ထိုင္းႏိုင္ငံ လိပ္ကြ်န္း လူသတ္မႈႏွင့္ ပတ္သက္၍ ျမန္မာႏိုင္ငံသား ႏွစ္ဦးအား ယေန႔ ဒီဇင္ဘာလ(၂၄)ရက္ေန႔ နံနက္ပိုင္းမွာ ထိုင္းတရားရံုးက အျပစ္ရွိေၾကာင္း အတည္ျပဳၿပီး ေသဒဏ္အျဖစ္ အမိန္႔ခ်လိုက္သည့္ ကိစၥႏွင့္ ပတ္သက္၍ ျမန္မာအစိုးရမွ အဆင့္ဆင့္ အယူခံ၀င္ႏိုင္ရန္ ကူညီပံ့ပိုးေပးသြားမည္ျဖစ္ေၾကာင္း ျပည္ေထာင္စု၀န္ႀကီး ဦးရဲထြဋ္က ၎ရဲ႕ Facebookတြင္ ေျပာဆို ေရးသားထားသည္။
"လိပ္ကြၽန္း လူသတ္မူအတြက္ စြပ္စြဲခံေနရတဲ့ ျမန္မာလုပ္သားႏွစ္ဦးနဲ႕ ပတ္သက္ၿပီး စံုုစမ္းစစ္ေဆးစဥ္ ကာလမွာေရာ၊ တရားရင္ဆုုိင္စဥ္ကာလမွာေရာ ထုုိင္းႏုုိင္ငံဥပေဒအရ ရသင့္တဲ့ အခြင့္အေရးမ်ား ရရိွေအာင္ ၊ အျပစ္မရိွေၾကာင္း သက္ေသျပႏိုုင္ေအာင္ ျမန္မာသံရံုုးနဲ႔ ထုုိင္းႏုုိင္ငံရိွ ျမန္မာအဖြဲ႕အစည္းမ်ား ပူးေပါင္းေဆာင္ရြက္ေပးခဲ့ပါတယ္.."
"အခုု တရားရံုုးက အျပစ္ရိွေၾကာင္းဆံုုးျဖတ္ၿပီး ျပစ္ဒဏ္ခ်မွတ္ခဲ့မႈနဲ႕ပတ္သက္ၿပီး ျမန္မာႏုုိင္ငံသား ႏွစ္ဦးအေနနဲ႔ ထုုိင္းႏုုိင္ငံဥပေဒနဲ႔ အညီ အယူခံခြင့္ အဆင့္ဆင့္ ကိုုေဆာင္ရြက္ႏုုိင္ဖိုု႔ အတြက္ ျမန္မာအစိုုးရ အေနနဲ႔ ကူညီပံ့ပိုုးေဆာင္ရြက္သြားမွာ ျဖစ္ပါတယ္။ ထုုိင္းႏုုိင္ငံဆိုုင္ရာ ျမန္မာသံရံုုးကလည္း ထုုိင္းႏုုိင္ငံရိွ ျမန္မာ အဖြဲ႕အစည္းမ်ားနဲ႔ ပူးေပါင္းေဆာင္ရြက္သြားမွာ ျဖစ္ပါတယ္.."ဟု ေရးသားထားသည္။
"အယူခံမႈ အဆင့္ဆင့္မွာ ဒီအမႈနဲ႔ ပတ္သက္တဲ့ သက္ေသအေထာက္အထားမ်ားကိုု ျပန္လည္သံုုးသပ္ျပီး စြပ္စြဲခံရသူႏွစ္ဦး အျပစ္မရိွေၾကာင္း သက္ေသျပႏုုိင္မယ္လိုု႔ ေမွ်ာ္လင့္ပါတယ္"
ျပန္ၾကားေရး၀န္ႀကီးဌာန၊ ျပည္ေထာင္စု၀န္ႀကီး ဦးရဲထြဋ္ကိုယ္တိုင္အသံုးျပဳသည့္ facebook ေပၚတြင္ ဒီဇင္ဘာလ(၂၄)ရက္ နံနက္ (၁၀)နာရီ မိနစ္(၂၀)က ေရးသားထားျခင္းျဖစ္သည္။
ထိုင္းႏိုင္ငံ လိပ္ကြ်န္းတြင္ ၂၀၁၄ခုႏွစ္ စက္တင္ဘာ (၁၅)က ႏိုင္ငံျခားသားႏွစ္ဦး အသတ္ခံရမႈႏွင့္ ပတ္သက္ၿပီး ျမန္မာႏုိင္ငံသား လုပ္သားႏွစ္ဦး ဖမ္းဆီးခံရကာ စြပ္စြဲခံရၿပီးေနာက္ တစ္ႏွစ္ေက်ာ္ အၾကာျဖစ္သည့္ ယေန႔ ၂၀၁၅ခုႏွစ္ ဒီဇင္ဘာလ(၂၄)ရက္ေန႔တြင္ ထိုင္းတရားရံုးမွ ျပစ္မႈထင္ရွားေၾကာင္း အတည္ျပဳကာ ေသဒဏ္ခ်မွတ္လိုက္တာ ျဖစ္ေၾကာင္း သိရသည္။
