တာချီလိတ်မြို့ရဲ့ မြန်မာ့ရိုးရာ အတာသင်္ကြန် ဗဟိုမဏ္ဍပ်ဖွင့်ပွဲ အခမ်းအနားကို ယနေ့ ညနေ(၄)နာရီက တာချီလိတ်မြို့နယ် ရှမ်းရိုးမကွင်းထဲမှာ ပြုလုပ်ခဲ့ကြတာဖြစ်ပါတယ်။

 

ဖွင့်ပွဲမှာ ခရိုင်အုပ်ချုပ်ရေးမှူး ဦးသောင်းတင်ထွေးက အဖွင့်အမှာ စကားပြောကြားပြီး ခရိုင်ရဲတပ်ဖွဲ့မှူး ဒု-ရဲမှူးကြီး နေမျိုးထွဋ်၊ မြို့နယ်အုပ်ချုပ်ရေးမှူး ဦးရဲထူး နှင့် မြို့မိမြို့ဖတစ်ဦးဖြစ်သူ ဦးကြည်မြင့် တို့က ဖဲကြိုးဖြတ် ဖွင့်လှစ်ပေးခဲ့ကြတာ ဖြစ်ကြောင်း သိရပါတယ်။

ယခုနှစ်အတွက် တာချီလိတ်မြို့မှာ ပြိုင်ပွဲဝင် ယိမ်းအဖွဲ့များအနေနဲ့ (၁၄)ဖွဲ့ရှိပြီး မဏ္ဍပ်အနေဖြင့် ဗဟိုမဏ္ဍပ်အပါအ၀င် (၁၀)ခုရှိကြောင်း သိရပါတယ်။ ပြိုင်ပွဲဝင် ယိမ်းအဖွဲ့များအတွက် ဆုပေးပွဲနှင့် ပွဲတော်ပိတ်ပွဲကို သင်္ကြန်အတက်နေ့ဖြစ်တဲ့ ဧပြီလ(၁၆)ရက်နေ့ ညနေ(၆)နာရီမှာ ပြုလုပ်မှာ ဖြစ်ကြောင်း ကြိုတင်သိရှိရပါတယ်။

ပုံများကိုကြည့်ရန်