တာချီလိတ်မြို့နယ် ဖွံ့ဖြိုးရေးလုပ်ငန်းများ အကောင်အထည်ဖေါ်ရေး လုပ်ငန်းညှိနှိုင်းအစည်းအဝေး အား ယနေ့ ဖေဖေါ်ဝါရီလ (၃)ရက် မွန်းလွဲပိုင်းက တာချီလိတ်မြို့နယ် အထွေထွေအုပ်ချုပ်ရေးဦးစီးဌာနရုံးရှိ အစည်းအဝေး ခန်းမတွင် ကျင်းပပြုလုပ်ရာ ရှေးဦးစွာ တာချီလိတ်ခရိုင်စီမံခန့်ခွဲမှုကော်မတီဥက္ကဋ္ဌ
ဦးသောင်းတင်ထွေးမှ အမှာစကားပြောကြားပြီး မြို့နယ်စီမံခန့်ခွဲမှုကော်မတီဥက္ကဌ ဦးရဲထူးက လုပ်
ငန်းဆောင်ရွက်မည့် အစီအမံများအား ရှင်းလင်းတင်ပြသည်။

   ထို့နောက် တာချီလိတ်မြို့နယ် ဖွံ့ဖြိုးရေးလုပ်ငန်း အကောင်အထည်ဖေါ်ရေးအဖွဲ့ ၊ အဖွဲ့ဝင်များ
ဖြစ်ကြသော ပြည်သူ့လွှတ်တော်ကိုယ်စားလှယ် ဦးစိုင်းသိန်းအောင် ၊ အမျိုးသားလွှတ်တော်ကိုယ်
စားလှယ် ဦးဝီလ်ဆင်မိုး ၊ ပြည်နယ်လွှတ်တော်ကိုယ်စားလှယ် ဒေါ်တင်မေထွန်းတို့မှ နိုင်ငံတော်မှ
ပေးအပ်သည့် ဒေသဖွံ့ဖြိုးရေးရံပုံငွေ ကျပ်သိန်းတစ်ထောင်အား သုံးစွဲပြီး လုပ်ငန်းများအကောင်အထည်
ဖော်ဆောင်ရွက်ရမည့် အစီအမံများအား ရှင်းလင်းပြောကြားကာ တက်ရောက်လာကြသော မြို့နယ်
စည်ပင်သာယာရေးကော်မတီဝင်များ၊ အထောက်အကူပြုအဖွဲ့ဝင်များက အသေးစိပ်ညှိနှိုင်းဆွေးနွေး
ကြပါသည်။

ယင်းနောက် နိုင်ငံတော်မှချမှတ်ပေးသော ဒေသဖွံ့ဖြိုးရေးရံပုံငွေ ကျပ်သိန်းတစ်ထောင်အနက်
ပထမအရစ် ကျပ်သိန်းငါးရာအား မြို့နယ်ဖွံ့ဖြိုးရေးလုပ်ငန်း အကောင်အထည်ဖေါ်ရေးအဖွဲ့ ၊ အဖွဲ့ဝင်
များက လွှဲပြောင်းပေးအပ်ရာ မြို့နယ်အထောက်အကူပြုအဖွဲ့ဝင်များက လက်ခံရယူခဲ့ကြကြောင်း
သိရှိရပါသည်။

Email: [email protected]

~⊱•❈❀ღ✿⊰❂⊱✿ღ❀❈•⊰~