ရှမ်းပြည်နယ်၊ မိုင်းဖြတ်ခရိုင်၊ မိုင်းဖြတ်မြို့တွင် (၆၆)နှစ်မြောက် လွတ်လပ်ရေးနေ့ကို ကြိုဆိုဂုဏ်ပြုသော
အားဖြင့် လွတ်လပ်ရေးနေ့ အကြိုဟောပြောပွဲ နှင့် နံရံကပ်စာစောင်ပြပွဲ အခမ်းအနားကို  ယနေ့ ဇန်န၀ါရီ (၃)ရက်၊ မွန်းလွဲ (၁)နာရီခွဲက မိုင်းဖြတ် အခြေခံပညာအထက်တန်းကျောင်း၏ ရွှေလီ ခန်းမဆောင်၌ ကျင်းပပြုလုပ်ခဲ့ကြသည်။

အခမ်းအနားတွင် ခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးအရာရှိ ဦးလှဌေး  က ဟောပြောပွဲနှင့် နံရံကပ်စာစောင်ပြပွဲ ကျင်းပခြင်းနှင့် စပ်လျဉ်းပြီး  ရှင်းလင်းဟောပြောသည်။ ဆက်လက်၍ မြို့နယ်ဦးစီးမှူး ဦးရှောလမွန်က  လွတ်လပ်ရေးနေ့ နှင့် စာပေဖတ်ရှုခြင်း အကြောင်းအရာများကို
လည်းကောင်း၊ အလယ်တန်းပြဆရာမ ဒေါ်မာလာယော်က လွတ်လပ်ရေးနေ့ ဖြစ်ပေါ်လာပုံနှင့် ဦးတည်ချက်များကို လည်းကောင်း  အသီးသီးဟောပြောကြသည်။

ယင်းနောက် ဟောပြောပွဲသို့ တက်ရောက်လာသည့်  ကျောင်းသားကျောင်းသူများ က  ပြသထားသည့် လွတ်လပ်ရေးနေ့ အထိမ်းအမှတ်  နံရံကပ်စာစောင်များအား  လေ့လာဖတ်ရှုခဲ့ကြောင်း သိရသည်။

Email: [email protected]

~⊱•❈❀ღ✿⊰❂⊱✿ღ❀❈•⊰~