တာချီလိတ်မြို့ရှိ အမျိုးသားဒီမိုကရေစီအဖွဲ့ချုပ်မှ ရပ်/ကျေး ညီလာခံ နှင့် အလုပ်အမှုဆောင် ရွေးချယ်ခြင်း အခမ်းအနားကို ဗဟို၏ ညွှန်ကြားချက်ဖြင့် နိုဝင်ဘာလမကုန်မီ (၃၀)ရက်နေ့ နောက်ဆုံးထား၍ ကျင်းပနေကြောင်း သိရှိရပါတယ်။

နိုဝင်ဘာ(၂၀)ရက်နေ့က ဆန်ဆိုင်းရပ်ကွက်ရှိ  NLDပါတီ၏ ရပ်/ကျေးရုံး၌ ရပ်/ကျေး ညီလာခံ နှင့် အလုပ်အမှုဆောင်ရွေးချယ်ခြင်း အခမ်းအနားကို ကျင်းပခဲ့ရာ အလုပ်အမှုဆောင်များအဖြစ် ပါဝင်ရွေးချယ်ခံသူ(၁၄)ဦးမှ (၁၁)ဦးကို ရွေးချယ်ခဲ့ကြပါတယ်။

ရွေးချယ်ခံ(၁၁)ဦးအနက် ဥက္ကဌအဖြစ် ဦးဌေးဝင်း၊ ဒု-ဥက္ကဌအဖြစ် ဦးဝင်းမောင်၊ အတွင်းရေးမှူးအဖြစ် ဦးစိုင်းခမ်းလျှဲန် နှင့် ဘဏ္ဍာရေးမှူးအဖြစ် ဒေါ်မြင့်စိန်တို့ က တာဝန်ယူဆောင်ရွက်လျှက်ရှိကြောင်း သိရှိရပါတယ်။

နိုဝင်ဘာ(၂၁)ရက်နေ့မှာလည်း အထက်ပါနည်းအတိုင်း ရပ်/ကျေး ညီလာခံ နှင့် အလုပ်အမှုဆောင် ရွေးချယ်ခြင်း အခမ်းအနားကို NLDပါတီ၏ တာလော့ ရပ်/ကျေးရုံးမှာ ပြုလုပ်ခဲ့ကြပါတယ်။ တာလော့ရပ်ကွက်တွင် NLDပါတီဝင် ဦးရေမှာ(၁၁)ဦးသာရှိသေးတာကြောင့်  အလုပ်အမှုဆောင်များ အဖြစ် ပါဝင်ရွေးချယ်ရာ (၄)ဦးမှာ ခရီးလွန်နေတဲ့အတွက် ကျန်(၇)ဦးဖြင့်သာ ရွေးချယ်ခဲ့ကြပါတယ်။

ရွေးချယ်ခံရသူ(၇)ဦးအနက် ဥက္ကဌအဖြစ် ဦးရဲနီထွန်း၊ ဒု-ဥက္ကဌအဖြစ် ဦးစိုင်းဆိုင်တွီ၊ အတွင်းရေးမှူးအဖြစ် ဦးမြတ်အေး နှင့် ဘဏ္ဍာရေးမှူးအဖြစ် ဦးသန်းထွန်းတို့ က တာဝန်ယူ ဆောင်ရွက်လျှက်ရှိကြောင်း သိရှိရပါတယ်။

ဆက်လက်ပြီး နိုဝင်ဘာ(၂၂)ရက်နေ့မှာလည်း ဟောင်လိတ်ကျေးရွာအုပ်စုရှိ NLD ရပ်/ကျေးရုံးမှာ ရပ်/ကျေး ညီလာခံ နှင့် အလုပ်အမှုဆောင်ရွေးချယ်ခြင်း အခမ်းအနားကို  ပြုလုပ်ခဲ့ကြရာ ရွေးချယ်ခံ(၁၆)ဦးအနက် (၁၁)ဦးကို ရွေးချယ်ခဲ့ကြပါတယ်။

ရွေးချယ်ခံ(၁၁)ဦးအနက် ဥက္ကဌအဖြစ် ဦးဝင်းစွမ်၊ ဒု-ဥက္ကဌအဖြစ် ဦးကျော်လွင်ဦး(ခ)ဦးမောင်၊ အတွင်းရေးမှူးအဖြစ် ဦးခင်မောင်တင့်၊ ဘဏ္ဍာရေးမှုးအဖြစ် ဦးအားရယ်တို့ဖြစ်ကြောင်းသိရှိရပါတယ်။

အလုပ်အမှုဆောင်များအဖြစ် ရွေးချယ်ရာမှာ ဒီမိုကရေစီနည်းကျ မဲပေးစနစ်ဖြင့် အဖွဲ့ချုပ်အဖွဲ့ဝင်များမှ မဲပေးကြပြီး အများရှေ့တွင်  မဲများကို ရေတွက်ဖတ်ကြားကာ မဲအများဆုံး အလုပ်အမှုဆောင်/အဖွဲ့ဝင်များ အဖြစ် သတ်မှတ်ခဲ့ကြတာတွေ့ရှိရပါတယ်။

ဆက်လက်၍ နိုဝင်ဘာလ မကုန်မီ  ရပ်/ကျေး ညီလာခံ နှင့် အလုပ်အမှုဆောင် ရွေးချယ်ခြင်း အခမ်းအနားကို ကျန် ရပ်/ကျေးရုံးများတွင်လည်း ကျင်းပသွားမည်ဖြစ်ကြောင်း သိရပါတယ်။

သတင်းဓါတ်ပုံများကို ကြည့်ရန်