုးဆွဲချသဏ္ဍာန်ဖြင့် စက်တင်ဘာလ ၁၆ရက်နေ့ ညနေ ၃နာရီအချိန်ခန့်က သေဆုံးနေကြောင်း သိရသည်။
ဖြစ်စဉ်မှာ အသက် ၁၂နှစ် ၀န်းကျင်ရှိ ၅တန်းကျောင်းသားလေး မောင်ကောင်းမြင့်မြတ်သည် နေအိမ်ရှေ့ရှိ သရက်ပင်တွင် ကြိုးခုန်သည့် ပလပ်စတစ်ကြိုးအားချည်ပြီး ကျန်အစတစ်ဖက်အား လည်ပင်းတွင် ချည်လျှက် မြေပြင်တွင် ဒူးထောက်အနေအထားဖြင့် ပြင်ပဒဏ်ရာ တစ်စုံတစ်ရာရရှိခြင်းမရှိဘဲ သေဆုံးနေသည်ကို တွေ့ရှိရသဖြင့် ပတ်ဝန်းကျင်အား စစ်ဆေးမေးမြန်းရာ သေဆုံးသူသည် ကြိုးခုန်နေသည့် ကြိုးဖြင့် သစ်ပင်ပေါ်တက်ဆော့ ကစားရာမှ ကြိုးဖြင့်ငြိပြီးပြုတ်ကျကာ လည်ပင်းအစ်၍ သေဆုံးကြောင်း တာချီလိတ်မြို့ရဲတပ်ဖွဲ့မှ တာဝန်ရှိသူ၏ စစ်ဆေးမေးမြန်းချက်အရ သိရသည်။
{ ပြုတ်ကျသေဆုံးမှုဖြစ်ပွားခဲ့သော သရက်ပင်}
"ကလေးက အခုလို မဖြစ်ခင် နေ့လည်ပိုင်းအချိန်တုန်းကပေါ့၊ အခုလိုပဲ ကြိုးပေါ်ကို လည်ပင်းတင်ပြီး ရီးလေးခိုဆော့နေတာတွေ့လို့ ဟဲ့ ကောင်လေး အဲ့လို မဆော့ကောင်းဘူး သေတတ်တယ်လို့ သတိပေးလိုက်ရသေးတယ်၊ အဲ့လို သတိပေးပြီးမကြာဘူး ညနေရောက်တော့ အခုလိုဖြစ်သွားတာ တကယ်ကို စိတ်မကောင်းဖြစ်မိပါတယ်ရှင်"ဟု ၀မ်မိုင်ကျေးရွာတွင်းရှိ အမျိုးသမီးတစ်ဦးမှ တာချီလိတ်အွန်လိုင်းသို့ ပြောပြသည်။
"အခုလို ဖြစ်သွားတာ တကယ်ကို မထင်မှတ်စရာပါ၊ နောက်ဆိုရင် ကလေးတွေ ဆော့မယ်ဆိုရင် သတိထား စောင့်ကြည့်ရတော့မဲ့ အဖြစ်မျိုးပဲ၊ ကလေးက ကျောင်းမှာ အဆင့် ၁၀ အတွင်း ရအောင် ကြိုးစားမယ်လို့ ခဏခဏ ပြောနေတာ၊ တကယ်ကို စိတ်မကောင်းဘူး.."ဟု အနီးအနားရှိ လူလတ်ပိုင်း အမျိုးသမီးတစ်ဦးမှ ပြောကြားလာသည်။
သစ်ပင်ပေါ်တက်ဆော့ရင်း ကြိုးဖြင့်ငြိပြီးပြုတ်ကျကာ လည်ပင်းအစ်၍ သေဆုံးသွားသော အသက် ၁၂နှစ်ဝန်းကျင်ရှိ မောင်ကောင်းမြင့်မြတ်သည် အ.ထ.က(တာချီလိတ်)၊ ပဉ္စမတန်း(ဇ)တွင် ပညာသင်ကြားနေသော ကျောင်းသားလေးဖြစ်ကြောင်း သိရှိရသည်။
▬▬▬▬▬▬▬▬▬▬▬▬▬▬▬▬▬▬
Tachileik Online News
web: www.tachileik.net
Facebook: www.fb.com/TachileikNews
Youtube: www.youtube.com/
Email: [email protected]
▬▬▬▬▬▬▬▬▬▬▬▬▬▬▬▬▬▬
Tachileik Online News
web: www.tachileik.net
Facebook: www.fb.com/TachileikNews
Youtube: www.youtube.com/
Email: [email protected]
▬▬▬▬▬▬▬▬▬▬▬▬▬▬▬▬▬▬
