မေလ(၈)ရက်နေ့ ညနေ(၅း၂၀)နာရီခန့်က တာချီလိတ်မြို့ ၀မ်ကောင်းရပ်ကွက်၊ ဓမ္မသစ္စာလမ်း၊ ဗမာရွာတွင် အသက်(၅၁)နှစ်အရွယ်ရှိ တာလေမြို့နယ်ခွဲ ပူဟိုမိန်းကျေးရွာမှ ပြည်သူ့စစ်ခေါင်းဆောင် ဦးအားဂျွေသည် မိမိကိုယ်ကို ကြိုးဆွဲချသေဆုံးသွားကြောင်း သိရှိရသည်။
ဖြစ်စဉ်မှာ တာလေမြို့နယ်ခွဲ ပူဟိုမိန်းကျေးရွာမှ ပြည်သူ့စစ်ခေါင်းဆောင် ဦးအားဂျွေသည် အသက်(၇)နှစ်အရွယ်ရှိ ၎င်း၏ သမီးဖြစ်သူတွင် ခံစားနေရသည်ဖြစ်သော ဦးခေါင်းအတွင်း အကြိတ်ဖြစ်သည့် ရောဂါကို ထိုင်းနိုင်ငံ ချင်းရိုင်းဆေးရုံ၌ ကုသရန်အတွက် ၎င်း၏ သမီးနှင့်အတူ တာချီလိတ်မြို့သို့ ရောက်ရှိလာခဲ့ပြီး ချင်းရိုင်းဆေးရုံတွင် သွားရောက်ဆေးကုစဉ် ကုန်ကျစရိတ် မတတ်နိုင်သဖြင့် တာချီလိတ်ဘက်သို့ ပြန်လာခဲ့ပြီး ၎င်းကိုယ်တိုင်ကလည်း အစာအိမ်ရောဂါဝေဒနာဖြင့် စိတ်ခံစားမှုဖြစ်နေကြောင်း သိရသည်။
၎င်း၏ သားမက်ဖြစ်သူ၏ နေအိမ်တွင် နေထိုင်နေစဉ် ညနေ(၅း၂၀)နာရီခန့်၌ သားမက်ဖြစ်သူ၏ နေအိမ်ရှေ့ခန်း ဘီရိုရှေ့အုတ်နံရံရှိ ပြုတင်းပေါက်သံတိုင်တွင် အလျား(၁၅)ပေခန့်ရှိ မီးခုံအသင့်တပ်ပြီး ပါရှိသော ၀ါယာကြိုးကို နှစ်ခေါက်ပြုလုပ်၍ ချည်နှောင်ပြီး လည်ပင်းကို ကြိုးကွင်းစွပ်ကာ ကြိုးဆွဲချ၍ ဖင်ထိုင်လျက် သေဆုံးနေကြောင်း သက်သေ ၀မ်ကောင်းရပ်ကွက် အုပ်ချုပ်ရေးမှူး ဦးထွန်းထွန်းဝင်း၊ အဖွဲ့ဝင် ဦးမြင့်ကြိုင်တို့နှင့်အတူ တာချီလိတ်ရဲစခန်းမှူး ရဲအုပ် တင်ဌေး၊ တာဝန်မှူး ဒုရဲအုပ် သောင်းထိုက် နှင့် နယ်ထိန်းအဖွဲ့မှ တွေ့ရရှိသဖြင့် ကြိုးဆွဲချ သေဆုံးသူအား ဆေးစာရေးရန်အတွက် စစ်ဆေးမှုများပြုလုပ်ရာ သေသူ၏ လည်ပင်း၌ (V)ပုံသဏ္ဍာန် ကြိုးအစင်းရာ တစ်ခုနှင့် မျက်လုံးပြူးနေပြီး ပြင်ပဒဏ်ရာ မတွေ့ရှိရသဖြင့် စခန်းမှူး ရဲအုပ် တင်ဌေးမှ သေမှုသေခင်းအရ စုံစမ်းဆေးစစ်မှုများ ပြုလုပ်သွားမှာဖြစ်ကြောင်း သိရသည်။
သေဆုံးသူနှင့်ပတ်သက်၍ နေအိမ်ဘေးရှိ အသိမိတ်ဆွေတစ်ဦး၏ ပြောဆိုချက်အရ " ခါတိုင်း သူ သူ့သားမက်အိမ်ကို လာလာလည်တယ်၊ လာတိုင်းလည်း မျက်နှာက သာသာယာယာပဲ၊ ခုတစ်ခေါက်မှာတော့ သူ့မျက်နှာ ညှိုးငယ်ေ
နသလို ဖြစ်နေတာကိုတော့ သတိထားမိတယ်"ဟု သိရသည်။
အဆိုပါ ရပ်ကွက်အတွင်းရှိ ဈေးသည်တစ်ဦးမှ "ကျွန်မအထင်ကတော့ သူ့သမီးအတွက် ဆေးကုသဖို့ မတတ်နိုင်လို့များလား၊ ဒါမှမဟုတ် သူက ပြည်သူ့စစ်ခေါင်းဆောင်ဆိုတော့ ရွာမှာ ပြဿနာတစ်ခုခု တက်ခဲ့လို့များလား ဆိုတာကိုတော့ စဉ်းစားစရာပေါ့လေ"ဟု မှတ်ချက်ပေးသည့် သဘောဖြင့် ပြောဆိုလာသည်ကိုလည်း သိရှိခဲ့ရသည်။
ကြိုးဆွဲချသေဆုံးနေသည့် နေရာသို့ လာရောက်ကြည့်ခဲ့သူ အမျိုးသားတစ်ဦးမှလည်း "တစ်သက်နဲ့တစ်ကိုယ်ဗျာ ဒီလို ထိုင်လျက်ပုံစံမျိုးနဲ့ ကြိုးဆွဲချသေတာ မမြင်ဖူးဘူး၊ အေးပေါ့ဗျာ သူ့အနေနဲ့ သေကံပါလာတယ်လို့ပဲ ပြောရတော့မှာပဲ..."ဟု ပြောဆိုတာကိုလည်း ကြားသိခဲ့ရသည်။
