ဇွန်လ(၁၉)ရက်နေ့သည် အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်၏ (၆၈)နှစ်မြောက် မွေးနေ့ဖြစ်ရာ တာချီလိတ်ခရိုင်/မြို့နယ် အမျိုးသားဒီမိုကရေစီအဖွဲ့ချုပ်မှ ဒေါ်အောင်ဆန်းစုကြည်၏ (၆၈)နှစ်မြောက် မွေးနေ့အား ဂုဏ်ပြုသည့်အနေဖြင့် ၂၀၁၂-၂၀၁၃ ပညာသင်နှစ်တွင် တက္ကသိုလ်ဝင်တန်းကို ထူးချွန်စွာအောင်မြင်ခဲ့ကြသည့် တာချီလိတ်မြို့နယ်အတွင်းမှ ကျောင်းသား ကျောင်းသူ(၉၂)ဦးတို့အား ဂုဏ်ပြုချီးမြှင့်ပွဲ အခမ်းအနားကို တာချီလိတ်မြို့နယ် အမျိုးသားဒီမိုကရေစီအဖွဲ့ချုပ်ရုံးမှာ ယနေ့ နံနက်(၈)နာရီက ပြုလုပ်ကျင်းပခဲ့ကြသည်။

၂၀၁၂-၂၀၁၃  ပညာသင်နှစ်တွင် တက္ကသိုလ်ဝင်တန်းကို ထူးချွန်စွာအောင်မြင်ခဲ့ကြသည့် ကျောင်းသား/သူများမှာ အ.ထ.က(တာချီလိတ်)မှ (၂၀)ဦး၊
အ.ထ.က(ဆန်ဆိုင်း)မှ (၇)ဦး၊ အ.ထ.က(ဟောင်လိတ်)မှ (၃)ဦး၊ အ.ထ.က(မိုင်းကိုး)မှ (၇)ဦး၊ အ.ထ.က(တာလေ)မှ (၁၀)ဦးနှင့် အပြင်ဖြေ ဘော်ဒါဆောင်များအနေဖြင့် မီးအိမ်သစ်၊ ပျိုးခင်း၊ ပန်းတိုင်၊ ရွှေမဟာကိုယ်ပိုင်အထက်တန်းကျောင်း နှင့် ပညာရောင်ခြည်တို့မှ (၄၅)ဦး စုစုပေါင်း ကျောင်းသား/သူ (၉၂)ဦးတို့အား ဂုဏ်ပြုဆုများချီးမြှင့်ကြရာ ဂုဏ်ပြုမှတ်တမ်းလွှာအပါအ၀င် (၅)ဘာသာ ဂုဏ်ထူးရှင်အား ကျပ်(၁)သိန်း၊ (၃)ဘာသာ ဂုဏ်ထူးရှင်အား ကျပ်(၄)သောင်း၊ (၁)ဘာသာ ဂုဏ်ထူးရှင်အား ကျပ်(၂)သောင်း အသီးသီး ချီးမြှင့်ကြပြီး ကျန်ကျောင်းသား/သူများကို ဂုဏ်ပြုလွှာနှင့် လက်ဆောင်ပစ္စည်းများ အသီးသီးပေးအပ် ချီးမြှင့်ခဲ့ကြသည်။

ထိုသို့ ဆုများပေးအပ်ချီးမြှင့်ရာမှာ တာချီလိတ်မြို့နယ် ကော်မရှင် ဥက္ကဌ ဦးစိုင်းမုတ်နွန်း နှင့် အမျိုးသားဒီမိုကရေစီအဖွဲ့ချုပ်မှ ပြည်နယ်တွဲဘက် အတွင်းရေးမှူး ဦးတင်မြင့်ဝင်း၊ ပြည်နယ်အဖွဲ့ဝင် ဦးစိုင်းဆိုင်တွီ၊ ခရိုင် ဥက္ကဌ ( ဗဟိုကော်မတီဝင် )ဦးစိုင်းစွံဆိုင်း၊ မြို့နယ် ဥက္ကဌ ဦးဌေးဝင်း၊ မြို့နယ် ဒု-ဥက္ကဌ ဦးစိုင်းလုံစံခတ်၊ မြို့နယ်အတွင်းရေးမှူး ဦးခင်မောင်တင့်၊ မြို့နယ်တွဲဘက် အတွင်းရေးမှူး ဦးဝင်းစွမ်  မြို့နယ် ဘဏ္ဍာရေးမှူး ဦးစိုင်းခမ်းလျှန်၊ ရန်ကုန်တိုင်းဒေသကြီး ဒု-ဥက္ကဌ (ပညာရေးကွန်ယက်အဖွဲ့ဝင်၊ ဗဟိုသတင်းနှင့်ပြန်ကြားရေးအဖွဲ့ဝင်၊ ရွှေမဟာကိုယ်ပိုင်အထက်တန်းကျောင်း သင်ကြားရေး ဌာနမှူး ) Dr.Bio (ခ) ဒေါက်တာ စိုးဝင်းဦး၊ ပုန်းထွန်ကျောင်းအုပ်ဟောင်း ဦးမောင်ငယ်၊ ဦးထွန်းနေဦး(ဟိုတယ်တာချီလိတ်)၊ ဦးမြင့်ဦး(မြင့်ဦးအောင် သတ္တုတူးဖော်ရေး)၊ တို့မှ ဆုများအသီးသီးပေးအပ်ခဲ့ကြသည်။

ထူးချွန်ကျောင်းသား ကျောင်းသူများကို ဆုများချီးမြှင့်ပြီးနောက် ၎င်းတို့ပါတီအား အဖက်ဖက်မှ စွမ်းစွမ်းတမံ တက်ကြွစွာ ပါဝင်ပံ့ပိုးကူညီပေးခဲ့သူများအဖြစ် ဂုဏ်ပြုမှတ်တမ်းလွှာများကို ချီးမြှင့်ရာ ခရိုင်ဥက္ကဌ ဦးစိုင်းစွံဆိုင်းမှ လူမှုရေးအသင်းအဖွဲ့များ၊ သတင်းမီဒီယာများ နှင့် စီးပွားရေးလုပ်ငန်းရှင်များအား ပေးအပ်ခဲ့သည်။

မိုင်းဖြတ်မြို့တွင် ချို့တဲ့စွာပညာသင်ကြားရပြီး (၅)ဘာသာဂုဏ်ထူးရ ထူးချွန်ကျောင်းသားကိုလည်း တာချီလိတ်ခရိုင်/မြို့နယ် NLD အနေဖြင့် သွားရောက်ကာ ယခုကဲ့သို့ ဂုဏ်ပြုဆုချီးမြှင့်ရန် အစီအစဉ်ရှိကြောင်း သိရှိရသည်။

ပုံများကိုကြည့်ရန်
အမေစု၏မွေးနေ့မှာ တာချီလိတ်NLDမှ ထူးချွန်ကျောင်းသားများအားဂုဏ်ပြု