မြန်မာ့နှစ်ဆန်း(၁)ရက်နေ့၏ အလွန် (၁၀)ရက်မြောက်နေ့ဖြစ်သည့် ဧပြီလ(၂၇)ရက် ညနေ (၅း၄၅)နာရီအချိန်ခန့်က တာချီလိတ်၌ အမျိုးသားတစ်ဦး ကြိုးဆွဲချသေဆုံးသွားကြောင်း သိရသည်။
"ဘယ်လို အကြောင်းကြောင့် ကြိုးဆွဲချသေဆုံးသွားသလဲဆိုတာတော့ မသိရဘူး၊ ဦးလှမိုးတို့လည်း ဟိုကို ရောက်တော့ ကြိုးကဖြုတ်ပြီးသားဖြစ်နေတာနဲ့ အလောင်းကို သယ်ပြီး ရင်ခွဲရုံကို ပို့ပေးခဲ့ပြီး ဒီနေ့ သဂြုင်္ိဟ်ပေးဖို့ စီစဉ်ထားပါတယ်..."ဟု တာချီလိတ်နာရေးကူညီမှုအသင်း ဥက္ကဌ ဦးလှမိုးမှ တာချီလိတ်သတင်းအေဂျင်စီသို့ ပြောသည်။
ကြိုးဆွဲချသေဆုံးသွားသူသည် နေအိမ်၌ပင် မည်သည့်အကြောင်းကြောင့် ကြိုးဆွဲချသေဆုံးသွားကြောင်းကို သိရှိရခြင်း မရှိကြောင်းနှင့် ၎င်း၏ မိခင်သည် အပြင်က ပြန်ရောက်မှ ကြိုးဆွဲချသေဆုံးနေသည့် သားဖြစ်သူကို တွေ့ရသည့်အတွက် ကပျာကယာဖြင့် ကြိုးအား မိခင်ကိုယ်တိုင် ဖြုတ်ချပေးခဲ့ရပြီးမှ သက်ဆိုင်ရာသို့ အကြောင်းကြားဖြစ်တာဖြစ်ကြောင်း ၎င်းထံမှ ဆက်လက်သိရှိရသည်။
ကြိုးဆွဲချသေဆုံးသွားသူ အသက်(၃၄)နှစ်ရှိ ကိုလွင်ဇော်အောင်သည် တာချီလိတ်မြို့၊ ပုန်းထွန်ရပ်ကွက်၊ ငွေစေတီလမ်းရှိ နေအိမ်၌ နေထိုင်သူဖြစ်ပြီး ၎င်းသည် နေအိမ်၏ မီးဖိုခန်း ၀ါးထုတ်တန်းတွင် အစိမ်းရောင် (၂)မူးလုံး နိုင်လွန်ကြိုးအရှည်ဖြင့် ချည်နှောင်ပြီး ကြိုးဆွဲချသေဆုံးနေရာမှာ ပြင်ပဒဏ်ရာ တစ်စုံတစ်ရာ ရရှိခြင်းမရှိဘဲ သေဆုံးနေတာကို တွေ့ရှိရကြောင်းနှင့် တာချီလိတ်မြို့မရဲစခန်းတွင် သေမှုသေခင်း အမှတ်စဉ်(၅/၂၀၁၅)ဖြင့် အမှုဖွင့် အရေးယူဆောင်ရွက်ထားရှိကြောင်း တာချီလိတ်မြို့မရဲစခန်းမှ သိရသည်။
