~~~~~~~~⊰❂ unicode ❂⊱~~~~~~~~
ရှမ်းပြည်နယ်မြောက်ပိုင်း ကျောက်မဲမြို့တွင် ယနေ့ မတ်လ (၅) ရက်နေ့မှစ၍ ဘာသာပေါင်းစုံ တောင်သုသာန်မှ အေးချမ်းသာ သုသာန်သို့ ဝိညာဉ်များအား ယာဉ်ကြီး ယာဉ်ငယ်များဖြင့် ကျောက်မဲမြို့နယ်စည်ပင်သာယာရေးဌာနမှ ဦးဆောင်ကာ သက်ဆိုင်ရာ ပူးပေါင်းအဖွဲ့ဖြင့် ပြောင်းရွှေ့ နေလျှက်ရှိကြောင်း သိရသည်။
"ဒီနေ့က စပြီး သုသာန်ဟောင်းကနေ အေးချမ်းသာ သုဿန်သို့ ဝိညာဉ်တွေကို ကားကြီး(၁၅)စီး နဲ့ အရန်(၃)စီး စုစုပေါင်း (၁၈)စီးနဲ့ စရွှေ့နေပါပြီ"ဟု ဒေသခံ တစ်ဦးက ဆိုသည်။
သုသာန်ဟောင်းရှိ ဗုဒ္ဓဘာသာ၊ အစ္စလာမ်၊ ခရစ်ယာန် စသည့်သင်္ချိုင်းများအား ရွှေ့ရန်အချိန် တစ်နှစ် ပေးထားပြီး တရုတ်သင်္ချိုင်းရှိ အုတ်ဂူများမှာ ခိုင်မာစွာ ပြုလုပ်ထားခြင်းကြောင့် ၂၀၂၀ ခုနှစ်အထိ အချိန် (၃) နှစ်ပေးထားခြင်း ဖြစ်ကြောင်း သိရသည်။
အသစ်စတင် အသုံးပြုမည့် သင်္ချိုင်းမြေနေရာတွင် စုစုပေါင်းမြေ (၂၅)ဧက ပါဝင်ပြီး မြန်မာသုသာန် အတွက် (၈) ဧက၊ တရုတ် (၆.၂၃) ဧက၊ အစ္စလာမ် (၃.၉၉) ဧက၊ ခရစ်ယာန် (၂ )ဧကနှင့် ဟိန္နူ(၁)ဧက ပါဝင်မည်ဖြစ်ပြီး မီးသင်္ဂြိုလ်စက်နှင့် ရေတွင်းရေကန်များ ထရန်စဖော်မာများထားရှိရန် အတွက် (၃.၇) ဧကပါဝင်ကာ လမ်း ဧရိယာများနှင့် သပ်ရပ်လှပစနစ်တကျရှိစေရန် လုပ်ဆောင်နေကြောင်း သိရှိရသည်။
သတင်း/ဓာတ်ပုံ = #နဖြေိုးမြင့်
