မြန်မာကျပ်ငွေ (၁၅၀၀)ကျပ်တန် CDMA -800 MHz တန်ဖိုးနည်း မိုဘိုင်းဖုန်းများရောင်းချပေးခြင်းကို ပထမလအဖြစ် ရှမ်းပြည်နယ်(အရှေ့ပိုင်း)ရှိ မြို့များအနက် ကျိုင်းတုံ၊ မိုင်းဖြတ်၊ တာချီလိတ်၊ မိုင်းတုံမြို့များတွင် ပြည်သူများအား မဲစနစ်ဖြင့် ရောင်းချပေးမည်ဖြစ်ကြောင်း သတင်းရရှိသည်။

ပထမလအတွက် မဲစနစ်ဖြင့် ရောင်းချပေးရာ
 လျှောက်လွှာများကို (၂၀.၄.၂၀၁၃)ရက်နေ့မှ (၂၂.၄.၂၀၁၃)ရက်နေ့ထိ မြို့နယ်အထွေထွေအုပ်ချုပ်ရေးဦးစီးဌာနရုံးမှာ လာရောက်လျှောက်ထားရမှာဖြစ်ပြီး အောင်မြတ်ခန်းမမှာ  (၂၃.၄.၂၀၁၃)ရက်နေ့ နံနက်(၁၀)နာရီတိတိ၌ မဲနှိုက်ရမှာဖြစ်ကြောင်းသိရသည်။ မဲပေါက်သူများအတွက် ကဒ်ထုတ်ပေးမည့်နေ့ရက် နှင့်  ငွေသွင်းရက်ကို (၂၄.၄.၂၀၁၃)ရက်နေ့ သတ်မှတ်ထားပြီး ပထမအသုတ်၏ Sim Card အရေအတွက်မှာ (၇၀၀)ခုဖြစ်သည်။ ပထမအသုတ်ပြီးသည့်နောက်ပိုင်းတွင်လည်း ယခုလို လစဉ် မဲစနစ်ဖြင့် ရောင်းချပေးသွားမှာ ဖြစ်ကြောင်းလည်း သိရသည်။

ရှမ်းပြည်နယ်တစ်ဝှမ်းလုံးအနေဖြင့် ပထမလတွင် ရှမ်းပြည်နယ် တောင်ပိုင်းရှိ မြို့များဖြစ်သော တောင်ကြီး၊ ကလော၊ ဗထူး၊ ခိုလမ်၊ အောင်ပန်း၊ ဆီဆိုင်၊ ဟိုပုန်း၊ မိုင်းပန် နှင့် လင်းခေးမြို့များဖြစ်ပြီး ရှမ်းပြည်နယ် မြောက်ပိုင်းရှိ မြို့များအနက် လားရှိုး၊ မူဆယ်၊ ကျောက်မဲ၊ လောက်ကိုင် နှင့် နောင်ချိုမြို့၊ ရှမ်းပြည်နယ် အရှေ့ပိုင်းတွင် မိုင်းဖြတ်၊ တာချီလိတ်၊ မိုင်းတုံ နှင့် ကျိုင်းတုံမြို့များတွင် ပြည်သူများအား မျှတမှုရှိစေရန်အတွက် မဲနစ်ဖြင့် ရောင်းချပေးသွားမှာဖြစ်ကြောင်း သိရသည်။

တန်ဖိုးနည်းဖုန်းကဒ်များကို မဲစနစ်ဖြင့်ရောင်းချပေးခြင်းနှင့် ပတ်သက်၍ "မှန်မှန်ကန်ကန်နဲ့ မဲစနစ်အနေနဲ့ ရောင်းချပေးမယ်ဆိုတော့ အန်တီတို့အနေနဲ့ကတော့ ကောင်းပါတယ်ပဲ ပြောရတော့မှာပေါ့၊ အဲ့လိုမှ မဟုတ်ပဲ ပွဲစားကနေတဆင့်တို့၊ ၀န်ထမ်းတွေကနေ တဆင့်တို့ ဆိုရင် အများပြောစရာဖြစ်နေမှာပေါ့လေ၊ ခုမဲစနစ်မှာ မဲမပေါက်တဲ့ လူတွေရဲ့ လျှောက်လွှာတွေကိုလည်း နောက်အသုတ်တွေမှာ ထည့်ပြီး နှိုက်သွားမယ်ဆိုတော့ တစ်နေ့နေ့တော့ ရမှာပဲ ဆိုတဲ့ စိတ်နဲ့ပဲ အန်တီတို့လည်း မျှော်ရပေမှာပေါ့လေ..."ဟု ဈေးသည် အမျိုးသမီးတစ်ဦးက ပြောသည်။