( unicode )
ထိုင်းနိုင်ငံ လိပ်ကျွန်း လူသတ်မှုနှင့် ပတ်သက်၍ မြန်မာနိုင်ငံသား နှစ်ဦးအား ယနေ့ ဒီဇင်ဘာလ(၂၄)ရက်နေ့ နံနက်ပိုင်းမှာ ထိုင်းတရားရုံးက အပြစ်ရှိကြောင်း အတည်ပြုပြီး သေဒဏ်အဖြစ် မိန့်ချလိုက်သည့် ကိစ္စနှင့် ပတ်သက်၍ မြန်မာအစိုးရမှ အဆင့်ဆင့် အယူခံဝင်နိုင်ရန် ကူညီပံ့ပိုးပေးသွားမည်ဖြစ်ကြောင်း ပြည်ထောင်စုဝန်ကြီး ဦးရဲထွဋ်က၎င်းရဲ့ Facebookတွင် ပြောဆို ရေးသားထားသည်။
"လိပ်ကျွန်း လူသတ်မူအတွက် စွပ်စွဲခံနေရတဲ့ မြန်မာလုပ်သားနှစ်ဦးနဲ့ ပတ်သက်ပြီး စုံစမ်းစစ်ဆေးစဉ် ကာလမှာရော၊ တရားရင်ဆိုင်စဉ်ကာလမှာရော ထိုင်းနိုင်ငံဥပဒေအရ ရသင့်တဲ့ အခွင့်အရေးများ ရရှိအောင်၊ အပြစ်မရှိကြောင်း သက်သပြေနိုင်အောင် မြန်မာသံရုံးနဲ့ ထိုင်းနိုင်ငံရှိ မြန်မာအဖွဲ့အစည်းများ ပူးပေါင်းဆောင်ရွက်ပေးခဲ့ပါတယ်.."
"အခု တရားရုံးက အပြစ်ရှိကြောင်းဆုံးဖြတ်ပြီး ပြစ်ဒဏ်ချမှတ်ခဲ့မှုနဲ့ပတ်သက်ပြီး မြန်မာနိုင်ငံသား နှစ်ဦးအနေနဲ့ ထိုင်းနိုင်ငံဥပဒေနဲ့ အညီ အယူခံခွင့် အဆင့်ဆင့် ကိုဆောင်ရွက်နိုင်ဖို့ အတွက် မြန်မာအစိုးရ အနေနဲ့ ကူညီပံ့ပိုးဆောင်ရွက်သွားမှာ ဖြစ်ပါတယ်။ ထိုင်းနိုင်ငံဆိုင်ရာ မြန်မာသံရုံးကလည်း ထိုင်းနိုင်ငံရှိ မြန်မာ အဖွဲ့အစည်းများနဲ့ ပူးပေါင်းဆောင်ရွက်သွားမှာ ဖြစ်ပါတယ်.."ဟု ရေးသားထားသည်။
"အယူခံမှု အဆင့်ဆင့်မှာ ဒီအမှုနဲ့ ပတ်သက်တဲ့ သက်သေအထောက်အထားများကို ပြန်လည်သုံးသပ်ပြီး စွပ်စွဲခံရသူနှစ်ဦး အပြစ်မရှိကြောင်း သက်သပြေနိုင်မယ်လို့ မျှော်လင့်ပါတယ်"
ပြန်ကြားရေးဝန်ကြီးဌာန၊ ပြည်ထောင်စုဝန်ကြီး ဦးရဲထွဋ်ကိုယ်တိုင်အသုံးပြုသည့် facebook ပေါ်တွင် ဒီဇင်ဘာလ(၂၄)ရက် နံနက် (၁၀)နာရီ မိနစ်(၂၀)က ရေးသားထားခြင်းဖြစ်သည်။
ထိုင်းနိုင်ငံ လိပ်ကျွန်းတွင် ၂၀၁၄ခုနှစ် စက်တင်ဘာ (၁၅)က နိုင်ငံခြားသားနှစ်ဦး အသတ်ခံရမှုနှင့် ပတ်သက်ပြီး မြန်မာနိုင်ငံသား လုပ်သားနှစ်ဦး ဖမ်းဆီးခံရကာ စွပ်စွဲခံရပြီးနောက် တစ်နှစ်ကျော် အကြာဖြစ်သည့် ယနေ့ ၂၀၁၅ခုနှစ် ဒီဇင်ဘာလ(၂၄)ရက်နေ့တွင် ထိုင်းတရားရုံးမှ ပြစ်မှုထင်ရှားကြောင်း အတည်ပြုကာ သေဒဏ်ချမှတ်လိုက်တာ ဖြစ်ကြောင်း သိရသည်။