တာချီလိတ်နေ ပြည်သူများအနေဖြင့် ပထမသုတ်တွင် မဲနှိုက်ရာ မဲမပေါက် သူများ စိတ်ဓါတ်မကျစေလိုပဲ နောက်အသုတ်များမှာလည်း ထပ်မံနှိုက်နိုင်ပြီး မဲပေါက်ပြီးသူများ အနေဖြင့်တော့ နောက်ထပ် ထပ်မံ၍ စာရင်းပေးသွင်းကာ မဲနှိုက်ခွင့်မရှိကြောင်းလည်း သိရသည်။

CDMA-800 MHz များကို မဲစနစ်ဖြင့် လုပ်ဆောင်ခြင်းနှင့်ပတ်သက်၍ "လျှောက်ထားသူများ သိရှိရန်" နှင့် "ပြည်သူလူထုအား အသိပေးကြော်ငြာခြင်း" ဆိုသည့် ကြော်ညာစာအား မူရင်းအတိုင်း ဖော်ပြလိုက်ပါသည်။

လျှောက်ထားသူများ သိရှိရန်

• ၁) CDMA-800 MHz Network ရှိသော ဧရိယာတွင်သာ ဆက်သွယ်ပြောဆိုနိုင်ပါသည်။
• ၂) ရှမ်းပြည်နယ်အတွင်း ဖော်ပြပါ မြို့နယ်ဒေသများတွင်သာ အသုံးပြုနိုင်မည်ဖြစ်ပြီး မြန်မာနိုင်ငံတစ်ဝှမ်းလုံး သာမက နိုင်ငံရပ်ခြားကပါ ဆက်သွယ်ပြောဆိုနိုင်မည်ဖြစ်ပါသည်။
• ၃) ငွေဖြည့်ကဒ်များကို သီးသန့်ပြုလုပ်ထားသော CDMA-800 MHz ငွေဖြည့်ကဒ်ဖြင့်သာ အသုံးပြုနိုင်မည်ဖြစ်ပါသည်။
• ၄) ကဒ်ပျက်/ကဒ်ပျောက်နှင့် အင်တာနက်ချိတ်ဆက်အသုံးပြုမှုများသည် ယခင်မိုဘိုင်းဖုန်းများအတိုင်းဖြစ်ပါသည်။
• ၅) လျှောက်လွှာနှင့်အတူ အိမ်ထောင်စုစာရင်းမိတ္တူနှင့် မှတ်ပုံတင်မိတ္တူ(၁)စုံတင်ပြရန်။
• ၆) ၀ယ်ယူခွင့်ရရှိပါက ရောင်စုံလိုင်စင်ဓါတ်ပုံ (၂)ပုံ ယူဆောင်လာရပါမည်။

ပြည်သူလူထုအား အသိပေးကြော်ငြာခြင်း

• ၁) မြန်မာ့ဆက်သွယ်ရေးလုပ်ငန်းမှ ( CDMA - 800 MHZ ) မိုဘိုင်းဖုန်း ( Sim Card )များအား သတ်မှတ်တန်ဖိုးငွေ (၁၅၀၀)ကျပ်ဖြင့် ရောင်းချပေးမည်ဖြစ်ပြီး တာချီလိတ်မြို့ ပြည်သူများအတွက် (ပထမအသုတ်) Sim Card (၇၀၀)ခုအား (၂၃.၄.၂၀၁၃)ရက်နေ့ နံနက်(၁၀)နာရီအချိန်တွင် "အောင်မြတ်ခန်းမ"၌ မဲစနစ်ဖြင့် ရောင်းချပေးသွားမည်ဖြစ်ပါသည်။
• ၂) လျှောက်ထားလိုသူ ပြည်သူများအနေဖြင့် (၂၁-၄-၂၀၁၃)ရက်နေ့ နှင့် (၂၂-၄-၂၀၁၃) ရက်နေ့ တို့တွင် နံနက်(၀၈း၀၀)နာရီမှ ညနေ(၁၅း၀၀)နာရီ အတွင်း မြို့နယ်အထွေထွေအုပ်ချုပ်ရေးဦးစီးဌာနရုံးတွင် သတ်မှတ်လျှောက်လွှာပုံစံဖြင့် လာရောက်လျှောက်ထားနိုင်ပါသည်။ လျှောက်လွှာ(နမူနာ)ပုံစံများအား ရပ်ကွက်/ကျေးရွာ အုပ်ချုပ်ရေးမှူးရုံးများတွင် ကြော်ငြာပေးထားမည်ဖြစ်ပြီး လျှောက်ထားစဉ် လျှောက်လွှာ(မူရင်း)နှင့် (မိတ္တူ)တစ်ရွက်၊ တာချီလိတ်မြို့ လူဝင်မှုကြီးကြပ်ရေးနှင့်အမျိုးသားမှတ်ပုံတင်ရေးဦးစီးဌာနမှ ထုတ်ပေးထားသည့် အိမ်ထောင်စုစာရင်း(မိတ္တူ)၊ နိုင်ငံသားစိစစ်ရေးကတ်ပြားမိတ္တူတို့အား (ပူးတွဲ)တင်ပြရန်နှင့် လာရောက်လျှောက်ထားစဉ် အိမ်ထောင်စုဇယားနှင့် နိုင်ငံသားစိစစ်ရေးကတ်(မူရင်း)များအားအဖွဲ့မှ စိစစ်နိုင်ရန်အတွက် တပါတည်း ယူဆောင်လာရပါမည်။
• ၃) အိမ်ထောင်စု (၁)ခုလျှင် လျှောက်လွှာ(၁)စောင်သာ လျှောက်ထားရမည်ဖြစ်ပြီး ယခင် မိုဘိုင်းဖုန်းရရှိထားသူများ ထပ်မံလျှောက်ထားခွင့်မရှိပါ။ အိမ်ထောင်စုဝင်များအနေဖြင့် အရွယ်ရောက်ပြီးသူ (အသက်(၁၆)နှစ်အထက်) (၁) ဦးသာ လျှောက်ထားခွင့်ရှိပါသည်။
• ၄) သာသနာ့ဝန်ထမ်း ၊ ရဟန်း ၊ သာမဏေနှင့် ၊ သီလရှင်များအနေဖြင့် လျှောက်ထားလိုပါက သတ်မှတ်လျှောက်လွှာနှင့်အတူ သာသနာဝင်ကတ် (သို့) နိုင်ငံသားစိစစ်ရေးကတ် မိတ္တူ ၊ သက်ဆိုင်ရာ ကျောင်းထိုင်ဆရာတော်၏ အတူသီတင်းသုံးနေထိုင်ကြောင်း ထောက်ခံချက်တို့ဖြင့် ပူးတွဲလျှောက်ထားရမည်ဖြစ်ပါသည်။
• ၅) နိုင်ငံ့ဝန်ထမ်းများနှင့် မိသားစုဝင်များ အနေဖြင့် တာချီလိတ်မြို့(လ၀က)တွင် အိမ်ထောင်စုစာရင်း မ၀င်ရသေးပါက ၀န်ထမ်း မိသားစု(၁)စုလျှင် လျှောက်လွှာ(၁)စောင်နှုန်းဖြင့် လျှောက်ထားနိုင်ပြီး လျှောက်လွှာနှင့်အတူ နိုင်ငံသားစိစစ်ရေးကတ်ပြား မိတ္တူ ၊ သက်ဆိုင်ရာ ဌာနအကြီးအကဲမှ တာဝန်ထမ်းဆောင်နေသည်မှာ မှန်ကန်ကြောင်း(သို့) ၀န်ထမ်းနှင့်အတူနေ မိသားစုဝင်ဖြစ်ကြောင်း ထောက်ခံချက်များနှင့်အတူ ပူးတွဲတင်ပြ လျှောက်ထားရမည်ဖြစ်ပါသည်။
• ၆) (ပထမသုတ်) ခွင့်ပြုထားသည့် (SIM card ) (၇၀၀) အား မဲစနစ်ဖြင့် ဆောင်ရွက်စဉ် ရရှိခြင်းမရှိသော လျှောက်လွှာရှင်များအား နောင်လာမည့်အသုတ်များတွင် ထပ်မံထည့်သွင်း မဲနှိုက်ပေးသွားမည်ဖြစ်ပါသည်။
• ၇) အသေးစိတ်အချက်အလက်များ သိရှိလိုပါက မြို့နယ်အထွေထွေအုပ်ချုပ်ရေးဦးစီးဌာနရုံး ၊ မြန်မာ့ဆက်သွယ်ရေးလုပ်ငန်း (တာဝန်ခံရုံး)နှင့်သက်ဆိုင်ရာ ရပ်ကွက်/ကျေးရွာ အုပ်ချုပ်ရေးမှူးရုံးများတွင် စုံစမ်းနိုင်ပါကြောင်း အသိပေးကြေငြာအပ်ပါသည်။